Matiyò 26:28 - Mokpwe: Bakwery (New Testament)

²⁸ Yerzù rzìi à hwa òhweyà nanù ema, “Màyìjà mà ami manù ema mà kòmèlì ò mèyòhvò mè rzayì-rzayì ja hwatò. Manù màyija mà hwèlì ndi màyija mà hweyi hvènya, nanù ema Lohwɛ̀ à hwa làkìrzɛ̀ wòhwe wò awu.

Matiyò 26:28 ပူးပေါင်းရင်းမြစ်များ

Matiyò 20:28

nyàyi hvɔ̀kɔ hvɛ mɛnɛ nàa è Ŋmanà wà è Mòtò wà Hwènàmà a rzìi jɛ̀ɛ̀ ema hwatò hwa mò gbèeyà, ndi mɔ̀ à jelì ò lì gbèeyà hwatò, na ò lì ŋgba lòŋgɛ la eni nàa tùŋge ò lì kɔ̀tɔ̀ rzayì-rzayì ja hwatò.”

Matiyò 26:27

Rzìi à wòwà hvɛ lìwònde, à ŋgbà Lohwɛ̀ jèka rzìi à hwa ŋgba è lɔ̀ à hwa òhweyà nanù ema, “Inyɔ hwa arzɛ è nyɔ.”

Matiyò 26:29

Nà è òhweyà nanù ema, nà rza ò nyɔ hvɛ hwene hwènyɔ̀ɔ̀nì tɔ̀ wùnyà, natɛ̀ɛ wùùnya ema nà ò hwe nyɔ̀ɔ hvɛ hwe hvènya nà inyɔ ò lìkànèyà là ama Tatɛ̀ wà ami.”

Matiyò 6:12

“Ò jò làkìrzɛ̀ wòhwe wò arzu, nà òma irzɔ̀hvɛ i làkìrzɛ̀ tɔ̀ ima mòtò ema à jò gbeyànì wòhwe.

Makòrzì 1:4

Yòwanìrzɛ̀ à mà jà ò mòrzanjɛ̀ lì lùhwìrzɛ̀ hwatò, nà lì hwa òhweyà Eyà yà Lohwà nanù ema, “È rzɔ̀njɛlɛ hwègbèèlì hwe anyu hwe wòhwe, è lùhwìrzɛ̀hwɛ̀. Aŋga nanù Lohwɛ̀ à è làkìrzɛ̀ wòhwe wò anyu.”

Makòrzì 14:24

Yerzù rzìi à hwa òhweyà nanù ema, “Màyìjà mà ami manù ema mà kòmèlì ò mèyòhvò mè rzayì-rzayì jà hwatò. Manù màyija mà hwèlì ndi màyija mà hweyi hvènya.

Lukàrzɛ̀ 22:19

Rzìi à wòwa èhvòòtò, a ŋgbà Lohwɛ̀ jekà, à è kàhwà. Rzìi à è ŋgba hwà-òkòwèlì hwa eni, a òhwa nanù ema, “È nyò ya amì ene ema, yè è ŋgbààhwì. È gbèyè nanù ò lì nò ɔ̀ŋgɛlɛ.”

Lukàrzɛ̀ 22:20

È hvònda ema hwa mà kulɛ̀ ò lì làa, nyayi hvɔ̀kɔ mɛnɛ, à hwà ŋgbà lìwònde rzìi à òhwa nanù ema, “lìni lìwònde là mimba, lì hwèlì ndi yòòmbò è hvènya lì hvòmɛ̀nɛ̀ Lohwɛ̀ nà inyɔ, è hweyi yà màyija mà ami, ema mà hwɛnì lì è rzòweyà ò nyòla ya ànyu.

Ròmànì 5:15

Hwàŋga hwatò hwa ahwakɛ hwa rza enje nyayi hvɔ̀kɔ èhwanja jàhwèyà ema Lohwɛ̀ a ŋgbelì hwatò ò ŋgundu, ema Yerzù Krirztò a jàni, i rza kiti na mamɛ wòhwe wò ama Adàmu wò jàni. È hwèlì ndi e jɔ̀kɛ̀ nanù ema hwatò rzayi-rzayi hwà mà ŋwa ò nyòla wòhwe wò ehvòwa ya mòtò. Ndi e ndèli ya ama Lohwɛ̀ e òlò rzayi-rzayi lì aka wòŋgò wòhwe. Hwatò rzayi-rzayi hwà mà luwa jàhwèyà ja ŋgundu ja ama Lohwɛ̀ tutɛ, lì akeyà na mòtò mɔ̀kɔ ema a hwèlì ndi Yerzù Krirztò.

Ròmànì 5:19

Nà òma Adàmu a rzi hweyàna Lohwɛ̀, e ma gbeyà tɔ̀ ima mòtò ò lì hwɛ mòtò wa wòhwe. Mòlandakò mɔ̀kɔ hvɛ mɛnɛ ema lì hweyànà là ehvòwa mòtò Yerzù Krirztò lì ma gbeye hwatò hwa arzɛ ò lì emeyàlɛ̀hwɛ̀ ò wòrzò wò ama Lohwɛ̀.

1 Kɔ̀rintìyà 11:25

È hvonda ema hwa mà kulɛ̀ ò lì làa, nyayi hvɔ̀kɔ mɛnɛ, rzìi à wòwà lìwònde à ohwa nanù ema, “lìni lìwònde là mimba, lì hwèlì ndi yòòmbò è hvènya lì hvomɛ̀nɛ̀ Lohwɛ̀ nà inyɔ, è hweyi yà màyija mà ami. Nà oma è mà nyɔ ŋgɛ̀lɛ̀-ŋgɛ̀lɛ̀, è gbèye ndi nanù ò lì nò ɔ̀ŋgɛ̀lɛ̀.”

