Matiyò 27:19 - Mokpwe: Bakwery (New Testament)

¹⁹ Nà òma Pìlatò à mà lìya ò kònda yà hwèkayirzelì, jòjìyɛ̀ wà eni à mà mò òmeya ŋmɛ̀ndì nanù ema, “Ò rzì kèka lì hwɛnɛ tɔ̀ eyà yà lì gbeyàna nà è mbakò yà ama òŋgò mòtò ema à rzi gbèyi tɔ̀ eyà yà wòhwe, èhwanja nà mò ɔ̀tɔ̀ ndɔ̀tɔ̀ wònò wuu eŋge ndɔ̀tɔ̀ è nò tàkìrzɛ̀ rzayì-rzayì.”

Matiyò 27:19 ပူးပေါင်းရင်းမြစ်များ

Matiyò 1:20

Ò maŋga màlùtèyà mà eni rzi è aŋgèlì yà ama Lohwɛ̀ è mò jèeya ò ndɔ̀tɔ̀. Rzi eŋge aŋgèlì è mò òhwèyà nanù ema, “Jòrzɛ̀hvù è ŋmanà wà mòtende mò ama Dàhwitì, ò rza òka wɔ̀ŋgɔ̀, ò lì wòwà Màlìyɛ̀ nàa jòjìyɛ̀ wà aŋgɔ̀, èhwanja Èlìŋgɛ̀ yà Wòtani è mà mò rzihwèya rzi à lìta.

Matiyò 2:19

O mburzà kpelì yà ama Hɛ̀rɔ̀dì, è aŋgèlì yà ama Lohwɛ̀ è mà wùrzèyà Jòrzɛ̀hvù ò ndɔ̀tɔ̀ è hvònda ema à è hwèlì ò Ìjiptò. È aŋgèlì è mò òhwèyà nanù ema,

Matiyò 2:22

Ndi è hvònda ema Jòrzɛ̀hvù à mà hwèya nanù ema Akɛ̀làwùrzì ndi à mà tìmbɛ̀ ò kònda yà lìkànèyà là ama rzaŋgɛ̀ Kiŋgɛ̀ Hɛ̀rɔ̀dì ò erzòòkà yà Jùdèyà, à mà òka wɔ̀ŋgɔ̀ ò lì tìmba aŋga. È aŋgèlì yà ama Lohwɛ̀ è mà mò wurzeya hvɛ ò ndɔ̀tɔ̀, ò lì mò kòkòhwɛ̀lɛ̀. Eŋge eyà è mà mò gbèya ema à ɛ̀ndɛ ndi è yà eni ò erzòòkà yà Galìlì.

Matiyò 27:18

À mà gbeyà ndi nanù èhwanja mɔ̀ à mà hwiya kɔ̀yi-kɔ̀yi nanù ema Ipilìrzi ndɛnɛ nà hwàmbaki hwa mbòwa hwa mà mò akɛlɛlɛ Yerzù èhwanja hwa mà mò nòneyà.

Matiyò 27:24

Nà òmà Pìlatò a mà ɛnɛ nanù ema mɔ̀ à rzi tànɛyi ò lì gbeyà tɔ̀ eyà, ndèŋgànà ema ò tànɛyi lì hwɛ lùwànje, rzìi à wòwa màlìhwà à rzòrza màa me eni ò wòrzò wò e ŋgindi rzìi a òhwà nanù emà, “Maà mà ami ma rza enje ò e kpelì yà amà ònò mòtò. Ène eyà e ɔŋgɔ̀ ndi inyɔ.”

Matiyò 27:4

Jùdàrzì rzìi à òhwà nanù ema, “Nà gbèyi wòhwe, nà àhwirzɛ̀ mòtò ema a rzà gbèèyɛ̀ tɔ̀ eyà ya wòhwe. Mɔ̀ ònò naŋgɛ ema hwa hwɛni lì òŋwa ò ŋgundu.” Hwà mò àlahwɛ̀ hwà nanù emà, “Mamɛ e hwèlì e njɔ̀mì ya arzu aŋga e? Èŋge e hwèlì ndi è ya aŋgɔ̀!”

Lukàrzɛ̀ 23:41

Ì rzɔ ja àŋgàmɛ̀nɛ̀yi lì ŋwa, ò hweyà hwe arzu hwe wòhwe ema ì gbèyi. Ò nò mòtò a rza gbèyi tɔ̀ eyà ya wòhwe.”

Lukàrzɛ̀ 23:47

È mòtìmbèlì wà hwàànèlì hwa njùma, à mà ɛ̀nɛ mamɛ ya àrzɛ ema e ma gbèyɛ̀nɛ̀, à mà eka Lohwɛ̀ rzìi a òhwa nanù ema, “Ò jɔ̀kɛ̀, ò nò mòtò à mà hwɛ ndi mòtò wà gbamù.”

