Matiyò 25:1 - Mokpwe: Bakwery (New Testament)

¹ Yerzù à mà kpɛɛ mɔ̀ hvɛhvɛ ŋmàna ò lì òhwa nanù ema, “Ò eŋge hvònda ema è Ŋmanà wà è Mòtò wà Hwènàmà à ò jɛ̀ɛ̀, lìkànèyà là ŋmanyu lì ò hwɛ ndi nàa lìyòmɛ̀ là mèyɔ̀mbɔ̀ mè ŋgɔ̀ndɔ̀ ema hwa mà wòwà hwètùlù hwe awu ò lì ɛ̀ndɛ lì ambɛlɛlɛ è mòhwayèlì ò lì ɛndɛ lì mò lìyɛlɛ.

Matiyò 25:1 ပူးပေါင်းရင်းမြစ်များ

Matiyò 13:24

Yerzù à mà kpɛ̀ɛyà eŋge ŋgindi mòhvɛhvɛ ŋmàna nanù ema, “Likànèyà la ŋmanyu lì hwèlì ndi nàa mòtò ema à mà òna hvɔ̀ŋgɔ̀ ya gbamù ò mòònda.

Matiyò 13:31

Yerzù à mà kpɛ̀ɛ̀yà eŋge ŋgindi mòhvɛhvɛ ŋmàna nanù ema, “Likànèyà là ŋmanyu lì hwèlì ndi nàa ŋmanà hvɔ̀ŋgɔ̀, ema mòtò a wòwi rzi a òni ò mòònda mò eni.

Matiyò 13:38

e hvaya e hwèlì ndi e rze ya arzɛ, i hvɔ̀ŋgɔ̀ ja gbamù i hwèlì ndi hwatò ema hwa hwèlì ò rze ya lìkànèyà la ama Lohwɛ̀, hwèwùlè hvɛ hwe hwèlì ndi hwaŋga hwatò ema hwa hwèlì na mòkarzɛ̀.

Matiyò 13:47

Yerzù à mà kpɛ mòhvɛhvɛ ŋmàna nanù ema, “Lìkànèyà la ŋmanyu lì hwèlì ndi nàa e mbunja ema hwatò hwa mòrzòmbò hwa kòma ò malìhwa rzìi e lɛ̀mbɛ i nyayi ja nyàmà ja arzɛ.

Matiyò 20:1

Yerzù à mà kpɛ ŋmàna nanù ema, “Likànèyà la ama Lohwɛ̀ lì hwèlì ndi nàa mòtò ema a òhvi e wàŋga ya eni, ema à mà akɛlɛ lì wurza ò ndawò ekpa ya arzɛ lì ɛ̀ndɛ lì arza hwatò a aka ò lì mò gbèeyà èwòlò ò hvaya ya eni.

Matiyò 22:2

“Lìkànèyà là ŋmanyu yà lohwà lì hwèlì ndi nàa Kiŋgɛ hvɔ̀kɔ ema è mà òhweyà hwàgbèèlì hwa eni ema hwa rzèkeya e ndèma ya lìhwa la ama e ŋmanà wa eni wa mùnyanà.

Matiyò 25:7

Mèyɔ̀mbɔ̀ me ŋgɔ̀ndɔ̀ mè arzɛ mè tɛ̀mɛ̀nɛ mè agbɛlɛ hwètùlù hwe awu.

Matiyò 3:2

“È rzɔnjɛ̀lɛ̀ hwègbèèlì hwe anyu hwe wòhwe, èhwanja lìkànèyà là ama Lohwɛ̀ lì mà kòmbɛ̀nɛ̀.”

Matiyò 5:16

Inyɛ̀ inyɔ hvɛ è pànye ndi ŋgàna hvɔ̀kɔ nàa ètùlù. Hwatò hwa ɛni tɛ hwèwòlò hwe anyu hwe gbamù ema è gbèya, hwa eka Lohwɛ̀ Tatɛ̀ hwa anyu ema à hwèlì ò ŋmanyu yà lohwà.”

