Matiyò 25:10 - Mokpwe: Bakwery (New Testament)

¹⁰ Ndi nà òma hwa mà ɛ̀ndɛ lì anda mànyàŋga màŋgele, è mòhwayèlì à mà jà. Rzìi hwaŋga hwàna hwa ŋgɔ̀ndɔ̀ hwààtànɛ̀ ema hwa mà wòŋgirzɛnɛ hwa ɛ̀ndɛ nà mɔ̀ ò è ndèma yà lìhwa, rzìi lìyòhva lì umbahwa.

Matiyò 25:10 ပူးပေါင်းရင်းမြစ်များ

Matiyò 24:42

O èŋgànɛ̀lɛ rzɔ inyɔ hvɛ e hwɛnì lì wòwa hvònda, èhwanja è rza hwi wùùnya ema Rzàŋgò ya anyu à ò jɛ̀ɛ̀ hvɛ.

Matiyò 24:43

È òkànèyà tɛ è mòhwɛnèlì wa ndawò à mà hwiya tɛ e hvònda ema è ŋmìhwɛ̀ a ò jɛ̀ɛ̀ wùuwù, òma a lìya ɛ̀hvɛ̀nyɛ̀ ò lì ɔŋgeya e ndawò ya eni ndèŋgànɛ̀lɛ̀ a rzi imanɛlɛ ema e ŋmìhwɛ̀ a gbe e ndawò ya eni.

Matiyò 24:44

O èŋgànɛ̀lɛ̀ rzɔ, inyɔ hvɛ e hwɛnì lì wòŋgirzɛnɛ i hvònda ja arzɛ èhwanja è Ŋmanà wà è Mòtò wà Hwènàmà à jà ò è hvònda ema e rza hwìyahwɛ̀.

Matiyò 25:6

Ò kɔ̀rzi yà awu jòŋgii, rzìi mòrzeya mò tɛ̀ɛ̀hwɛ̀ nanù ema, ‘È mòhwayèlì à mà jà! È wurze è jèe è mò ùŋma.’

Matiyò 7:21

“Rzekɛtɛ tɔ̀ ima mɔ̀ ema à ò nò hwɛlɛ nanù ema, ‘Ìi Rzàŋgò, Rzàŋgò’ ndi à kpèeyà ò lìkànèyà là ŋmanyu. Ndi è mòtò mɛnɛ ema à gbèyi lì emeyà là ama Tatɛ̀ wà ami ema à hwèlì ò ŋmanyu yà lohwà, mɔ̀ ndi à ò kpèeyà ò Likànèyà là ama Lohwɛ̀.

Lukàrzɛ̀ 12:35

“È akpàtɛ, hwerzànjà hwe anyu ò màlùhwe, e hvààlɛ̀ hvɛ hwètùlù hwe anyu,

Lukàrzɛ̀ 13:25

È hvònda yò ò jà ema e mòhwɛnɛ wà ndawò a ò tɛ̀mɛ̀ ò ŋmanyu ò lì umba lìyòhva la eni. Èŋge hvònda inyɔ̀ è ò tɛ̀mɛ̀ ò èwòkà, lì kùmba lìyòhva rzìi ya òhwa nanù ema, ‘Rzàŋgò ò jò lìhvòweyà lìyòhva.’ A yà alàhwɛ̀ nanù ema, ‘Nà rza hwi òne e uwɛ̀lɛ̀lɛ̀yi.’

Kòlòrzìyà 1:12

Inyɔ è ò eka, Tatɛ̀ ò hweyà hwe arzɛ. Mɔ̀ ndi à gbèyi nanù ema inyɔ è tànɛ lì hwɛ hwatò ema hwa tànɛyi lì lùwa lòŋgo là erzàŋgo ema mɔ̀ à ùtelì hwatò wà eni ò èki ema ŋmàye mò hwèlì.

2 Tìmotì 4:8

O nàŋgɛ nanù, mòrzahwèlì mo hwèlì mo no ambɛ̀lɛ̀, èhwanja nà mà gbèeyà èwòlò na oma Lohwɛ̀ a arza nanù ema e gbeyàhwe. Moŋgo mòrzahwèlì ndi e Rzàŋgo ema e kàyìrzɛ̀ hwatò ò jɔ̀kɛ̀ e no ŋgba o wùnyà wo hwèkàyìrzèlì. Rzeketɛ imba mbiti mɛnɛ ndi à ò ŋgbɛ, à ò ŋgba hwatò hwa arzɛ ema hwa àhvitɛ hwèjèelì hwe eni.

1 Pètrò 1:13

O eŋgànɛlɛ rzɔ, e a kpatɛ, e woŋgirzɛnɛ o lì gbeyà èwòlò ema Lohwɛ̀ a arza nanù ema e gbeye. È wowe hvonda ndèŋgànɛ̀lɛ̀ e ika mèèmà me anyu o e ndèli ema Lohwɛ̀ a e ŋgba o e hvonda ema Yerzù Krirztò a jà o lì e àwuŋmɛ̀lɛ̀.

Hwèwulùwèlì 1:7

È ɔŋgɔ tɛ, à hwèlì à jà nà lìmbaki, ndèŋgànɛlɛ tɔ̀ ima mòtò à ò mò ɛnɛ, tɔ̀ hwaŋga hwatò ema hwa mà gbeyà ema à ŋwe nà oma hwa mà mò hvànɛ ò mbàrza. Màtumba mà arzɛ mà è rze yà mɔ̀nyɛ̀ hwa ò mò ɛhwɛ. Nànù mɛnɛ ndi è ò hwɛ, inyɛ è hwɛ nanù.

Hwèwulùwèlì 19:7

Inyɛ̀ irzɔ jo oke mɔ̀nyɛ̀ŋgì rzayi-rzayi, ndèŋgànɛ̀lɛ̀ jo a ohwa nanù ema jo oki mɔ̀nyɛ̀ŋgì na o lì mo eka, ehwànja lìrzako la lìhwa la ama e Ŋguma ya Mɔ̀lɛ̀ŋgù lì ma uka, ndeŋgànɛlɛ mɔ̀ɔ̀mbì mo eni mo mà màa lì wòŋgìrzɛ̀nɛ̀.

Hwèwulùwèlì 22:20

È mɔ̀ ema a tɛmi e mbòŋgi ya hwene hweyà hwe arzɛ a ohwi nanù ema, “Ò jɔ̀kɛ̀, na o jà ŋmanà mbɔ̀.” Inyɛ̀ wo lìya nanù, jà, ìi Rzàŋgo Yerzù.