Matiyò 25:6 - Mokpwe: Bakwery (New Testament)

⁶ Ò kɔ̀rzi yà awu jòŋgii, rzìi mòrzeya mò tɛ̀ɛ̀hwɛ̀ nanù ema, ‘È mòhwayèlì à mà jà! È wurze è jèe è mò ùŋma.’

Matiyò 25:6 ပူးပေါင်းရင်းမြစ်များ

Matiyò 24:31

Lìyɔ̀mi lì ndɛnɛ lì ò tòŋga, ndèŋgànà mɔ̀ à ò òma i aŋgèlì ja eni ò marzuku ma aniyɛ ma ene rze ò lì rzàŋga hwatò hwa eni ema Lohwɛ̀ à mà hvɔ̀rzɛ̀ lì wòteyà njuka hvɔ̀kɔ na enɛyi ja ene rze ya arzɛ.”

Matiyò 24:44

O èŋgànɛ̀lɛ̀ rzɔ, inyɔ hvɛ e hwɛnì lì wòŋgirzɛnɛ i hvònda ja arzɛ èhwanja è Ŋmanà wà è Mòtò wà Hwènàmà à jà ò è hvònda ema e rza hwìyahwɛ̀.

Matiyò 25:1

Yerzù à mà kpɛɛ mɔ̀ hvɛhvɛ ŋmàna ò lì òhwa nanù ema, “Ò eŋge hvònda ema è Ŋmanà wà è Mòtò wà Hwènàmà à ò jɛ̀ɛ̀, lìkànèyà là ŋmanyu lì ò hwɛ ndi nàa lìyòmɛ̀ là mèyɔ̀mbɔ̀ mè ŋgɔ̀ndɔ̀ ema hwa mà wòwà hwètùlù hwe awu ò lì ɛ̀ndɛ lì ambɛlɛlɛ è mòhwayèlì ò lì ɛndɛ lì mò lìyɛlɛ.

Matiyò 25:31

“Ndi e hvònda ema è Ŋmanà wà è Mòtò wà Hwènàmà a ò jɛ̀ɛ̀ nàa Kiŋgɛ, na i aŋgèlì ja arzɛ ja ama Lohwà a ò lìya ndi ò kònda ya eni ya lìkànèyà là èluhwe ò lì kàyìrzɛ̀ hwatò.

Matiyò 25:5

È mòhwayèlì à mà tɔ̀ɔ̀lɛ̀ hwèjèelì, ò èŋgànɛ̀lɛ̀ rzɔ hwaŋga hwàna hwa ŋgɔ̀ndɔ̀ hwa mà wòteyà lì rzìirza nà lì naŋga ijɔ.

Matiyò 25:7

Mèyɔ̀mbɔ̀ me ŋgɔ̀ndɔ̀ mè arzɛ mè tɛ̀mɛ̀nɛ mè agbɛlɛ hwètùlù hwe awu.

Lukàrzɛ̀ 12:20

Lohwɛ̀ rzìi a mò òhwàna nanù ema, ‘Yòma, yòma ndɔ̀ki yà mòtò! O wònò wuu mɛnɛ, nà hwɛnì lì ò kɛɛ̀nɛ̀ muulù mò aŋgɔ. Njɛnɛ rzɔ a ò hwɛnɛ̀ ene èrzàŋgò ya àrzɛ ema wa àwutɛ̀lɛ̀ e?’

Lukàrzɛ̀ 12:46

Òŋgò mògbèèlì, rzàŋgò wà èni wa èwòlò à tìmbà ò wùnyà ema a rza mò àhvìtɛ̀, nà ò lìrzàkò ema a rzà hwiya. A mò hvaka ò ewòka rzi hwa mò ŋgba e kɔ̀kìrzɛ̀ ema e imbami na hwaŋga hwatò ema hwa hwèlì maniya.

1 Tɛ̀rzàlonìyà 4:16

Rzàŋgo Yerzù mɔ̀ ŋmìti à ò rzihwa o ŋmanyu yà lohwà ndèŋganɛlɛ hwatò hwa o hweyà mòrzeyà mo ndɛnɛ, ndèŋgànɛ̀lɛ̀ hwatò hwa o hweyà na oma e aŋgèlì ema e kànèyà e ohwa na lìlo lì kàrzàmi, ndèŋgànɛ̀lɛ̀ hwatò hwa o hweyà na oma e aŋgèlì e o tòŋgɛ lìyɔ̀mi la ama Lohwɛ̀. Rzìi eyà ya worzo e o hwɛ ndi nanù ema hwaŋga hwàlòkèlì hwa ama Krirztò ema hwà mà ŋwɛɛ hwa o hvùmùwà.

2 Pètrò 3:10

Ndi wùùnya ema è Rzàŋgo è ò jɛ̀ɛ̀, à ò jà ndi hvàkàlà nà oma è ŋmìhwɛ à jà. Ò woŋgo wùnyà, lìwòhwɛ̀ là ŋmanyu lì o nyɔ̀ŋgɔ nà mɔ̀tɔ̀wù mondɛnɛ. Hwèèmà hwe arzɛ ema hwe hwèlì ò lìwòhwɛ̀ là ŋmanyu hwe o rzèeyà, ndeŋgàna hwe nyɔ̀ŋgɔ. Rzìi è rze nà tɔ̀ mamɛ ema è hwèlì ò tenì hwe ɔhvɛ hwe rzèeyà nà lì nyɔ̀ŋgɔ.

Hwèwulùwèlì 16:15

Yerzù à ohwi nanù ema, “È okànèyà, nà ò jà ò wùnyà ema tɔ̀ mòtò à rza ò hwiyɛ nàa ŋmìhwɛ̀ à jà. Mònàmɛ̀ nà oŋgo mòtò ema à ò lìya ehvɛ̀nyɛ̀, ndèŋgànɛ̀lɛ̀ à ò ohvɛ mààtù mà eni, aŋga nanù mɔ̀ à rza ò ɛndɛ̀nɛ̀ morzombo ò lì luwa erzàmbo ò marzo mà hwatò.”