Matiyò 26:46 - Mokpwe: Bakwery (New Testament)

⁴⁶ È tɛ̀mɛ̀ je ɛ̀ndɛ. È ɔ̀ŋgɔ tɛ, e mòtò ema à mà màa lì nò àhwirzɛ̀ mɔ̀ ò nò a jà.”

Matiyò 26:46 ပူးပေါင်းရင်းမြစ်များ

Matiyò 26:45

Rzìi à jèeyà hvɛ Hwà-òkòwèlì hwa eni hwaayɛ a hwa òhweyà nanù ema, “È lìmelì ndi ò ijɔ nanù mɛnɛ na lì Arzìyòlɛ̀ e? È ɔ̀ŋgɔ tɛ! È hvònda ene ema è Ŋmanà wà è Mòtò wà Hwènàmà a ò ŋgbààhwà ò màà mà hwatò hwa wòhwe.

Matiyò 26:47

Nà òma Yerzù à mà hwɛ lì òhwa, Jùdàrzì Ìrzìkalìyɔ̀tɛ̀ mɔ̀kɔ wa eni hwa Lìyòmɛ̀ là Hwà-òkòwèlì nà hwahwàkɛ, à mà jà nà è ŋgindi ndɛnɛ yà hwatò ema hwa mà òhva ì rzɔ̀lɔ̀, nà hweeye hwa mà òmahwa ndi nà Ipìlìrzì ndɛnɛ nà hwàmbaki hwa mbòwà.

Makòrzì 14:42

È tɛ̀mɛ̀ je ɛ̀ndɛ. È ɔ̀ŋgɔ e mòtò ema à ma nò àhwirzɛ̀ mòŋgò à jà.”

Lukàrzɛ̀ 12:50

Nà hwɛnì lì lùwa lì lùhwìrzɛ̀ la mòrziyò. Nà ma lì lùwa tɛ, òma nà mà lùwa lì wɔ̀wìrzɛ̀ la nyò.

Lukàrzɛ̀ 22:15

Yerzù rzìi a hwa òhweyà nanù ema, “Nà mà òhva nyìrzɛ̀ rzayì-rzayì, ò lì làa mònò mòlèlì mò lì Akà Ɔnɛ̀yi nà inyɔ ndèŋgàna nà e taka.

Lukàrzɛ̀ 22:21

Ndi è ɔ̀ŋgɔ tɛ è mɔ̀ ema à ò nò ahwìrzɛ̀ à hwèlì anù, à làa nà ìmba.

Lukàrzɛ̀ 9:51

Nàŋgɛ è hvònda ema Yerzù a mà hwɛnɛ lì ɛ̀ndɛ ò ŋmanyu yà lohwà è mà kòmbɛ̀nɛ̀. O èŋgànɛ̀lɛ̀ rzɔ à mà kàkɛ̀nɛ̀ nanù ema à hwɛnì lì ɛ̀ndɛ ò Jèrurzalɛ̀mù.

Yòwanìrzɛ̀ 14:31

Ndi e rze, e hwɛnì lì hwiya ema na lìŋgàni Tatɛ̀ wa ami, ɔ̀ndeŋgàtɛ̀ na hwɛnì ndi lì gbeyà mamɛ ya arzɛ e ma Tatɛ̀ wa ami à mà nò kànèyà ema na gbeye. “È je ja anjiye anù naŋgɛ.

Yòwanìrzɛ̀ 21:20

Pètrò à mà ɔ̀ŋgɔ ò mburza rzìi à ɛnɛ ɔ̀nɛyi Mòòkòwèlì wà ama Yerzù ema Yerzù à mà lìŋgàne à hwa òŋgama. È mɔ̀ ema à mà lììyà Yerzù ò tòŋgòŋgò è hvònda hwa mà hwɛ lì làa è ŋgòmbe. Mɔ̀ hvɛ ndi à mà ijòwa nanù ema, “Ìi Rzàŋgò njɛnɛ à hwɛnì lì ò àhwirzɛ̀ e?”

Hwègbèèlì 21:13

Ndi Pàwolò à mà alàhwɛ̀ nanù ema, “Mamɛ inyɔ e hwèlì e gbeyà nanù e? O lì eyà nanù rzi ya a nò tùlɛ ŋmèma e? Nà wòŋgìrzɛ̀nɛyi rzeketɛ ò lì kakahwa mɛnɛ, ndi tɔ̀ ò lì ŋwèeyà ò Jèrurzalɛ̀mù, ehwànja na gbèeyà Rzàŋgò Yerzù.”