Matiyò 27:40 - Mokpwe: Bakwery (New Testament)

⁴⁰ nanù ema, “Ò mà òhwa òma ò wùùlɛ̀ è Ndawò yà Lohwà rzìi ò è òŋga ò ìtììtènì ja mèenyà meyawò. À arzùŋgɛ̀ ò wà hwiti, ò hwèlì tɛ è Ŋmanà wà munyanà wà ama Lohwɛ̀! Rzihwa ò ŋmanyu yà eŋge mbarza!”

Matiyò 27:40 ပူးပေါင်းရင်းမြစ်များ

Matiyò 16:4

Ene nyɔ̀ŋgɔ̀nì ya wòhwe ema e rza arza lì hweyàna Lohwɛ̀, e arza ndi embànèlì ya mànyakà! Ndi inyɔ e rza ò luwa tɔ̀ embànèlì lì aka e embànèlì ya mànyakà ya ama Jona e mòòhwèlì wà èlìŋgɛ̀.” Yerzù à mà hwa hwɛmɛ rzi a ɛ̀ndɛ e ye eni.

Matiyò 26:61

“Onò mòtò à mà òhwa nanù ema, ‘Mɔ̀ à tànɛyi lì wuulɛ ene Ndawò yà Lohwà rzìi à e òŋga hvɛ ò ìtììtènì ja mèenyà meyawò.’”

Matiyò 27:41

Nànù mɛnɛ hvɛ ndi, Ipìlìrzì ndɛnɛ̀ nà hwà-òkòlèlì hwa mbenda na hwàmbàkì hwa mà hwɛ lì mò kùwa nanù ema,

Matiyò 27:42

“À ma hwɛ lì rzùŋgà hwatò ndi nàŋgɛ à rza tànɛyi lì àwòŋgòwànɛ̀ tɔ̀ mɔ̀ ŋmìti. È hwèlì tɛ e jɔ̀kɛ̀ nanù ema mɔ̀ ndi à hwèlì e kiŋgɛ ya èkòmè ya Irzàyɛ̀lì, inyɛ a rzihwe rzɔ ò eŋge mbarza naŋgɛ. Aŋga ndi irzɔ i lòkɛ̀ nanù ema mɔ̀ ndi à hwèlì è Mɔ̀ ema à Ɔ̀kirzɛ̀hwɛ̀yi.

Matiyò 27:54

Ndì è mòkànèlì hwa hwàànà njùma na hwanɛ̀yi hwàànà njuma ema hwà mà hwɛ lì ɔŋgeya Yerzù, hwà mà ɛnɛ mònyìŋgìrzɛ̀nɛ̀ na mamɛ ya arzɛ ema e ma gbèyɛ̀nɛ hwa mà lɛ̀mbeya mòkambiya rzìi hwa òhwa nanù ema, “Nà e jɔ̀kɛ̀ ònò mòtò à mà hwɛ ndi è Ŋmanà wà munyanà wà ama Lohwɛ̀.”

Matiyò 4:3

Mòkarzɛ̀ rzìi à mà mò jèeyà, rzìi à mò òhwèyà nanù ema, “Ò hwèlì tɛ è Ŋmanà wà ama Lohwɛ̀, kànèyà manù màŋyàyi mà timbe, hwèhvòòtò.”

Matiyò 4:6

Rzìi à mò òhwèyà nanù ema, “Ò hwèlì tɛ è Ŋmanà wà munyanà wà ama Lohwɛ̀, hvanja ò rze. Èhwanja è tìlahwì ò kààtì yà Lohwà nanù ema, ‘Lohwɛ̀ à ò kànèyà ì aŋgèlì jà eni ò lì ò nyàŋgà, iŋgi aŋgèlì ì ò hwànɛ ò ŋmanyu aŋga nanù ò rza àyɛ̀rzɛ̀ lìtàŋgà là aŋgɔ̀ ò lìŋyàyi.’”

Lukàrzɛ̀ 16:31

Abràhamù rzìi a mò òhweyà nanù ema, ‘Wɔ̀, hwa rzà hweyànì tɛ Mòrzè, nà hwanɛ̀yi hwà-òhwèlì hwa hwèlìŋgɛ̀, èŋge ŋgàna è hwèlì ndi ema hwa rzà tànɛyi lì lòkɛ̀ è mɔ̀ ema à ò hvùmùwɛ̀ ò èkòmè ya kpelì.’”

Hwèwulùwèlì 11:10

Hwatò ema hwa hwèlì ò rze yà mɔ̀nyɛ̀ hwa ò lìŋgeyà è kpelì yà hwanu hwatò hwààhwàkɛ. Hwa ò wòŋgìrzɛ̀nɛ̀ ndèma, ndèŋgànɛ̀lɛ̀ hwa ò aŋgbàànɛ màhwèyà mɔ̀kɔ nà ɔnɛyi ò lì uŋmɛ̀lɛ̀ màlìŋgo. Hwa ò gbèeyà nanù ehwànja, hwanu hwà-òhwèlì hwa hwèlìŋgɛ̀ hwahwàkɛ hwa mà tàkirzɛ̀ hwatò è hvonda ema hwa mà hwɛ ò è rze yà mɔ̀nyɛ̀.