Matiyò 25:41 - Mokpwe: Bakwery (New Testament)

⁴¹ “Ndi e Kiŋgɛ̀ e ò ayèŋgòwɛ̀lɛ̀lɛ̀ hwaŋga ema hwa ò hwɛ ò lìya la eni la ŋmalì rzìi a hwa òhweyà nanù ema, ‘È nò anjiya anu inyɔ ema e jemahwi na Lohwɛ̀! È ɛndɛ e kpèeyà ò ehvɔ̀ndi ya mùnya ema Lohwɛ̀ à mà rzekeya Mòkarzɛ̀ na i aŋgèlì ja eni.

Matiyò 25:41 ပူးပေါင်းရင်းမြစ်များ

Matiyò 13:40

Nà òma hwèwùlè hwe rzàŋgahwa lì rzɛlɛhwɛ ò mùnya nanù hvɛ mɛnɛ ndi hwatò hwa ama mòkarzɛ̀ hwa ò rzàŋgahwɛ na lì aŋgbahwa ò mùnya ò lìrzukù la hvònda.

Matiyò 13:42

Rzìi hwa ò hwa hvimba ò mùnya mò mànyakà ema mò rza lìma. Aŋga ndi wɔ̀ hwa ò eyɛ̀ɛ̀ na lì kɔ̀kɔ̀ mehvehve me awu.

Matiyò 13:50

Rzìi hwà hwa aŋgba ò mùnya mò mànyakà ema mò rza lìma. Aŋga ndi wɔ̀ hwa ò eyɛ̀ɛ̀ na lì kɔ̀kɔ̀ mehvehve me awu.”

Matiyò 18:8

È hwèlì tɛ ema lìya là aŋgɔ̀ tɔ̀ lìtaŋgà lì aŋgɔ̀ lì ò undìrzɛ̀ tɛ ò wòhwe ò lì kɛ ò lì hvimbe ɔ̀nɛyi. Ò lɔ̀wu nanù ema ò òhve lòŋgɛ nà lì hwɛ èhvàrzù yà nyò, lì aka ò lì hwɛnɛ màà màhwàkɛ̀ nà mèèndè mèhwàkɛ̀ rzìi hwa ò hvimba ò tenì yà mùnya ema mò rza lìma.

Matiyò 25:42

Lìrzàkò ema nà mà hwèye e njàwò, e rzi nò lìrzɛ, nà mà hwèya e nyìrzɛ ya malìhwa ndi e rzi nò nyìrzɛ.

Matiyò 25:46

Hwanù hwa arzɛ hwa ò òmahwa ndi ò e kɔ̀kìrzɛ̀ ya gbìndèyà, ndi e wɔ̀ hwa ehve-ehve hvɛ hwa ò ɛndɛ ndi ò lòŋgɛ la gbìndèyà.”

Matiyò 3:12

Ɛ̀rzɛ̀ŋgbɛ̀nì ema è hwèlì ò lìya là eni, ò lì rzɛ̀ŋgbɛnɛ hwèyàrzà ò hvɔ̀ŋgɔ̀ ema ì hwèlì ò kɛ̀lɛ. À kulɛ tɛ lì rzɛ̀ŋgbɛ, à rzàŋgà ì hvɔ̀ŋgɔ̀ jà gbamù, à ji ùtà. Rzìi à rzàŋgà hvɛ hwèyàrzà, à hwe rzòwà ò mùnya ema mò rza lìma.”

Matiyò 4:10

Yerzù à mà mò alàhwɛ̀ nanù ema, “Mòkarzɛ̀! Ò nò anjiiya anù. È tìlahwì ò Kààtì yà Lohwà nanù ema, ‘Kanɛ̀ ndi Rzàŋgò Lòohwà là aŋgɔ̀, nà lì mò gbèèyà mɔ̀ ŋmìti mɛnɛ. Ndèŋgànɛ̀lɛ̀ ò mò gbèèyà ndi mɔ̀ mɛnɛ.’”

Matiyò 5:22

Ndi nà è òhwèyà ema tɔ̀ ima mòtò ema à tatani òhvɛhvɛ mòtò, mɔ̀hvɛ à ò ikahwa ò hwèkàyìrzelèlì. Tɔ̀ ima mòtò hvɛ ema à hwɛnyi ŋmànyàŋgò wà eni nanù ema, ‘Èleŋgè’ à hwɛnì lì alàhwɛ̀ è ndawò yà hwèkàyìrzelèlì yà hwa ndɛnɛ. Ndi tɔ̀ njɛnɛ hvɛ ema à hwɛlɛ ŋmànyàŋgò wà eni nanù ema, ‘Ò wà èèti yà mòtò,’ à ò aŋgbahwa ò mùnya ema mò rza lìma.

Matiyò 7:23

Rzìi nà hwa òhweyà nanù ema, ‘Imba nà rza è hwi. È nò anjiya anù, inyɔ ema è gbeyà wòhwe!’”

