Matiyò 24:9 - Mokpwe: Bakwery (New Testament)

⁹ O eŋge hvònda, e ò ŋgbàŋgɛ̀hwɛ̀ na lì ŋgbahwa ò màà ma hwatò ema hwa e kɔ̀kìrzɛ̀ rzii hwa e òŋwa. O nyòla lìinà la amì e ò kɔ̀ɔ̀wɔ̀ nà hwèkòmè hwe arzɛ.

Matiyò 24:9 ပူးပေါင်းရင်းမြစ်များ

Matiyò 22:6

Hwanɛyi hwatò hvɛ ema hwà mà yòhwɛhwɛ, hwà mà lɛmbɛ hwaŋga hwàgbèèlì hwa ama eŋge kiŋgɛ. Hwa hwà gbiyɛ hvònji natɛ̀ɛ hwa hwà òŋwa.

Matiyò 23:34

Ene ŋgàna e gbèyi na e òmeya hwà-òhwèlì hwa hwèlìŋgɛ̀, na hwatò hwa mahwiye, nà Hwà-òkòlèlì. Lòŋgò la hwanù hwatò, inyɔ e hwa òŋwa, hwanɛyi hvɛ e hwa wòmeya ò mbarza. Lòŋgò hvɛ e hwa gbiyɛ hvònji ò tenì ja mandawò ma anyu ma màkanɛ̀, na hwahvɛhvɛ, e hwa hvaya ò lì anjiya ò mambòwà na mambòwà.

Lukàrzɛ̀ 11:49

Nànù ndeŋgàtɛ Lohwɛ̀ ò lìhwiyè la eni à mà òhwa nanù ema, ‘Nà hwa òmeyà hwà-òhwèlì hwa ami hwa hwèlìŋgɛ̀, nà i àpɔ̀rzìtòlò. Hwa hwɛnì lì òŋwà lòŋgò la hwaŋga hwatò. Lòŋgò hvɛ hwa takìrzɛ̀hwɛ.’

Lukàrzɛ̀ 21:12

Ndèŋgàna hwenè hweyà hwe àrzɛ hwe e hwiya lì gbèyɛnɛ, hwa è ŋgbaŋgɛ̀, rzìi hwa è takìrzɛ̀. Hwa è ɛ̀ndɛ̀nɛ̀ ò ndawò ja màkanɛ̀, hwa e kàyìrzɛ rzìi hwa e aŋgɛ̀ ò hwèwòwà. Hwa è jàna ò màrzò ma ìkiŋgɛ̀ nà hwàkànèlì ò nyòla ami.

Yòwanìrzɛ̀ 15:18

Yerzù à mà òhweyà hwà-òkòwèlì hwa eni hvɛ nanù ema, “È rze ye e kɔwu tɛ e ɔ̀ŋgɛ̀lɛ̀ nanù ema e rze e ma lòma lì nò kɔwu imba.

Yòwanìrzɛ̀ 15:21

Ndi hwa ò è gbèeyà hwenè hweyà hwe arzɛ ò lìnà là ami èhwanja hwa rza hwi e mɔ̀ ema a nò òmi.

Yòwanìrzɛ̀ 16:2

Wɔ̀ hwa ò e hvaya ò tenì ya e ndawò ya màkanɛ̀. Ò jɔ̀kɛ̀, o ò ja hvònda ema tɔ̀ ima mɔ̀ ema a ò e òŋwɛ, a ò ɔ̀ŋgɛ̀lɛ̀ ndi ema a gbèeyà ndi Lohwɛ̀ èwòlò.

Hwègbèèlì 28:22

Ndi irzɔ i lìŋgàna lì hwiya mɔ̀ŋgɛ̀lɛ̀ ma aŋgɔ̀ èhwanja irzɔ i hwi nanù ema ò hweki hwe arzɛ hwatò hwa òhwa wòhwe lì teŋgɛ̀nɛ̀ ene ehvehva ema ò hwèlì nanù.”

Hwègbèèlì 7:59

Nà òma hwà mà hwɛ lì aŋgba Rzìtehvànɛ màŋyàyi mɔ̀ à mà hwɛ lì kanɛ̀ nanù ema, “Ìi Rzàŋgò Yerzù, wòwa èlìŋgɛ̀ ya ami.”

1 Pètrò 4:16

Ndi e tàki tɛ ehwànja e hwèlì ndi hwànɔ̀ŋgèlì hwa ama Krirztò, e rzi keka lì oka tɔ̀ irzɔ̀ni. Ndi e eke Lohwɛ̀ nanù ema inyɔ e hwɛ̀lɛ̀hwɛ̀ ndi hwatò hwa ama Krirztò.

Hwèwulùwèlì 2:10

È rza oka metàkà ema mè hwèlì ò njiya mè è jèeyà wɔ̀ŋgɔ̀. Nà è ohweyà nanù ema, Mòkarzɛ̀ à gbeyà nanù ema hwe aŋgɛ lòŋgo là anyu ò hwèwòwà, èki ema è ò lùwa mètàkà ò tenì yà lìyomɛ̀ là mèènyà. Mɔ̀ à ò gbeyà ndi nanù, ò lì kèkirzɛ lìlòkɛ̀ là anyu, tɔ̀ è hwɛ ndi nanù ema yà à ŋwa è nò lòkɛ̀ ndi nanù mɛnɛ. È gbèyi tɛ nanù rzìi imba hvɛ nà ò è ŋgba lòŋgɛ ema lì rza kuwa nàa etaŋgi jà mòtò ema à rzùù.

Hwèwulùwèlì 2:13

Nà hwi èki ema ò lìya. Aŋga ndi è konda yà lìkànèyà là ama mòkarzɛ̀ è hwèlì. Ndi è eka mèèmà mè anyu nà imba nanù mɛnɛ. È mà nò lòkɛ̀ nà ŋmèma mɔ̀kɔ nanù mɛnɛ tɔ̀ ò è hvonda yà ama Àntipàrzi. Àntipàrzi à mà nò tɛ̀meyà è mboŋgi yà jɔ̀kɛ̀, ndèŋgànɛ̀lɛ̀ hwa mà mò oŋwa ò ìtììtènì jà anyu ò hwèlìyelì hwe ama Mòkarzɛ̀.

Hwèwulùwèlì 7:14

Nà ma mo timbirzɛlɛlɛ nanù ema, “Ìi rzàŋgo kòkò, o wa ndi o hwi.” Rzìi à no òhweyà nanù ema, “Hwatò hwanù ema hwa karzo ò tenì ya metàkirzɛnɛ mendɛnɛ. Wɔ̀ hwà mà rzorza meŋgombe me awu na màyija ma ama e Ŋguma ya Mɔ̀lɛ̀ŋgù o lì me timbirzɛ mbɔ̀mi.