Matiyò 26:29 - Mokpwe: Bakwery (New Testament)

²⁹ Nà è òhweyà nanù ema, nà rza ò nyɔ hvɛ hwene hwènyɔ̀ɔ̀nì tɔ̀ wùnyà, natɛ̀ɛ wùùnya ema nà ò hwe nyɔ̀ɔ hvɛ hwe hvènya nà inyɔ ò lìkànèyà là ama Tatɛ̀ wà ami.”

Matiyò 26:29 ပူးပေါင်းရင်းမြစ်များ

Matiyò 13:43

Rzìi hwatò ema hwa tɛmi ehve-ehve na Lohwɛ̀, hwa ò hvànya ndi nàa igbe ò lìkànèyà la ama Tatɛ̀ wa awu. È òkànèyà, tɔ̀ njɛnɛ ema a òhvi matò inyɛ a hweye.”

Matiyò 16:28

Nà è òhweyà nà è jɔ̀kɛ̀ nanù ema, lòŋgò la anyu è hwèlì anù ema è rza ŋwa, natɛ̀ɛ e hvònda hwa ɛnɛ è Ŋmanà wà è Mòtò wà Hwènàmà a jà na lìkànèyà là eni ò rze.”

Matiyò 18:20

O èŋgànɛ̀lɛ̀ rzɔ, tɔ̀ ima èki ema hwatò hwahwàkɛ tɔ̀ hwàyàwò hwa arzàŋgànɛ̀yi ò lìna la ami, imba hvɛ na hwèlì ò ìtììtènì ja awu.”

Matiyò 25:34

È Kiŋgɛ a òhweyà e hwaa lìya la mòme nanù ema, ‘È jèe inyɔ ema e nàmìrzɛ̀hwɛ̀yi na e Tatɛ̀ wa ami! È jèe e wòwe mònàmɛ̀ mò lìkànèyà la ama Lohwɛ̀ ema mò ma màa lì e rzekahwɛlɛ natɛ̀ɛ na e hvònda ema mɔ̀ à mà wèkè e rze.

Matiyò 26:28

Yerzù rzìi à hwa òhweyà nanù ema, “Màyìjà mà ami manù ema mà kòmèlì ò mèyòhvò mè rzayì-rzayì ja hwatò. Manù màyija mà hwèlì ndi màyija mà hweyi hvènya, nanù ema Lohwɛ̀ à hwa làkìrzɛ̀ wòhwe wò awu.

Matiyò 26:30

Hwà mà emba rzɔ mɔ̀rzɔ̀kɔ̀ mò jeka rzìi hwa ɛ̀ndɛ ò mòòlì mò Njàhwɛ̀.

Matiyò 28:20

È hwa òkòlɛ̀ hvɛ ò lì nɔ̀ŋgɔ hweyà hwe arzɛ ema na e kànèlì ò lì gbeyà. È hwiye nanù ema na hwɛ na inyɔ natɛ̀ɛ na ò lìrzùkù la rze.”

Makòrzì 14:25

Nà è òhweyà è jɔ̀kɛ̀, na rzà ò nyɔ manù mimbà hvɛ, natɛ̀ɛ nà ò ma nyɔ hvɛ ma hvènya ò Lìkànèyà là ama Lohwɛ̀.”

Lukàrzɛ̀ 12:32

“Wònya hwa ami kòkò, è rza òka wɔ̀ŋgɔ̀. Rzàŋgò wà ànyu a lìŋgànì ò lì è ŋgbà è ŋginyà yà lìkànèyà.

Lukàrzɛ̀ 15:32

Ò jɔ̀kɛ̀! Ì hwɛnì lì rzòmbirzɛ nà lì òkà mɔ̀nyɛ̀ŋgì èhwànja ònò ŋmanyɔ̀ŋgɔ wà aŋgɔ̀ à mà ŋwa, rzìi a timbi hvɛ ò lòŋgɛ. À ma wɔ̀ rzìi a wurzi hvɛ.’”