Lukàrzɛ̀ 13:27

È Rzàŋgò yà è ndawò ya àlahwɛ̀ nanù ema, ‘Nà rza è hwi. Nà rzà hwi hvɛ tɔ̀ èki ema e uwɛ̀lɛ̀lɛ̀yi. È nò anjiya ò mìirzɔ̀ ma ami. Inyɔ hwatò hwa wòhwe!’

Lukàrzɛ̀ 16:24

Èŋge èhwàŋgì ya mòtò rzìi e tɛɛ nanù èma, ‘Ìi tatà Abràhamù, ò nò òkeya ììlì. Oma Làrzàlɔ̀tì ema a tɔ̀tè wòrzò wò jɔ̀nɔ ja eni ò màlìhwa a nò tɔ̀lɛ è mɔ̀ ò jɛ̀ɛ̀mɛ̀ ja amì ò lì nò yɔlɛ̀, èhwanja nà hweyà wɔ̀ɔ̀kì rzayì-rzayì ò tènì yà mònò mùnya.’

Yòwanìrzɛ̀ 8:44

È hwèlì ndi e hwa ama e rzàŋgò ya anyu, Mòkarzɛ̀, ɔ̀ndeŋgàtɛ̀ e arza ndi lì òndìrzɛ̀ e nyɔ̀ŋgi ya eni. Mɔ̀ à mà hwɛ ndi mòòŋwèlì natɛ̀ɛ na ò hwewòtelì. A rza alɛ̀mbɛnɛ ò jɔ̀kɛ̀, èhwanja a rza òhvi jɔ̀kɛ̀. Mɔ̀ a kɔ tɛ hweyà, a òhwa ndi e mbɔrzi ya eni ya mbòwà. Èhwanja mɔ̀ à hwèlì ndi mòtò wa mòlàŋgà, ndèŋgànɛ̀lɛ̀ a hwèlì ndi e rzàŋgò ya mòlàŋgà.

2 Tɛ̀rzàlonìyà 1:7

Lohwɛ̀ à gbeyà nanù ema è rza lùwa mètàkà hvɛ, ndèŋgànɛlɛ à gbeyà hvɛ nanù ema irzɔ hvɛ ì rza lùwa mètàkà hvɛ. Ène eyà è ò gbèèyɛ̀nɛ̀ è hvonda ema Rzàŋgo Yerzù à uwɛ̀lɛ̀lɛ̀yi ò ŋmanyu yà lohwà lì jà nà i aŋgèlì ja eni jà ŋginyà, ndèŋgànɛ̀lɛ̀ hwa ò toŋgàhwa nà mùùnya ema mò òŋwa.

2 Tɛ̀rzàlonìyà 1:9

Rzàŋgo Yerzù à ò hwa kɔ̀kìrzɛ̀ nà mètàkà mè gbìndèyà. Wɔ̀ hwa rza ò hwɛ èki ema Rzàŋgo à hwèlì, ndèŋgànɛlɛ wɔ̀ hwa rza ò ɛnɛ hwèyòlòwèlì hwe ŋmàye mò eni.

Hibrù 6:8

Ndi mɔ̀nyɛ̀ mo wùrzìrzɛ tɛ ndi hwènyɛ̀ŋgɛ̀yɛ̀ŋgɛ̀ na hwèwùlè hwe wòhwe, nanù oma moŋgo mɔ̀nyɛ̀ mo rza hwɛnì tɔ̀ mɔ̀rzɛ̀ŋgi. Moŋgo mɔ̀nyɛ̀ mo hwèlì o mbèmbè ya lì jemahwa na Lohwɛ̀, rzìi o lìrzukù moŋgo mɔ̀nyɛ̀ mo rzɛlɛhwɛ o mùnya.

2 Pètrò 2:4

Lohwɛ̀ à rzìi hwɛmɛ i aŋgèlì ema ì mà gbeyà wòhwe, ndi à mà hwa aŋgba ò tenì yà mùnya ema mò rza lìma. Ò èki ema wɔ̀ hwa kàkahwà nà iŋgɔ̀kɔ̀hwi nà jììtìtì ò lì ambɛ̀lɛ̀lɛ̀ Wùnyà wò Hwèkàyìrzèlèlì.

1 Yòwanìrzɛ̀ 3:10

Nànù ndi irzɔ ì hwɛni lì hwiya njɛnɛ hwàànà hwa ama Lohwɛ̀ hwa hwèlì, nà njɛnɛ hwàànà hwa ama Mòkarzɛ̀ hvɛ hwa hwèlì, tɔ̀ njɛnɛ ema à rza gbèyɛ mamɛ ema è hvomɛ̀nɛ̀yi à rza enje è ŋmanà wà ama Lohwɛ̀. Ŋgànà hvɔ̀kɔ hvɛ nà tɔ̀ njɛnɛ ema à rza lìŋgànɛ̀ ŋmanyàŋgò tɔ̀ è ndomɛ̀ yà eni.