Matiyò 25:4 - Mokpwe: Bakwery (New Testament)

⁴ Ndi hwaŋga hwa lìhwiyè hwa mà awòmbɛlɛ mahvɛhvɛ mànyàŋga màŋgele ò hwèhvòrzì ò lì gbeyàna ò hwètùlù hwe awu.

Matiyò 25:4 ပူးပေါင်းရင်းမြစ်များ

Matiyò 10:16

Yerzù à mà timba hvɛ lì òhwa nanù ema, “È ɔ̀ŋgɔ tɛ, na e òma ndi nàa mɛ̀lɛ̀ŋgù ò ìtììtènì ja i njùhwɛ̀. O èŋgànɛ̀lɛ̀ rzɔ e aŋgòwe ndi nàa mààhwà, ndèŋgànà e hwɛ ŋmɛ̀ɛ̀ nàa imbeŋga.

Matiyò 25:2

Ò ìtììtènì jà lìŋgi lìyòme là hwàna hwa ŋgɔ̀ndɔ̀ hwata hwa mà hwɛ èèti, hwanɛ̀yi hwàtànɛ̀ wɔ̀ hwa mà hwɛnɛ lìhwiyè.

Matiyò 25:3

Hweŋge hwèèti hwe hwàna hwa ŋgɔ̀ndɔ̀ hwe mà wòwa hwètùlù hwe awu ndi hwa rzìi òhve mà hvɛhvɛ mànyàŋga màŋgele.

Matiyò 25:5

È mòhwayèlì à mà tɔ̀ɔ̀lɛ̀ hwèjèelì, ò èŋgànɛ̀lɛ̀ rzɔ hwaŋga hwàna hwa ŋgɔ̀ndɔ̀ hwa mà wòteyà lì rzìirza nà lì naŋga ijɔ.

Matiyò 7:24

“O èŋgànɛ̀lɛ̀ tɔ̀ ima mòtò ema à hweyi hwene hwèyòhwèlì hwe ami, rzìi à gbeyà mamɛ ema hwe òhwa, à hwèlì ndi nàa è mòtò wà gbaŋgò ema à òŋgi è ndawò yà eni ò ŋmanyu yà èwòmà yà lìŋyàyi.

Yòwanìrzɛ̀ 3:34

È mɔ̀ ema Lohwɛ̀ à mà òme a òhwa eyà ya ama Lohwɛ̀, èhwanja Lohwɛ̀ a ŋgbelì mòtò èlìŋgɛ̀ ya eni ema a rza ɔ̀ŋgɔ ò mburza.

Ròmànì 8:9

Ndi inyɔ, e rza enje hwatò ema yòwò ya nyò ye e kànèyà, ndi inyɔ e lìya ndi na òma Èlìŋgɛ̀ yà Wòtani ye e kànèyà ò lì lìya. Nà e jɔ̀kɛ̀ Èlìŋgɛ̀ ya Lohwɛ̀ e hwèlì ò tenì ya anyu. Tɔ̀ njɛ̀nɛ ema a rza hwɛnɛ Èlìŋgɛ̀ ya ama Krirztò, a rza enje na Krirztò.

2 Kɔ̀rintìyà 1:22

Lohwɛ̀ à mà jo ika embànèlì ya eni o lì uŋmɛ̀lɛ̀ nanù ema i hwèlì ndi hwatò hwa eni. A ika hvɛ Èlìŋgɛ̀ yà Wòtani o mèèmà me arzu, o lì uŋmɛ̀lɛ̀ ema i lùwa mamɛ ya arzɛ ema a jo kàkɛ̀nɛ̀yi.

1 Yòwanìrzɛ̀ 2:20

Ndì ò inyɔ, è Mɔ̀ ema à Ɔ̀kirzɛ̀hwɛ̀ à mà è ŋgba Èlìŋgɛ̀ yà Wòtani. Ò eŋgànɛ̀lɛ̀ rzɔ inyɔ hwa arzɛ è hwi è jɔ̀kɛ̀.

1 Yòwanìrzɛ̀ 2:27

Ndi ò inyɔ, Krirztò à mà è ondìrzɛ̀ nà Èlìŋgɛ̀ yà Wòtani ndèŋgànɛ̀lɛ̀ yɔ̀ è hwèlì ò tenì yà anyu. Ò eŋgànɛ̀lɛ̀ rzɔ, inyɔ è rza arza mòtò ò lì è okòlɛ̀ ehwànja Èlìŋgɛ̀ è mà e okòlɛ̀ hweyà hwe arzɛ, ndèŋgànɛ̀lɛ̀ hweyà ema à è okòlɛ hwe hwèlì ndi è jɔ̀kɛ̀ rzeketɛ mòlàŋga. Ò eŋgànɛ̀lɛ̀ rzɔ, nanù mɛnɛ nà Krirztò nà oma Èlìŋgɛ̀ yà Wòtani è mà è okòlɛ̀.

Judɛ 1:19

Hwanù hwatò ndi hwa gbeyà è à kahwanɛ̀ɛ. Wɔ̀ hwa oŋgàma ndi è nyɔ̀ŋgi yà hweyàrzèlì hwe awu hwe è nyàmà yà nyo ema è hwa kànèyà, ndèŋgànɛ̀lɛ̀ wɔ̀ hwa rza ohvi èlìŋgɛ̀ yà wòtani ò tenì yà awu.