Matiyò 24:43 - Mokpwe: Bakwery (New Testament)

⁴³ È òkànèyà tɛ è mòhwɛnèlì wa ndawò à mà hwiya tɛ e hvònda ema è ŋmìhwɛ̀ a ò jɛ̀ɛ̀ wùuwù, òma a lìya ɛ̀hvɛ̀nyɛ̀ ò lì ɔŋgeya e ndawò ya eni ndèŋgànɛ̀lɛ̀ a rzi imanɛlɛ ema e ŋmìhwɛ̀ a gbe e ndawò ya eni.

Matiyò 24:43 ပူးပေါင်းရင်းမြစ်များ

Matiyò 14:25

O ekpa ya arzɛ, Yerzù à mà ɛ̀ndɛnɛ matàŋgà ma eni ò malìhwa ò lì ùŋmànɛ̀lɛ̀ hwà-òkòlèlì hwa eni.

Matiyò 20:11

Nà òma hwaŋga ema hwà mà akɛlɛ lì akahwa ò èwòlò hwà mà luwe mòrzawèlì mò awu, hwa wòteyà lì arzarzòwɛ.

Matiyò 24:42

O èŋgànɛ̀lɛ rzɔ inyɔ hvɛ e hwɛnì lì wòwa hvònda, èhwanja è rza hwi wùùnya ema Rzàŋgò ya anyu à ò jɛ̀ɛ̀ hvɛ.

Matiyò 24:44

O èŋgànɛ̀lɛ̀ rzɔ, inyɔ hvɛ e hwɛnì lì wòŋgirzɛnɛ i hvònda ja arzɛ èhwanja è Ŋmanà wà è Mòtò wà Hwènàmà à jà ò è hvònda ema e rza hwìyahwɛ̀.

Matiyò 25:10

Ndi nà òma hwa mà ɛ̀ndɛ lì anda mànyàŋga màŋgele, è mòhwayèlì à mà jà. Rzìi hwaŋga hwàna hwa ŋgɔ̀ndɔ̀ hwààtànɛ̀ ema hwa mà wòŋgirzɛnɛ hwa ɛ̀ndɛ nà mɔ̀ ò è ndèma yà lìhwa, rzìi lìyòhva lì umbahwa.

Matiyò 25:13

Yerzù rzìi à umba mònò ŋmàna ò lì òhwa nanù ema, “È wòwe hvònda, èhwanja è rza hwi wùùnya tɔ̀ è hvònda ema è Ŋmanà wà è Mòtò wà Hwènàmà à ò jɛ̀ɛ.”

Makòrzì 13:35

O eŋgànɛ̀lɛ e aŋgòwa èhwanja è rza hwi e hvònda ema è rzàŋgò yà ndawò e ò tìmbɛ. À tànɛyi lì jà è ŋgòmbe, tɔ̀ ò kɔ̀rzi yà wuu tɔ̀ ò ekpaàrzɛ tɔ̀ ò e hvònda yà elele.

Makòrzì 6:48

À mà ɛnɛ nà òmà hwà-òkòwèlì hwa eni hwa tàkànà wɔ̀ɔ̀lɔ̀ èhwanja e mbɛ̀hvɛ̀nì e ma hwa teŋgɛ̀nɛ̀ ò wòrzò. Ò ekpààrzɛ ya wònɛyi wùnyà, Yerzù à mà ɛ̀ndɛ lì hwa ùŋmanɛlɛ. À ma ɛ̀ndɛnɛ màtaŋga ò ŋmanyu ya yùlu ya malìhwa. À mà àrza lì hwa aka.

Lukàrzɛ̀ 12:38

Tɔ̀ a jà ndi ò kɔ̀rzi ya wu, tɔ̀ ò ekpaàrzɛ rzi a hwa ùŋmànɛlɛ ema hwà mà wòŋgirzɛnɛ mònàmɛ̀ mò hwɛ na hwaŋga hwàgbèèlì.

Lukàrzɛ̀ 12:39

È hwiyè ema, è mòhwɛnɛ wà ndawò à mà hwiya tɛ lìrzàkò ema è ŋmìhwɛ̀ a ò jà, ò ma mɔ̀ àmbɛlɛlɛ wuu wò arzɛ ema hwa rzi mò gbaana e ndawò yà enì.

Lukàrzɛ̀ 21:36

È aŋgòhweyà ì hvònda ja arzɛ. È kanɛ̀ ema e hwɛnɛ è ŋginyà ema è ò karzòlɛ̀ hwenè hweyà ema hwe gbeyɛ̀nɛ̀, aŋga nanù e tanɛ lì tɛmeyà ò wòrzò wò è Ŋmanà wà è Mòtò wà Hwènàmà.”

Hwèwulùwèlì 16:15

Yerzù à ohwi nanù ema, “È okànèyà, nà ò jà ò wùnyà ema tɔ̀ mòtò à rza ò hwiyɛ nàa ŋmìhwɛ̀ à jà. Mònàmɛ̀ nà oŋgo mòtò ema à ò lìya ehvɛ̀nyɛ̀, ndèŋgànɛ̀lɛ̀ à ò ohvɛ mààtù mà eni, aŋga nanù mɔ̀ à rza ò ɛndɛ̀nɛ̀ morzombo ò lì luwa erzàmbo ò marzo mà hwatò.”

Hwèwulùwèlì 3:3

Ò eŋgànɛlɛ rzɔ, è ɔ̀ŋgɛ̀lɛ̀ hweyà ema inyɔ è mà okowe nà è hwèyɔ̀ ema è mà hwèye, è hwe ika ndèŋgànɛ̀lɛ̀ è ayèŋgowɛ̀ ò wòhwe wò anyu. Ndi inyɔ è rzi imowì tɛ, imba nà ò jà ndi nàa ŋmìhwɛ, ndeŋgànɛlɛ è rza ò hwiya è hvonda ema nà ò jɛ̀ɛ̀.