Matiyò 26:45 - Mokpwe: Bakwery (New Testament)

⁴⁵ Rzìi à jèeyà hvɛ Hwà-òkòwèlì hwa eni hwaayɛ a hwa òhweyà nanù ema, “È lìmelì ndi ò ijɔ nanù mɛnɛ na lì Arzìyòlɛ̀ e? È ɔ̀ŋgɔ tɛ! È hvònda ene ema è Ŋmanà wà è Mòtò wà Hwènàmà a ò ŋgbààhwà ò màà mà hwatò hwa wòhwe.

Matiyò 26:45 ပူးပေါင်းရင်းမြစ်များ

Matiyò 26:18

Yerzù rzìi a hwa omà ò mà mòtò mɔ̀kɔ ò mbòwà ema hwa mò òhweyà nanù ema e Mòòkòlelì a òhwi nanù ema, “È hvònda yà ami e ma uka. O ndawò ya aŋgɔ̀ ndi imba na hwà-òkòwèlì hwa ami jò ò leeya mòlelì mò e Ndemà yà lì Akà Ɔnɛyi.”

Matiyò 26:2

“È hwi nanù ema ò mèenyà mehwakɛ ema me hwèlì ò wòrzò, òma è ndèma yà lì Akà Ɔnɛyi e ma uka. O wòŋgò wùnyà ndi è Ŋmanà wà è Mòtò wà Hwènàmà a ò akɛlɛhwɛ ò màà mà hwatò ema hwa mò wòmeya ò mbarza.”

Matiyò 26:44

Yerzù à mà hwɛmɛ hvɛ hwaŋga hwà-òkòwèlì hwa eni hwaayɛ, rzìi a tìmba hvɛ ò màkanɛ̀ e ŋgelì ema e ma ùkirzɛ̀ iyàwò, rzi a òhwa mòlemilemi mò mbɔrzi ò màkanɛ̀.

Matiyò 26:46

È tɛ̀mɛ̀ je ɛ̀ndɛ. È ɔ̀ŋgɔ tɛ, e mòtò ema à mà màa lì nò àhwirzɛ̀ mɔ̀ ò nò a jà.”

Makòrzì 14:35

À mà tòmbeya ŋmanà hvòkà lìtaŋga à ahvimbɛ ò rze lì kanɛ̀ nanù ema, è hwèlì tɛ ema ò tànɛ̀yi lì nò tìndeya ene hvònda yà mòtàkà ema è rzi nà ɔ̀lɛ̀ ò è tìnde.

Lukàrzɛ̀ 22:53

Mamɛ ndeŋgàtɛ è rzi nò ŋgbàŋgɛ̀ ò Ndawò yà Lohwà e? Ì mà hwɛ ò Ndawò yà Lohwà wùnyà tɛ, ndi è rzi nò lɛ̀mbɛ̀, ndi lìrzàkò là anyu lì mà uka naŋgɛ. Jììtìtì ndi ì kànèyà naŋgɛ.”

Yòwanìrzɛ̀ 12:23

Yerzù rzìi a hwa alàhwɛ̀ nanù ema, “È hvònda e ma uka ema èluhwe ya ama è Ŋmanà wà è Mòtò wà Hwènàmà e hwɛni lì ɛnɛhwɛ.

Yòwanìrzɛ̀ 12:27

“Nàŋgɛ nanù nà tàkirzɛ̀hwɛ̀yi ò mèèmà mò ami. Ò èŋgànɛ̀lɛ̀ mamɛ nà hwɛnì lì òhwa e? Nà òhwe ndi nanù ema, ‘Tatà ò rzìi emeyà nanù ema mònò mòtàkà ema mò òŋgòlɛyi mò nò ùŋmànɛ̀lɛ̀.’ Jàyɛ̀! Nà rza òhwa nanù, èhwanja ene hvònda yà mòtàkà è ɔ̀ndi nà jɛ̀lɛ̀lɛ̀yi.

Yòwanìrzɛ̀ 13:1

O ma kòmbɛ̀nɛ̀ ndi e hvònda ya è Ndèma yà lì Akà Ɔ̀nɛ̀yi. Yerzù à mà hwiya ema e hvònda ya eni e ma kòmbɛnɛ ò mɔ̀ lì hwɛmɛ ene rze, ò lì tìmba ò ma Tatɛ̀. À mà lìŋgàna hwatò hwa rze ema hwà mà mò lòkɛ̀yi. À mà hwa uŋmɛ̀lɛ̀ e ndìŋgɛ natɛ̀ɛ na ò lìrzùkù.

Yòwanìrzɛ̀ 17:1

Nà òma Yerzù à mà kulɛ lì òhwa hwenè hweyà, à mà ɔ̀ŋgɔ ò ŋmanyu yà lohwà rzìi a òhwa nanù ema, “Tatà e hvònda e ma ja, uŋmɛ̀lɛ̀ hwatò èluhwe ya ama è Ŋmanà wà aŋgɔ̀, aŋga nanù è Ŋmanà wà aŋgɔ̀ mɔ̀ hvɛ a ò uŋmɛ̀lɛ̀ èluhwe.