Matiyò 27:42 - Mokpwe: Bakwery (New Testament)

⁴² “À ma hwɛ lì rzùŋgà hwatò ndi nàŋgɛ à rza tànɛyi lì àwòŋgòwànɛ̀ tɔ̀ mɔ̀ ŋmìti. È hwèlì tɛ e jɔ̀kɛ̀ nanù ema mɔ̀ ndi à hwèlì e kiŋgɛ ya èkòmè ya Irzàyɛ̀lì, inyɛ a rzihwe rzɔ ò eŋge mbarza naŋgɛ. Aŋga ndi irzɔ i lòkɛ̀ nanù ema mɔ̀ ndi à hwèlì è Mɔ̀ ema à Ɔ̀kirzɛ̀hwɛ̀yi.

Matiyò 27:42 ပူးပေါင်းရင်းမြစ်များ

Matiyò 2:2

Hwaŋga hwàlaŋgà rzòmbe hwa mà ùke ò Jèrurzalɛ̀mù rzi hwa ijòwa nanù ema, “One òŋgò ŋmanà ema à ŋyahwì è Kiŋgɛ yà wònyà Yudà e? Ì ɛni è rzòmbe wàte, è jò uŋmɛ̀lɛ̀ nanù ema à ŋyàhwì. Ɔ̀ndeŋgàtɛ̀ ì jelì ò lì mò ŋgba èluhwe.”

Matiyò 27:37

Hwa mà tìla jànda jà è kpelì yà eni ò tahvelì nanù ema, “Yerzù ònò, è Kiŋgɛ yà wònyà Yudà.” Rzìi hwa wòwa eŋge tahvelì hwa è wòmeyà ò ŋmanyu tènyi lì aka mòòhvò mò eni.

Matiyò 27:40

nanù ema, “Ò mà òhwa òma ò wùùlɛ̀ è Ndawò yà Lohwà rzìi ò è òŋga ò ìtììtènì ja mèenyà meyawò. À arzùŋgɛ̀ ò wà hwiti, ò hwèlì tɛ è Ŋmanà wà munyanà wà ama Lohwɛ̀! Rzihwa ò ŋmanyu yà eŋge mbarza!”

Matiyò 27:41

Nànù mɛnɛ hvɛ ndi, Ipìlìrzì ndɛnɛ̀ nà hwà-òkòlèlì hwa mbenda na hwàmbàkì hwa mà hwɛ lì mò kùwa nanù ema,

Makòrzì 15:31

Nànù mɛnɛ hvɛ ndi, Ipìlìrzì ndɛnɛ̀ nà hwà-òkòlèlì hwa mbenda hwa mà hwɛ lì mò kùwa. Hwà mà hwɛ lì a òhwanɛ̀ wɔ̀ hwìti nanù ema, “À ma hwɛ lì rzùŋgà hwatò ndi nàŋgɛ à rza tànɛyi lì àwòŋgòwànɛ̀ tɔ̀ mɔ̀ ŋmìti.

Makòrzì 15:32

È Mɔ̀ ema à òhwi nanù ema à Ɔ̀kirzɛ̀hwɛ̀yi, ema à hwèlì ndi è kiŋgɛ̀ ya wònyà Irzàyɛ̀lì à rzìhwe ò mbarza naŋgɛ aŋga nanù je ɛnɛ rzìi ì mò lòkɛ̀.” Hwàŋga hwàyihwɛ̀ ema hwa mà wòmàwɛlɛ̀hwɛ ò itòŋgòŋgò ja ama Yerzù wɔ̀ hvɛ hwa mà hwɛ̀ lì mò hwɛnyɛ.

Lukàrzɛ̀ 19:38

rzìi hwa wòteyà ò lì òhwa nanù ema, “Mònàmɛ̀ mò hwèlì nà è kiŋgɛ̀ ema è jelì ò lìna là ama è Rzàŋgò! Ɛ̀yɔ̀lɛ̀ è hwɛ ò ŋmanyu yà lohwà, Èluhwe hvɛ nà Lohwɛ̀ ema à kàrzamì!”

Lukàrzɛ̀ 23:35

Nà òmà è ŋgìndì e mà tɛ̀mɛ̀ ò lì ɔŋgɔ̀ Yerzù, rzìi hwàtìmbèlì hwa lìmeya ndi lì kìkòwa Yerzù nanù ema, “À mà òŋgirzɛ hwànɛ̀yi, a àwòŋgìrzɛ̀ hvɛ mɔ̀ ŋmìti jò ɔ̀ŋgɔ, è hwèlì tɛ ema ò jɔ̀kɛ̀ mɔ̀ ndì Lohwɛ̀ a hvɔ̀rzì, ema a Ɔ̀kirzɛ̀hwɛ̀yi.”

Lukàrzɛ̀ 23:37

Hwaànèlì hwa njùma wɔ̀ hvɛ hwà mà mò òhwàna nanù ema, “Arzùŋgɛ̀ ò wa hwìti è hwèlì tɛ ema ò wa ndi ò hwèlì e kiŋgɛ̀ yà wònyà Yudà!”

Yòwanìrzɛ̀ 1:49

Nàtànìyɛ̀lì rzìi à òhwa nanù ema, “Ìi Mòòkòlèlì, ò wà ndi ò hwèlì è Ŋmanà wà ama Lohwɛ̀. Ò wà ndi ò hwèlì è Kìŋgɛ yà Irzàyɛ̀lì.”

Yòwanìrzɛ̀ 12:13

Rzìi hwa kɛ̀ inyàŋgò, hwa ɛ̀ndɛ lì mò ùŋmànɛ̀lɛ̀ ò njiya. Hwa mà hwɛ lì tɛ̀ɛ nanù ema, “Hòrzanà! Mònàmɛ̀ nà è mɔ̀ ema à jelì ò lìnà là ama è Rzàŋgò. Mònàmɛ̀ nà è Kìŋgɛ yà hwatò hwa Irzàyɛ̀lì!”

Yòwanìrzɛ̀ 12:47

Tɔ̀ ima mòtò a hweyi tɛ ŋmɛ̀ndì mò ami, rzìi a rzi mò ika, imba na rza mò kaya èhwanja na rza jelì ndi ò lì kàyìrzɛ̀ e rze ndi na jelì ndi ò lì e rzùŋga hwatò hwa ene rze.

Yòwanìrzɛ̀ 9:24

È ŋgèlì e ùkirzɛ̀ ihwàkɛ rzìi hwaŋga hwatò hwa wònyà Yudà hwa hwɛlɛ hvɛ òŋgò mòtò ema à mà ŋyàahwàna e ndima, rzìi hwa mò òhweyà nanù ema, “O lìna la ama Lohwɛ̀ òhwa e jɔ̀kɛ̀ ya aŋgɔ̀. I hwi nanù ema ònò mòtò ema a ò wɔ̀wìrzɛ̀ a hwèlì ndi mòtò wa wòhwe.”

Hwègbèèlì 4:14

Mòŋgò ŋmèmba mò hwàkàyìrzèlì mò rzi tanɛ lì òhwa hvɛ tɔ̀ eyà hvɛ èhwanja òŋgò mòtò ema Petrò na Yòwanìrzɛ̀ hwà mà wɔ̀wìrzɛ̀ à mà tɛ̀mɛ̀ aŋga na wɔ̀.