Matiyò 27:27 - Mokpwe: Bakwery (New Testament)

²⁷ Hwaànelì hwa njùma hwà mà Pìlatò rzìi hwa wòwa Yerzù hwa mò ɛ̀ndɛnɛ ò ewòka ya e mòkànèlì. Rzìi e ŋgindi ya arzɛ ya hwaànèlì hwa njùma e tòŋga Yerzù.

Matiyò 27:27 ပူးပေါင်းရင်းမြစ်များ

Matiyò 26:3

O eŋge hvònda, Ipìlìrzì ndɛnɛ na hwatimbèlì hwa èkòmè hwa mà arzàŋganɛ ò è ndawò ya ama Kàyìhvàrzì, e Pìlìrzì ema e karzami.

Yòwanìrzɛ̀ 18:28

Nàŋgɛ rzɔ hwatò hwa Yudà rzi hwa tìmba Yerzù hwa mò anjiyana ò ndawò ya ama Kàyìhvàrzì natɛ̀ɛ na ò màandà mà ama e Gɔhwina ya Ròmànì. Ènè, e ma hwɛ ndi ò ekpà ya arzɛ. Wɔ̀ hwà mà òka wɔ̀ŋgɔ̀ ò lì kpèeyà ò ndawò èhwanja hwa rzì arze nanù ema hwa ɛneya kɔ̀wu-kɔ̀wu ò wòrzò wò ama Lohwɛ̀ ò lì arza nanù ema hwa le mòlelì mò Ndèma yà lì Akà Ɔnɛ̀yi.

Yòwanìrzɛ̀ 18:3

Jùdàrzì rzìi à ɛndɛ ò eŋge hvaya ò tenì yà mùùtù mò Njàhwɛ̀, à tìmba è ŋgìndì yà hwanelì hwa njùma nà lòŋgò là hwàgbèèlì hwa è Ndawò yà Lohwà ema Ipilìrzi ndɛnɛ nà Ihvàlìrzàyì hwa mà òme wɔ̀ hwa mà hwanɛ̀ mèkakò, hwètùlù nà hwɛ̀ɛ̀kɛ̀ hwe njùma.

Yòwanìrzɛ̀ 18:33

Pìlatò rzìi à kpèeyà ò ndawò yà eni à hwɛlɛ Yerzù, rzìi à mò ijòwa nanù ema, “Ò wà ndi ò hwèlì è Kiŋgɛ yà wònyà Yudà e?”

Hwègbèèlì 10:1

O ma hwɛ munyanà mɔ̀kɔ wa Ròmànì ò mbòwa ya Kàyìrzèrìyà à mà hwɛ̀lɛ̀hwɛ̀ Kɔ̀nɛlìyurzi. A ma hwɛ ndi mòkànèlì ema à mà hwɛ lìkànèyà lìtuta lɔ̀kɔ la egbe yɔ̀kɔ ya hwàanà njuma ema lì ma hwɛ̀lɛ̀hwɛ̀ nanù ema, “Lìtuta lɔ̀kɔ la egbe yɔ̀kɔ ya hwàanà njuma ò èkòmè ya Itàlì.”

Hwègbèèlì 23:35

rzìi a mò òhweyà nanù ema, “Imba na ò òkànèyà ŋmàŋgò mò aŋgɔ e hvònda ema hwatò ema hwa ò teŋgɛ̀nɛ̀ hwa ò uka anu.” Mɔ̀ à mà kànèyà hwààna njuma nanù ema hwa ɛ̀ndɛ̀nɛ̀ Pàwolò ò ndawò ya ama Kiŋgɛ. È ndawò ema Kiŋgɛ Hɛ̀rɔ̀di à mà òŋge. Aŋga ndi hwà mà hwɛ lì mò ɔŋgeya.

Hwègbèèlì 27:1

È hvònda ema hwà mà kulɛ nanù ema i kpèeyà ò tenì ya melì me ŋmànja ò lì ɛndɛ o èkòmè ya Itàlì, hwà mà akɛlɛlɛ Pàwolò na hwahvɛhvɛ hwatò hwa hwèwòwà ò ma e mòkànèlì wa hwààna njuma ema à mà hwɛ̀lɛ̀hwɛ̀ Jùlìyɔ̀rzì. Jùlìyɔ̀rzì mɔ̀ à mà hwɛ lì kànèyà lìtuta la hwààna njuma ema hwà mà hwɛ lì hwɛlɛ nanù ema, “Lìtuta la hwààna njuma hwa ama Kàyìrzà.”