Matiyò 26:58 - Mokpwe: Bakwery (New Testament)

⁵⁸ Nà òma hwa mà wòwe Yerzù, Pètrò hvɛ à mà mò nɔ̀ŋgɔ ò mburzà ŋmanà hvòka natɛ̀ɛ hwa mà jà lì kòmbɛnɛ èwòka yà ama Kàyìhvàrzì. À mà kpèeyà rzìi à lìya nà hwà-ɔ̀ŋgèlì hwa è Ndawò yà Lohwà ò lì ɔ̀ŋgɔ nɛ mòŋgò ŋmaŋgò mò ama Yerzù mò kuweya.

Matiyò 26:58 ပူးပေါင်းရင်းမြစ်များ

Matiyò 26:3

O eŋge hvònda, Ipìlìrzì ndɛnɛ na hwatimbèlì hwa èkòmè hwa mà arzàŋganɛ ò è ndawò ya ama Kàyìhvàrzì, e Pìlìrzì ema e karzami.

Matiyò 5:25

‘O rzeeya hwèyà nà è mɔ̀kɔ̀ɔ̀yèlì wà aŋgɔ̀ ema àrza lì ò ɛ̀ndɛnɛ ò ndawò yà hwèkàyìrzèlì. O gbèèyè nanù ndèŋgànà è uka ò hwèkàyìrzèlèlì. È rza enje tɛ nanù, mɔ̀ à ò rzɔ̀mɔ̀nɔ̀ ò kòti. Oma è kòti è mà ò akɛlɛ̀lɛ i pòlìrzi, òma ò mà aŋgɛhwɛ ò hwèwòwà.

Lukàrzɛ̀ 22:54

Rzìi hwa mà ŋgbaŋgɛ Yerzù. Hwa mà mò tìmba rzìi hwa mò ɛ̀ndɛnɛ ò ndawò yà ama è Pìlìrzì è kàrzàmi. Pètrò hvɛ à mà hwɛ lì hwa òŋgama ò mburzà, eyà yà ehvòwa màtaŋga.

Yòwanìrzɛ̀ 18:25

Rzìmɔ̀nì Pètrò ama tɛ̀mɛ̀ nanù mɛnɛ ò lì atòwɛ mùnya, hwaŋga hwatò ema hwa mà hwɛ aŋga hwa mà mò ijòwa nanù ema, “O rza enje ndi mòòkòwèlì mɔ̀kɔ wà ama òŋgò mòtò e?” Pètrò à mà rzɔ̀rzɔ̀ rzìi à òhwa nanù ema, “Jàyɛ̀, nà rza enje.”

Yòwanìrzɛ̀ 19:6

Nà òma Ipìlìrzì ndɛnɛ nà hwàgbèèlì hwa Ndawò yà Lohwà hwa mà mò ɛnɛ rzìi hwa wòteyà lì tɛɛ nanù ema, “È mò wòmeyà ò mburza! È mò wòmeyà ò mbarza!” Pìlatò rzi à hwa alàhwɛ̀ nanù ema, “Inyɔ hwiti è mò wòwe è ɛ̀ndɛ, è mò wòmeyà ò mbarza, èhwanja nà rza mò lùwànì tɔ̀ njɔ̀mì.”

Yòwanìrzɛ̀ 7:32

Ihvàlìrzàyì hwà mà hweye na òma hwatò hwa àyiŋgòwɛ̀ ò lì òhwa hwene hweyà lì hvòmɛ̀nɛ̀ Yerzù. O èŋgànɛ̀lɛ̀ wɔ̀ na Ipìlìrzì ndɛnɛ hwà mà òma hwakutu hwa e Ndawò yà Lohwà ò lì ŋgbaŋgɛ Yerzù.

Yòwanìrzɛ̀ 7:45

O lìrzùkù hwàkutu hwa è Ndawò yà Lohwà hwà mà tìmbe ò ma e pìlìrzì ndɛnɛ na Ihvàlìrzàyì. Rzìi e pìlìrzì ndɛnɛ na Ihvàlìrzàyì hwa hwà ijòwa nanù ema, “Mamɛ ndeŋgatɛ e rza mò jàni anù e?”

Hwègbèèlì 5:22

Ndi na òma iŋgi rzònja i ma ùke ò hwèwòwà, hwa rzìi ùŋmanɛlɛ iŋgi àpɔ̀rzìtòlò aŋga, ò èŋgànɛ̀lɛ̀ wɔ̀ hwà mà tìmba ò lì òhweyà wòlìya nanù ema,

Hwègbèèlì 5:26

Rzìi òŋgò mòkànèlì hwa pòlìrzi ya e ndawò yà Lohwà à mà ɛndɛ na hwatò hwa eni, a ɛndɛ lì ŋgbaŋgɛ iŋgi àpɔ̀rzìtòlò rzìi a hwa jànà. Ndi hwa rzi gbeyàne ŋginyà ò lì hwa ŋgbaŋgɛ, èhwanja hwà mà òka wɔ̀ŋgɔ̀ nanù ema hwatò ema hwà mà hwɛ aŋga hwà mà tànɛyi lì hwa aŋgba màŋyàyi.