Matiyò 25:30 - Mokpwe: Bakwery (New Testament)

³⁰ Lì hvòmɛ̀nɛ̀ ònò mògbèèlì hwa èèti, e mò hvume e mò hvake ɔ̀nɛyi ewòka ò tenì yà jìtìtì, aŋga ema a eeya na lì kɔ̀kɔ̀ mehvehve.’”

Matiyò 25:30 ပူးပေါင်းရင်းမြစ်များ

Matiyò 13:42

Rzìi hwa ò hwa hvimba ò mùnya mò mànyakà ema mò rza lìma. Aŋga ndi wɔ̀ hwa ò eyɛ̀ɛ̀ na lì kɔ̀kɔ̀ mehvehve me awu.

Matiyò 13:50

Rzìi hwà hwa aŋgba ò mùnya mò mànyakà ema mò rza lìma. Aŋga ndi wɔ̀ hwa ò eyɛ̀ɛ̀ na lì kɔ̀kɔ̀ mehvehve me awu.”

Matiyò 22:13

O èŋgànɛ̀lɛ̀ e kiŋgɛ rzìi e òhweyà hwàgbèèlì ema hwà mà hwɛ lì gbèeyà hwàyɛ̀nì hwa eŋge ndèma nanù ema, ‘È mò kake màa na matàŋgà, e mò hvimbe ò èwòka, ò tenì ya jììtìtì. Aŋga ndi à eeya na lì kɔ̀kɔ̀ mehvehve.’”

Matiyò 24:51

È rzaŋgò wa eni wa èwòlò e mò kɔ̀kìrzɛ̀ hwekɔkirzelì hwe ŋginyà. A mò kɔ̀kìrzɛ̀ na òma mɔ̀ a kɔ̀kìrzɛ̀ hwatò hwa mèhvìlì ò èki ema a ò eeya na lì kɔ̀kɔ mehvehve.”

Matiyò 3:10

Naŋgɛ yòòndò è mà màà lì naŋga ò mèyaŋga mè màyi. O èŋgànɛ̀lɛ̀ tɔ̀ ima gbèe ema wò rza ŋyàayi hwehvùma hwe gbamù, wò hwɛnì lì kɛ̀ɛ̀hwɛ̀ lì hvimbahwa ò mùnya.

Matiyò 5:13

“È hwèlì wòlitò ò mòŋgɛ mà hwatò hwa ene rze ŋgànà hvɔ̀kɔ nà òmà ikpa hvɛ i hwɛni wòlitò ò mòlèlì. Ndi ikpa i wɔ̀lɛ̀nɛyi tɛ̀ wòtɛ̀wu wò eni, nɛ i tànɛyi lì tɛ̀yirzɛ hvɛ e? Jɔ̀ i rzà hwɛnɛ hvɛ tɔ̀ eyà yà gbamù ò lì gbèya. O èŋgànɛ̀lɛ̀ i hvimbahwa ɔ̀nɛyi rzi hwatò hwa ji laala.

Matiyò 8:12

Ndi hwaŋga ema hwa kànɛ̀yi lì hwɛ i wònjà ò lìkànèyà là ama Lohwɛ̀ hwa ò aŋgbahwa ò èwòka ò tenì ya jìtìtì. Aŋga rzɔ ndi wɔ̀ hwa ò kɔ̀kɔ̀ mehvehve me awu, na lì ahvahvɛ.”

Lukàrzɛ̀ 13:28

Inyɔ è ò eyaa. È ò kɔ̀kɔ̀ hvɛ marzòŋgà ma anyu lìrzàkò ema yò ɛnɛ Abràhamù, Irzàkì nà Jèkɔ̀bu, nà hwanɛ̀yi hwà-òhwèlì hwa arzɛ hwa hwèlìŋgɛ̀ ò Lìkànèyà là ama Lohwɛ̀. Hwanù hwatò hwa arzɛ è ò hwa ɛnɛ ò tenì yà ndawò ndi inyɔ è ò tɛ̀mɛ ndi ò èwòka.

Yòwanìrzɛ̀ 15:6

Mòtò a rza enje tɛ na imba, a rzenjòwahwa ndi nàa hwa rzenjòwa ɛkɔkɔ. Èŋge ɛkɔkɔ e hwɛ ndi ɛ̀kɔ̀kɔ̀ ema e rzɔ̀nji. Iŋgi tumba ja hwɛkɔkɔ irzaŋgahwa rzi i aŋgbahwa ò mùnya rzìi i rzèeyà.

Tàyìtùrzì 3:14

Ndèŋgànɛ̀lɛ̀ o gbeye hwatò hwa arzu o lì okowa o lì gbeyà hweyà hwe gbamù. Wɔ̀ hwa àŋgàmɛ̀nɛ̀yi lì oŋgòwànà o lì gbeyà hweyà ema hwe arzahwa nanù ema mòtò a hwe gbeye. Wɔ̀ hwa rza gbeyà hweyà hwe ŋgàndi.

2 Pètrò 2:17

Hwanu hwatò hwa hwèlì ndi nàa hwetùŋgu hwe màlìhwa ema hwe rzɔ̀njɔ̀. Wɔ̀ hwa hwèlì ndi nàa lìmbàki ema mùùlì mò lìŋgòwànà. Lohwɛ̀ à mà màà lì hwa rzekeya èki ò tenì yà jììtìtì ndɛnɛ.

Judɛ 1:13

Hwanu hwatò hwa gbèyi ndi nàa hwèehwè hwe ndɛnɛ ema hwe hvemàa ò ŋmànja. Nà oma hwe hvema, hwe oma è mbindo ò mokòkò mò ŋmànja. Nànù ndi ɛ̀ɛ̀mɛ̀ ya awu ya wòhwe è wurza. Hwa gbèyi ndi nàa mbɛtɛtu ema jà amàmìyɛ̀nɛ̀ èki yà arzɛ. Jììtìti ema i rzɔ̀ɔŋgɔ̀wu ɔndi Lohwɛ̀ à mà hwa uteya ndèŋgànɛlɛ jò ò hwɛ̀ɛ natɛ̀ɛ nà ò gbìndèyà.

Hwèwulùwèlì 21:8

Ndi nà hwatò ema hwa ohvi erzorze ò tenì yà awu, hwaŋga ema hwa rza lòkɛ̀, hwaŋga ema hwa gbeyà hweyà hwe mbindo, hwatò ema hwa oŋwa hwahvɛhvɛ hwatò, hwatò ema hwa gbeyà hweyà hwe mòrzònje, hwa aŋgba mààŋga, hwatò ema hwa gbèeyà mòòhwà mà mòlàŋga nà hwatò hwa arzɛ hwa mòlàŋga, èki yà awu è hwèlì ndi yùlu yà mùnya ema è tùmbana rzayi-rzayi. Ène kpelì ndi e hwèlì e kpelì ya hwèlìŋgɛ̀.”