Yòwanìrzɛ̀ 19:13

Nà òma Pìlatò à mà hweye nanù rzìi a wurzana Yerzù ò ewòka rzìi Pìlatò a lìya ò kònda ya lìkànèyà. Èki ema à mà lìya e hwɛ̀lɛ̀hwɛ̀ ndi Maanda ema mà òŋgahwi na Màŋyàyi. O mbɔrzi ya wònyà Hibrù e hwɛ̀lɛ̀hwɛ̀ ndi Gabata.

Hwègbèèlì 12:21

O wùnyà ema wò ma hvɔ̀rzɔ̀wɔ̀ Hɛ̀rɔ̀dì à mà wɔtɔ̀ lìwɔti la eni la Kìŋgɛ̀. A lìya ò kònda ya eni ya lìkànèyà rzìi a wòteyà lì hwa òhweyà hweyà.

Hwègbèèlì 18:12

È hvònda ema Kàyirza à mà lìirzɛ Galìyò ò mbòkò nàa e Gɔhwina ndɛnɛ ò erzòòkà ya Àkayiyà, hwatò hwa wònyà Yudà ò mbòwa ndɛnɛ ya Kɔ̀rintò hwà mà alatanɛ, rzìi hwa ŋgbaŋgɛ Pàwolò, rzìi hwa mò jànà ò ndawò ya hwèkàyìrzèlì.

Hwègbèèlì 18:16

Ène eyà e ma gbeyà Galìyò à mà hwa hvaya ò tenì ya e ndawò ya hwèkàyìrzèlì.

Hwègbèèlì 18:17

Wɔ̀ hwa arzɛ hwà mà hvùma Rzɔ̀rztenìrzì ema mɔ̀ ndi à mà hwɛ e mòtimbèlì wa e ndawò ya màkanɛ̀ ya wònyà Yudà, rzìi hwa mò anana njùma ò wòrzò wò èŋge ndawò ya hwèkàyìrzèlì. Ndi èŋge eyà e rzi tàkirzɛ Galìyò tɔ̀ tenyi.

Hwègbèèlì 25:10

Pàwolò rzìi a mò alàhwɛ̀ nanù ema, “Jàyɛ̀ imba na tɛmi ndi ò wòrzò wò kònda hvɔ̀kɔ ya hwèkàyìrzèlì hwe lìkànèyà la ama Kàyirza, èki ya jɔ̀kɛ̀ ema imba na àŋgàmɛ̀nɛ̀yi lì kàyìrzɛ̀hwɛ. Nà rzi gbèyi hwatò hwa wònyà Yudà tɔ̀ eyà ya wòhwe na òma ò wà witi hvɛ ò hwi kɔ̀yi-kɔ̀yi.

Hwègbèèlì 25:17

O eŋgànɛlɛ rzɔ̀, e hvònda ema hwàtimbelì hwa wònyà Yudà hwà mà jèe, na rzi hvàŋge tɔ̀ hvònda, ò wònɛyi wùnyà ò mburza hwèyùkèlì hwe arzu hwe anu, nà mà lìya ò ndawò ya hwèkàyìrzèlì rzìi na àka nanù ema hwa mò jàne.

Hwègbèèlì 25:6

Hvɛ̀rzìtùrzì à mà lìya hvɛ ò Jèrurzalɛ̀mù eyà ya wàmbi tɔ̀ lìyòmɛ la mèenyà ndèŋgana a e timba ò erzòòkà ya Kàyìrzèrìyà. O wònɛyi wùnyà, à mà lìya ò hwèkàyìrzèlì rzìi a òhwa nanù ema hwa mò jàneya Pàwolò ò ndawò ya hwèkàyìrzèlì.

1 Pètrò 2:22

Mɔ̀ a rzi gbeye tɔ̀ wòhwe, ndèŋgànɛ̀lɛ̀ o rzi hwɛ tɔ̀ mòtò ema à mà mo hweyàna eyà ya lì kɔ̀ o wàna ya eni.

1 Yòwanìrzɛ̀ 2:1

Inyɔ ema e hwèlì nàa hwàanà hwa ami, na e tìleya ene kààtì aŋga nanù e rza gbeyà wòhwe. Ndi e hwèlì tɛ ema mòtò a gbèyi tɛ wòhwe, irzɔ jo òhvi mòtò ema a tɛmi ehve-ehve Yerzù Krirztò. Mɔ̀ ndi à jo rzorzomeya e Tàtɛ.