Matiyò 24:44 - Mokpwe: Bakwery (New Testament)

⁴⁴ O èŋgànɛ̀lɛ̀ rzɔ, inyɔ hvɛ e hwɛnì lì wòŋgirzɛnɛ i hvònda ja arzɛ èhwanja è Ŋmanà wà è Mòtò wà Hwènàmà à jà ò è hvònda ema e rza hwìyahwɛ̀.

Matiyò 24:44 ပူးပေါင်းရင်းမြစ်များ

Matiyò 24:27

Ndi nà òmà lòòhwà lì ŋmɛtɛ ŋmɛti-ŋmɛti lɛlu na mbɛŋgɛ, nanù ndi e ò hwɛ̀ɛ e hvònda ya hwèjèelì hwe ama è Ŋmanà wà è Mòtò wà Hwènàmà.

Matiyò 24:42

O èŋgànɛ̀lɛ rzɔ inyɔ hvɛ e hwɛnì lì wòwa hvònda, èhwanja è rza hwi wùùnya ema Rzàŋgò ya anyu à ò jɛ̀ɛ̀ hvɛ.

Matiyò 24:43

È òkànèyà tɛ è mòhwɛnèlì wa ndawò à mà hwiya tɛ e hvònda ema è ŋmìhwɛ̀ a ò jɛ̀ɛ̀ wùuwù, òma a lìya ɛ̀hvɛ̀nyɛ̀ ò lì ɔŋgeya e ndawò ya eni ndèŋgànɛ̀lɛ̀ a rzi imanɛlɛ ema e ŋmìhwɛ̀ a gbe e ndawò ya eni.

Matiyò 25:10

Ndi nà òma hwa mà ɛ̀ndɛ lì anda mànyàŋga màŋgele, è mòhwayèlì à mà jà. Rzìi hwaŋga hwàna hwa ŋgɔ̀ndɔ̀ hwààtànɛ̀ ema hwa mà wòŋgirzɛnɛ hwa ɛ̀ndɛ nà mɔ̀ ò è ndèma yà lìhwa, rzìi lìyòhva lì umbahwa.

Matiyò 25:13

Yerzù rzìi à umba mònò ŋmàna ò lì òhwa nanù ema, “È wòwe hvònda, èhwanja è rza hwi wùùnya tɔ̀ è hvònda ema è Ŋmanà wà è Mòtò wà Hwènàmà à ò jɛ̀ɛ.”

Lukàrzɛ̀ 12:39

È hwiyè ema, è mòhwɛnɛ wà ndawò à mà hwiya tɛ lìrzàkò ema è ŋmìhwɛ̀ a ò jà, ò ma mɔ̀ àmbɛlɛlɛ wuu wò arzɛ ema hwa rzi mò gbaana e ndawò yà enì.

Lukàrzɛ̀ 12:40

Inyɔ hvɛ è hwɛnì lì àwòŋgirzɛ̀nɛ̀ èhwànja è Ŋmanà wà è Mòtò wà Hwènàmà a ò jà ò lìrzàkò ema e rzà mò àhvìtɛ̀.”

Lukàrzɛ̀ 21:36

È aŋgòhweyà ì hvònda ja arzɛ. È kanɛ̀ ema e hwɛnɛ è ŋginyà ema è ò karzòlɛ̀ hwenè hweyà ema hwe gbeyɛ̀nɛ̀, aŋga nanù e tanɛ lì tɛmeyà ò wòrzò wò è Ŋmanà wà è Mòtò wà Hwènàmà.”

Hvìlipìyà 4:5

Inyɛ̀ hwɛ̀ɛ̀mɛ̀ hwe anyu e uŋmɛ̀lɛ̀ o worzo wo hwatò hwa arzɛ nanù ema e arzihwirzɛ. È Rzàŋgo e jà ŋmanà mbɔ.

Jèmìrzì 5:9

Ìi wònyamòwè kòkò, e rza arzàrzòwànɛ̀ mɔ̀kɔ na ɔ̀nɛyi e rzi jà lì hwɛ Lohwɛ̀ a ohwa nanù ema e hwèlì ndi hwatò hwa wòhwe. È hwiye nanù ema e mòkàyìrzèlì a e hwɛlɛlɛ̀yi ndi o toŋgoŋgo.

Hwèwulùwèlì 19:7

Inyɛ̀ irzɔ jo oke mɔ̀nyɛ̀ŋgì rzayi-rzayi, ndèŋgànɛ̀lɛ̀ jo a ohwa nanù ema jo oki mɔ̀nyɛ̀ŋgì na o lì mo eka, ehwànja lìrzako la lìhwa la ama e Ŋguma ya Mɔ̀lɛ̀ŋgù lì ma uka, ndeŋgànɛlɛ mɔ̀ɔ̀mbì mo eni mo mà màa lì wòŋgìrzɛ̀nɛ̀.