Matiyò 9:15

Yerzù rzìi a hwa alàhwɛ̀ nanù ema, “Nɛ hwatò ema hwa yòhwɛ̀hwɛ̀yi ò ndèma yà lìhwa hwà tànɛyi lì lìya rzɔ̀lùù wɔ̀ hwa hwèlì tɛ na e mòhwɛnɛ wa mɔ̀ɔ̀mbì e? Jàyɛ̀ hwa rzà tànɛ̀yi! Ndi o ò jà wùnyà ema wò ò hwa wòwàna è mòhwɛnɛ wa mɔ̀ɔ̀mbì. O wòŋgò wùnyà ndi hwa ò lìya e mòkìyà njàwò ò màkanɛ̀.

Yòwanìrzɛ̀ 18:3

Jùdàrzì rzìi à ɛndɛ ò eŋge hvaya ò tenì yà mùùtù mò Njàhwɛ̀, à tìmba è ŋgìndì yà hwanelì hwa njùma nà lòŋgò là hwàgbèèlì hwa è Ndawò yà Lohwà ema Ipilìrzi ndɛnɛ nà Ihvàlìrzàyì hwa mà òme wɔ̀ hwa mà hwanɛ̀ mèkakò, hwètùlù nà hwɛ̀ɛ̀kɛ̀ hwe njùma.

Yòwanìrzɛ̀ 3:29

Mɔ̀ɔ̀mbì mò hwɛnɛhwi ndi na e mòhwɛ̀nɛ̀ wà mɔ̀ɔ̀mbì. È mbunda ya ama e mòhwɛ̀nɛ̀ wà mɔ̀ɔ̀mbì ema a tɛ̀mɛ̀ ò tòŋgòŋgò ya eni ò lì mò òkànèyà a lìŋga a hweyi tɛ lìlò la eni. Ɔ̀ndeŋgàtɛ̀ màlìŋgò ma ami ma òndi nàŋgɛ.

Hwègbèèlì 20:8

Hwà mà hvàalɛ̀ rzayi-rzayi ja hwètùlù ò tu ya e ŋmanyu ya e ndawò ya ndɛki ema irzɔ i ma arzaŋganɛ.

1 Kɔ̀rintìyà 11:2

I wònyàmowe, imba na e èki rzayì-rzayì nanù ema inyɔ e no ika o màlùtèyà ma anyu i hvonda ja arzɛ rzìi e nɔ̀ŋgɔ hvɛ hwèyòkòwèlì hwe ama Krirztò na oma imba hvɛ nà mà e okolɛ̀.

2 Kɔ̀rintìyà 11:2

Nà e nonelì e ŋgàna ema Lohwɛ̀ a e nonelì. Inyɔ e gbèyi ndi nàa mɔ̀ɔmbɔ̀ mo ŋgɔndɔ. Moŋgo mɔ̀ɔmbɔ̀ mo ŋgɔndɔ, mɔ̀ ndi nà mà ohwe nanù ema mòtò mɔ̀kɔ a o hwaa, ndèŋgànɛlɛ oŋgo mòtò a hwèlì ndi Yerzù Krirztò.

2 Tìmotì 4:8

O nàŋgɛ nanù, mòrzahwèlì mo hwèlì mo no ambɛ̀lɛ̀, èhwanja nà mà gbèeyà èwòlò na oma Lohwɛ̀ a arza nanù ema e gbeyàhwe. Moŋgo mòrzahwèlì ndi e Rzàŋgo ema e kàyìrzɛ̀ hwatò ò jɔ̀kɛ̀ e no ŋgba o wùnyà wo hwèkàyìrzèlì. Rzeketɛ imba mbiti mɛnɛ ndi à ò ŋgbɛ, à ò ŋgba hwatò hwa arzɛ ema hwa àhvitɛ hwèjèelì hwe eni.

Tàyìtùrzì 2:13

Inyɛ̀ i gbeye nanù, na oma ja ambɛ̀lɛ̀ na lìhvìtà hwèèmà ema hwe o jɛ̀ɛ̀ o wòŋgo wùnyà ema Lòohwà la arzu, e mɔ̀ ema a Kàrzàmi na e Mòrzùŋgèlì hwa arzu Yerzù Krirztò à ò jà nà èluhwe ya eni.

