Matiyò 26:13 - Mokpwe: Bakwery (New Testament)

¹³ Nà è òhweyà nà è jɔ̀kɛ̀ nanù ema, tɔ̀ ima èki ema mònò Ŋmɛ̀ndì mò Gbamù mò òhwàhwa ò rze yà arzɛ, hwa ò òhwa enè eyà ema ònò mòlanà à gbèyi, ò lì mò ɔ̀ŋgɛ̀lɛ̀.”

Matiyò 26:13 ပူးပေါင်းရင်းမြစ်များ

Matiyò 24:14

Mònò ŋmɛ̀ndì mò gbamù lì hvòmɛ̀nɛ̀ lìkànèyà la ama Lohwà mò òhwahwa ò marzuku ma e rze ya arzɛ nàa mbòŋgi ò hwèkòmè, ndèŋgàna lìrzukù lì e ja.

Matiyò 28:19

O èŋgànɛ̀lɛ̀ rzɔ e ɛndɛ ò hwèkòmè hwe arzɛ hwe ene rze, e gbèèye hwatò ò lì hwɛ hwà-òkòwèlì hwa ami. È hwa lùhwìrzɛ̀ ò lìna la ama Tatɛ̀, ò lìna la ama e Ŋmanà, na ò lìna la Èlìŋgɛ̀ yà Wòtani.

Makòrzì 13:10

Hwa lòma lì òhwa Ŋmɛ̀ndì mò Gbamù ò hwèkòmè hwe àrzɛ. Ndèŋgana lìrzukù lì e ja.

Makòrzì 14:9

Nà è òhweyà nà è jɔ̀kɛ̀ nanù ema, tɔ̀ ima èki ema Ŋmɛ̀ndì mò Gbamù mò òhwahwa ò ene rze yà arzɛ, hwa òhwa eyà ema ònò mòlanà à gbèyi ò lì mò ɔ̀ŋgɛlɛnɛ.”

Makòrzì 16:15

À mà hwa òhweyà nanù ema, “È ɛ̀ndɛ̀, e àyinɛ̀lɛ̀ ò e rze ya arzɛ, e hwa òhweyà Ŋmɛ̀ndì mò Gbamù.

Lukàrzɛ̀ 24:47

È tìlahwì nanù ema, hwatò hwa òhwe Ŋmɛ̀ndì mò Gbamù ò hwekòmɛ̀ hwe àrzɛ ema, hwatò hwa ayèŋgòwɛ̀ ò wòhwe wò awu ò lìinà la ama Yerzù, aŋga nanù Lohwɛ̀ a hwà làkìrzɛ̀ wòhwe wò awu. Hwa wòteya lì òhwa Ŋmɛ̀ndì mò Gbamù ò Jèrurzalɛ̀mù.

Hwègbèèlì 10:4

Onò mòtò rzìi à inja eŋge aŋgèlì nà wɔ̀ŋgɔ̀ rzìi à è ijòwa nanù ema, “Ìi Rzàŋgò mamɛ e hwèlì e?” Èŋge aŋgèlì rzi e mò alàhwɛ̀ nanù ema, “Lohwɛ̀ à mà hweyà lìkànɛ la aŋgɔ̀, ndèŋgànɛ̀lɛ̀ à mà ɛnɛ ŋmèma mò aŋgɔ̀ mò gbamù. Ndeŋgànɛ̀lɛ̀ mɔ̀ à wòŋgirzɛnɛ ò lì alàhwɛ̀ lìkànɛ la aŋgɔ̀.

Ròmànì 10:18

Ndi na ijòwa nanù ema, e hwèlì ndi e jɔ̀kɛ̀ ema wɔ̀ hwa rzi hweyi mòŋgò ŋmɛ̀ndì e? Jàyɛ̀, hwà mà mò hweyà. Nà òma e tìlahwì ò e kààtì ya Lohwà nanù ema, “Màalò ma hwatò ema mà ma hwɛ lì òhwa mòŋgò ŋmɛ̀ndì mà ma hwɛ̀ɛnɛ e rze ya arzɛ. Eyà ya awu e ma uka ò marzuku ma e rze ya arzɛ.”

