Matiyò 27:18 - Mokpwe: Bakwery (New Testament)

¹⁸ À mà gbeyà ndi nanù èhwanja mɔ̀ à mà hwiya kɔ̀yi-kɔ̀yi nanù ema Ipilìrzi ndɛnɛ nà hwàmbaki hwa mbòwa hwa mà mò akɛlɛlɛ Yerzù èhwanja hwa mà mò nòneyà.

Matiyò 27:18 ပူးပေါင်းရင်းမြစ်များ

Matiyò 27:17

È hvònda è ŋgìndì è mà arzàŋganɛ Pìlatò rzìi à hwà ijòwa nanù ema, “Imà mɔ̀ rzɔ̀ ema è arzà nanù ema nà è rzòlòhweyà è? Bàlabàrzi ŋgà Yerzù ema à hwɛ̀lɛ̀hwɛ̀ è Mɔ̀ ema à Ɔ̀kirzɛ̀hwɛ̀yi è?”

Matiyò 27:19

Nà òma Pìlatò à mà lìya ò kònda yà hwèkayirzelì, jòjìyɛ̀ wà eni à mà mò òmeya ŋmɛ̀ndì nanù ema, “Ò rzì kèka lì hwɛnɛ tɔ̀ eyà yà lì gbeyàna nà è mbakò yà ama òŋgò mòtò ema à rzi gbèyi tɔ̀ eyà yà wòhwe, èhwanja nà mò ɔ̀tɔ̀ ndɔ̀tɔ̀ wònò wuu eŋge ndɔ̀tɔ̀ è nò tàkìrzɛ̀ rzayì-rzayì.”

Makòrzì 15:10

À mà hwiya àma Ipìlìrzì ndɛnɛ ì ma nòneyà Yerzù ɔ̀ndeŋgàtɛ̀ à mà hwa ijòwa mene mììjòwèlì.

Hwègbèèlì 13:45

È hvònda wònyà Yudà hwà mà ɛnɛ e ŋgìndì, hwà mà òndana na lìrziŋga. Rzìi hwa wòteya lì teŋgɛ̀nɛ̀ mamɛ ema Pàwolò à mà hwɛ lì òhwa na ò lì mò rzòrzòlɛ hweyòlì.

Hwègbèèlì 5:17

O eŋge hvònda, e Pìlìrzì e Kàrzàmi na hwèyòrzà hwe eni hwe arzɛ, hwatò hwa ehvehva ya Irzàdùrzì, hwà mà nòneyà i àpɔ̀rzìtòlò na ŋginyà.

Hwègbèèlì 7:9

“Iŋgi mbamba ja arzu i ma nòneyà ŋmanyàŋgò wa awu mɔ̀kɔ Jòrzɛ̀hvù. O eŋgànɛ̀lɛ̀ hwà mà mò àhwirzɛ̀ nàa mòkòmì. Hwàtò ema hwà mà mò anda, hwà mà mò ɛ̀ndɛ̀nɛ̀ ò èkòmè ya Ìjiptò. Ndi Lohwɛ̀ à mà hwɛ ò mburza ya eni,

Jèmìrzì 4:5

È ɔ̀ŋgɛ̀lɛ nanù ema o ŋgundu ndi e tìlahwì o kààtì ya Lohwà nanù ema, “Èlìŋgɛ̀ ema Lohwɛ̀ a jo ikà o mèèmà me arzu e hwèlì ndi e ya eni, ndeŋgànɛlɛ mɔ̀ à nòneyà eŋge Èlìŋgɛ̀.”