Hwèwulùwèlì 14:4

Hwanu hwatò hwà mà hwɛ ndi hwatò ema hwa rza atukɛ e mbìndo ya hwalana, ehwànja hwa rzi hwi morzombo mo molàna. Hwàŋga hwatò ndi hwa oŋgamà e Ŋguma ya Mɔ̀lɛ̀ŋgù tɔ̀ ima èki ema e Ŋguma ya Mɔ̀lɛ̀ŋgù e ɛ̀ndɛ. Hwanu hwatò ndi hwa o kɔ̀tɔ̀wɔ̀ o ìtììtènì ja hwatò hwa hwènàmà. Ndeŋgànɛ̀lɛ̀ wɔ̀ ndi hwa hwèlì nàa e mbota ya worzo ema e ŋgbàahwì Lohwɛ̀ na e Ŋgùma ya mɔ̀lɛ̀ŋgù nàa làhweyà.

Hwèwulùwèlì 19:7

Inyɛ̀ irzɔ jo oke mɔ̀nyɛ̀ŋgì rzayi-rzayi, ndèŋgànɛ̀lɛ̀ jo a ohwa nanù ema jo oki mɔ̀nyɛ̀ŋgì na o lì mo eka, ehwànja lìrzako la lìhwa la ama e Ŋguma ya Mɔ̀lɛ̀ŋgù lì ma uka, ndeŋgànɛlɛ mɔ̀ɔ̀mbì mo eni mo mà màa lì wòŋgìrzɛ̀nɛ̀.

Hwèwulùwèlì 21:2

Aŋga ndi nà à ɛnɛ e mbowà ndɛɛndɛ ya wòtani, e Jèrurzalɛ̀mù hvènya e uwɛ̀lɛ̀lɛ̀yi o ma Lohwɛ̀ o ŋmanyu yà lohwà. Lohwɛ̀ à mà mo rzekeya ndi nà oma hwalana hwa rzekeya mɔ̀ɔ̀mbì ema mo ɛndɛ o lìhwa.

Hwèwulùwèlì 21:9

Aŋgèlì hvɔ̀kɔ ya lìŋgi lìrzamba la aŋgèlì ema i ma ohva lìrzamba la hwèwoki ema hwe ma ondìrzɛ̀hwɛ na ikàndɛ lìrzamba ja lìrzùkù, e ma ja rzìi e no òhweyà nanù ema, “Jà, na o uŋmɛ̀lɛ̀ mɔ̀ɔ̀mbì, e jòjìyɛ̀ ya e Ŋgumà ya Mɔ̀lɛ̀ŋgù.”

Hwèwulùwèlì 4:5

O eŋge konda ya lìkànèyà, lìŋmɛti lì ma hwɛ lì wurza, mɔ̀tɔ̀wù mo ma hwɛ lì wurza, ndèŋgànɛ̀lɛ̀ e ŋgala lohwà yɔ hvɛ e ma hwɛ lì kèhwa. Lìrzàmba la mekàko ema me ma hwɛ lì hvàyèya, lì ma hwɛ o worzo wo eŋge konda ya lìkànèyà. Liŋgi lìrzàmba la mekàko lì hwèlì ndi lìrzàmba la hwèlìŋgɛ̀ hwe ama Lohwɛ̀.

Hwèwulùwèlì 8:10

È aŋgèlì ema e ma ùkirzɛ̀ iyàwò e ma tòŋga lìyɔ̀mi la eni. Aŋga ndi rzombe ndɛnɛ ema e ma oŋwa nàa mòkàkò e ma uwɛ̀lɛ̀lɛ̀yi o ŋmanyu ya lìwòhwɛ là ŋmanyu rzìi e undeya lòŋgò lɔ̀kɔ o tenì ya moŋgo mayàwo ma meyorzo na hwètùŋgu hwe màlìhwa.