Ròmànì 15:19

Nà ma gbeyà ndi hwene hweyà ò ŋginyà ya hweembànèlì na mànyakà na e ŋginyà ya Èlìŋgɛ̀ ya ama Lohwɛ̀. O eŋgànɛ̀lɛ̀ rzɔ, lì anjiya ò e mbòwa ya Jèrurzalɛ̀mù natɛ̀ɛ na ò erzòòkà ya Ilìlìkumi, nà mà òhwa Ŋmɛ̀ndì mò Gbamù mò ama Krirztò gbamù.

2 Kɔ̀rintìyà 10:18

Rzeketɛ hweyà hwe gbamù ema mòtò à ohwanɛ̀lɛ ò mɔ̀ ŋmìti ndi hwe uŋmɛ̀lɛ̀ nanù ema à emànɛ̀lɛ̀hwɛ̀ nàa àpɔ̀rzìtòlò, ndi è mòtò wà jɔ̀kɛ̀ ema Lohwɛ̀ à ohwa hweyà hwe gbamù lì hvomɛ̀nɛ̀ mɔ̀ ndi à emeyàhwɛlɛyi.

Kòlòrzìyà 1:23

Inyɛ̀ è hwɛ ndi nanù ema lì lòkɛ̀ là anyu lì àŋgàmɛ̀nɛ̀yi lì imbama, è inyàmɛ̀nɛ̀ hwètɛ̀mèlì hwe matàŋga mà anyu ò mɔ̀nyɛ̀, ndèŋgànɛ̀lɛ̀ è ika mèèmà mè anyu ò ŋmɛ̀ndì mò gbamù ema è mà hwèyɛ. Moŋgo ŋmɛ̀ndì mò gbamù ema inyɔ è mà màa lì hweyà, mò hwèlì ndi ŋmɛ̀ndì mò gbamù ema mò mà nyàlɛ̀ ò è rze yà arzɛ, ndeŋgànɛlɛ mɔ̀ ndi imba Pàwolò nà atìmbìrzɛ̀yi è mògbèèlì wà ama Lohwɛ̀ ò lì gbeyà.

Kòlòrzìyà 1:6

Mono ŋmɛ̀ndì mò gbamù ema mò jànà mònàmɛ̀ mò ama Lohwɛ̀, mò hwèlì mò ohwahwɛlɛ nà lì nyàla ò è rze ya arzɛ. Wùùnyà wò worzo ema è mà mò hwèye, inyɔ è mà rzɔ̀ŋgìtɛ̀nɛ̀ nanù ema Lohwɛ̀ à hwɛ̀nèlì hwatò hwa wòhwe ŋmèma mo gbamù.

1 Tìmotì 2:6

A ma ŋgbaà lòŋgɛ la eni o lì ŋwèeyà hwatò hwa arzɛ. Èŋge kpelì ema à mà ŋwèeyà hwatò hwa arzɛ, e ma uŋmɛ̀lɛ̀ o e hvonda ya jɔ̀kɛ̀ nanù ema Lohwɛ̀ a arza nanù ema tɔ̀ ima mòtò a rzuŋgahwe.

Hibrù 6:10

Lohwɛ̀ à mà gbeyà hweŋge hwèma o ŋgana ema e hvomɛ̀nɛ̀. Mɔ̀ a rza hvoŋga tɔ̀ èwòlò yɔ̀kɔ ema mòtò a gbeye ndèŋgànɛ̀lɛ̀ mɔ̀ à rza hvoŋga e ndìŋgɛ ema mòtò a mo uŋmɛ̀lɛ̀ na oma inyɔ e hwèlì o lì gbèeyà hwahvɛhvɛ hwatò hwa ama Lohwɛ̀.

Hwèwulùwèlì 14:6

Nà mà ɛnɛ ehvɛhvɛ aŋgèlì è kòòhwà hvòò ò ŋmanyu yà lìwòhwɛ̀ là ŋmanyu. Èŋge aŋgèlì è mà jànà ŋmɛ̀ndì mò gbamù ema mò hwèlì natɛ̀ɛ nà ò gbìndèyà. Moŋgo ŋmɛ̀ndì mò gbamù mɔ̀ ndi à mà hwɛ lì ohweyà hwatò ema hwa hwèlì ò è rze yà mɔ̀nyɛ̀, nyàyi nà nyàyi jà hwatò, màtumba nà màtumba, nyàyi nà nyàyi jà mbɔrzi nà hwèkòmè nà hwèkòmè.