Ɛ̀hvìrzìyà 1:7

Nà oma i hwèlì mɔ̀kɔ nà Krirztò, ndèŋgànà màyija mà eni ema à jò kòmelì ɔ̀ndeŋgàtɛ̀ i kɔ̀tɔ̀hwì ò lì làkìrzɛ̀ là wòhwe wò arzu. Nà oma Lohwɛ̀ à mà gbeyɛ ene, à jò uŋmɛ̀lɛ̀ nanù ema è ndèli yà eni è olo.

Kòlòrzìyà 1:14

Lohwɛ̀ à mà jò làkìrzɛ̀ wòhwe wò arzu nà oma à mà jò kɔ̀te nà màyija ema è Ŋmanà wà eni à mà kòme ò mbarzà.

Kòlòrzìyà 1:20

Lohwɛ̀ à mà gbeyà ndi nanù, aŋga nanù hwèèmà hwe arzɛ hwe ò mò jèeyà ò rze yà eni ò lì akeyà nà Krirztò. Hwene hwèmà hwe hwèlì ndi è hweyɔ hwe anu rze yà mɔ̀nyɛ̀ nà è hwè ŋmanyu yà lohwà, ehwànja è ŋmanà wà eni à mà kòma màyija mà eni ò mbàrza. Ò nàŋgɛ nanù hwèèmà hwe arzɛ hwe tànɛyi lì hwɛ ò ɛ̀yɔ̀lɛ̀ nà Lohwɛ̀.

Hibrù 10:29

Mòtò a rza wowi tɛ e Ŋmanà wà mùnyanà wa ama Lohwɛ̀ nàa tɔ̀ eyà, nanù oma mɔ̀ à rza wowi màyija ma yòòmbò ya ama Lohwɛ̀ ema mà mo gbèyi ema a hwɛ worzaŋgi nàa tɔ̀ eyà. Ndèŋgàna e hwèlì tɛ ema mɔ̀ à hwɛnyɛ Èlìŋgɛ̀ ema e jànà ndèli nɛ rzɔ e kɔ̀kìrzɛ̀ ya ama ene nyayi ya mòtò e tànɛyi lì hwɛ e?

Hibrù 13:20

O eŋgànɛ̀lɛ̀ rzɔ, Lohwɛ̀ ndi à ŋgba hwatò ɛ̀yɔ̀lɛ̀, ndeŋgànɛ̀lɛ̀ mɔ̀ ndi à hvùmùlɛ̀ Yerzù, e Rzàŋgo ya arzu. Yerzù mɔ̀ à hwèlì e Mɔ̀ŋgèlì ema e imbami wa Mɛ̀lɛ̀ŋgù ema hwà mà gbeyànɛ màyija ma eni o lì gbeyà lì emeyà la mòlìkɛ̀ o ìtììtènì ja ama Lohwɛ̀ na mɛ̀ɛlɛ̀ŋgù me eni.

Hibrù 9:28

Nànù hvɛ mɛnɛ ndi Krirztò à mà aŋgbɛ mɔ̀ ŋmìti o ŋgelì hvɔ̀kɔ o iŋgèlì ja arzɛ nàa jàhwèyà o lì ulɛ wòhwe ema wo koki o hwatò. Ndeŋgànɛ̀lɛ̀ mɔ̀ à o jà hvɛ e ŋgelì ema e ùkirzɛ̀ ihwàkɛ, rzeketɛ o lì ulɛ wòhwe o hwatò, ndi mɔ̀ à o jà o lì rzùŋgà mòŋgɛ ma hwatò ema hwa mo ambɛ̀lɛ.

1 Yòwanìrzɛ̀ 2:2

Krirztò ŋmìti à mà hwɛ ndi nàa jàhwèyà ema Lohwɛ̀ à mà gbeyàne o lì jo kɔ̀tɔ̀ o wòhwe ema i ma gbeye. A ma gbeyà ndi nanù aŋga nanù irzɔ i luwa lì làkìrzɛnɛ. Rzeketɛ o wòhwe wo arzu mɛnɛ ndi o wòhwe wo hwatò hwa arzɛ hwa ene rze.

Hwèwulùwèlì 7:14

Nà ma mo timbirzɛlɛlɛ nanù ema, “Ìi rzàŋgo kòkò, o wa ndi o hwi.” Rzìi à no òhweyà nanù ema, “Hwatò hwanù ema hwa karzo ò tenì ya metàkirzɛnɛ mendɛnɛ. Wɔ̀ hwà mà rzorza meŋgombe me awu na màyija ma ama e Ŋguma ya Mɔ̀lɛ̀ŋgù o lì me timbirzɛ mbɔ̀mi.

Hwèwulùwèlì 7:9

Ò mburzà yà hwenè hweyà hwe arzɛ, ɔndi nà à ɛnɛ ŋgìndì ndɛnɛ yà hwatò. Hwa mà kòka nyayi ema tɔ̀ mòtò à rzìi tànɛ ò lì hwa aŋga. Hwa mà uwɛ̀lɛ̀lɛ̀yi ò èkomè nà èkomè, hwa mà uwɛ̀lɛ̀lɛ̀yi ò màtumba nà màtumba, hwa mà hwɛ inyayi ja hwatò jà arzɛ rzìi hwa à ohwa hvɛ ò ihvɛhvɛ mbɔrzi. Hwa mà tɛ̀mɛ̀ ò worzo wò è konda yà lìkànèyà nà ò worzo wò è Ŋguma yà Mɔ̀lɛ̀ŋgù. Hwa mà wɔtɔ̀ meŋgombe mè mbɔ̀mi rzìi hwa tɛtɛ hvɛ ì nyàŋgo ò màa mà awu.