Yòwanìrzɛ̀ 15:11

Nà e òhweyà ndi hwene hweyà hwe arzɛ aŋga nanù inyɔ hvɛ e òka e nyayi ya mɔ̀nyɛ̀ŋgì ema imba hvɛ na òka. Ndèŋgànɛ̀lɛ̀ mɔ̀nyɛ̀ŋgì mò anyu mò ònda.

Yòwanìrzɛ̀ 16:22

Nànu ndi e hwèlì na inyɔ. È arzuumɛ nàŋgɛ ndi na hwɛnì lì e ɛnɛ hvɛ. O eŋge hvònda e òka mɔ̀nyɛ̀ŋgì. Ndèŋgànɛ̀lɛ̀ ò rza enje tɔ̀ mòtò tɔ̀ mɔ̀kɔ ema a wòwa mɔ̀nyɛ̀ŋgì mò anyu.

Yòwanìrzɛ̀ 17:13

O naŋgɛ na e jèeyà. Nà òhwa ndi hwenè hweyà na òma e hwèlì nanù mɛnɛ ò rze aŋga nanù mɔ̀nyɛ̀ŋgì mò awù mo òndìrzɛ̀hwɛ̀yi, mòlemilemi na òma e mò ami mò òndirzɛhwɛyi.

Hwègbèèlì 10:41

Rzeketɛ hwatò hwa arzɛ ndi hwà mà mò ɛnɛ. Hwàtò ema Lohwɛ̀ à mà lòme lì hvɔ̀rzɔ̀ wɔ̀ ndi hwà mà mò ɛnɛ. Èŋge ŋgàna e hwèlì ndi nanù ema, irzɔ ema i ma làlɛnɛ̀ na lì nyɔlɛnɛ na mɔ̀ ò mburza hwèhvùmùwèlì hwe eni hwe kpelì.

Hibrù 12:2

Ì rzòkɛ̀ ndi Yerzù mììrzɔ̀ mà arzu. Èhwanja mɔ̀ ndi à hwèlì è mɔ̀ ema à jò timba ò lì hwɛnɛ lìlòkɛ̀. À mà èmeyà ò lì ŋwa è kpèelì yà ìrzɔnì ò mbarza ndeŋgànɛ̀lɛ̀ à rzi wòwè iŋgi ìrzɔnì nàa tɔ̀ eyà aŋga nanù mɔ̀ à luwa mɔ̀nyɛ̀ŋgì ema Lohwɛ̀ à mò ùtelì. Ò èŋgànɛ̀lɛ̀ eŋge è mà gbeyà ema a lìyà ò lìya là mòmɛ̀ ò mbòkò yà lìkànèyà là ama Lohwɛ̀.

Hwèwulùwèlì 14:3

Èŋge egbe yɔ̀kɔ na mènìmènì me hwekolì hwe hwatò hwe ma emba mɔ̀rzɔ̀kɔ̀ mohvènya o worzò wo e konda ya lìkànèyà ya ama Lohwɛ̀, ndèŋgànɛ̀lɛ̀ o worzo wo hweŋge hwèembè hwe aniyɛ ema hwe hwèlì lòŋgɛ, na o worzo wo hwàmbaki. Tɔ̀ mòtò a rzi tànɛ lì okowa moŋgo mɔ̀rzɔ̀kɔ̀ lì aka tɛ eŋge egbe yɔ̀kɔ na mènìmènì me hwekolì hwe hwatò ema Lohwɛ̀ à mà kɔ̀te o e rze ya mɔ̀nyɛ̀.

Hwèwulùwèlì 7:17

Èhwànja e Ŋguma ya Mɔ̀ɔ̀lɛ̀ŋgù ema e hwèlì o ìtììtènì ja hwèlìyelì hwe lìkànèyà, mɔ̀ ŋmìti ndi mo hwa ɔŋgeya. Mɔ̀ a o hwa timba o hwètùŋgu ema hwe ŋgbàa lòŋgɛ. Ndèŋganɛlɛ Lohwɛ̀ a o hwa titowa tɔ̀ ima lìrzɔ̀lì o mìrzɔ̀ ma awu.”