Matiyò 24:39 - Mokpwe: Bakwery (New Testament)

³⁹ Ndi tɔ̀ nanù, wɔ̀ hwa rzi ayèmbɛ mamɛ ema e ma hwɛ lì gbèyɛ̀nɛ natɛ̀ɛ malìhwà mà mbuwà ma ɛkɛ̀meyà ma hwa indirzɛ. Nànù mɛnɛ hvɛ ndi e hwɛni lì hwɛ̀ ò e hvònda ema è Ŋmanà wà è Mòtò wà Hwènàmà a ò jɛ̀ɛ̀.

Matiyò 24:39 ပူးပေါင်းရင်းမြစ်များ

Matiyò 16:27

Nà è òhweyà hwene hweyà hwe arzɛ nanù èhwanja è Ŋmanà wà è Mòtò wà Hwènàmà à ò jà ò èluhwe yà ama è Tatɛ̀ wà eni nà ì aŋgèlì jà eni. À jelì tɛ, à kɔ̀kìrzɛ̀ nà lì nàmìrzɛ̀ tɔ̀ ima mòtò ò lì hvòmɛ̀nɛ̀ mamɛ ema tɔ̀ ima mòtò à mà gbèèyɛ̀.

Matiyò 24:3

Nà òma Yerzù à mà lìya ò mòòlì mò Njàhwɛ̀, hwà-òkòwèlì hwa eni hwa mò ùŋmànɛ̀lɛ̀ ò èki ema wɔ̀ na wɔ̀ ndi hwà mà hwɛ aŋga. Rzii hwa mò ijòwa nanù ema, “O jò òhweyà e hvònda ema hwene hweyà hwe arzɛ hwe ò gbèyɛ̀nɛ, ima hvònda enè eyà e ò gbèyɛ̀nɛ e. Ndèŋgànà mamɛ e ò hwɛ̀ èmɛ̀nɛ̀nì ò lì uŋmɛ̀lɛ̀ hwejèelì hwe aŋgɔ̀ na lìrzukù la ene rze e?”

Matiyò 24:30

O eŋge hvònda e ò ɛnɛ èmɛ̀nɛ̀nì ya è Ŋmanà wà è Mòtò wà Hwènàmà e uwɛ̀lɛ̀lɛ̀yi ò lìwòhwɛ̀ la ŋmanyu, rzìi matumbà mà arzɛ ma hwatò ma e rze ya arzɛ ma ò wòteyà lì ahvahvɛ. Hwatò hwa ò ɛnɛ è Ŋmanà wà è Mòtò wà Hwènàmà na òma a jà ò lìmbàkì la e ŋmanyu yà lohwà na ŋginyà na èluhwe ndɛnɛ.

Matiyò 24:37

Nà òmà e mà hwɛ ò e hvònda yà ama Nòwà nanù hvɛ mɛnɛ ndi e ò hwɛ nà hwejèelì hwe è Ŋmanà wà è Mòtò wà Hwènàmà.

Matiyò 24:40

O eŋge hvònda hwatò hwahwàkɛ hwa ò hwɛ lì gbeyà èwòlò ò hvaya, Lohwɛ̀ a wòwa mɔ̀kɔ, ɔ̀nɛyi a lìiya aŋga.

Lukàrzɛ̀ 19:44

Hwa hwɛnì lì ò nyɔ̀kɔ wàrzɛ-wàrzɛ nà hwàànà hwà aŋgɔ̀ hwa àrzɛ. Hwàkɔ̀yèlì hwa aŋgɔ̀ hwa rzà lìya tɔ̀ lìŋyàyi tɔ̀ lɔ̀kɔ ò ŋmanyu yà lìnɛ̀yi. Èhwànja ò rzi hwiye lìrzakò ema Lohwɛ̀ a mà jèe lì rzùŋgà lòŋgɛ la aŋgɔ.”

Yòwanìrzɛ̀ 3:20

Tɔ̀ ima mɔ̀ ema à gbèyi eyà yà wòhwe à kɔ̀wu ŋmàye, à rza jà ò ŋmàye èhwanja à òka wɔ̀ŋgɔ̀ ema hwègbèèlì hwa eni hwe ò wùrzirzɛhwɛ ò èwòka.

Hwègbèèlì 13:41

‘È ɔŋgɔ̀ tɛ inyɔ hwatò ema e kikòwa Lohwɛ̀! È ò tàmà, ndèŋgànà e ò ŋwa, èhwanja eyà ema na ò gbèyɛ mene mèenyà, e hwèlì ndi eyà ema inyɔ e rza ò lòkɛ̀, tɔ̀ e hwɛ ndi nanù ema mòtò a e telɛlɛyi e yɔ.’”

Ròmànì 1:28

Nà òma è hwèlì nanù ema hwanu hwatò hwa rza hwɛni hvònda nà Lohwɛ̀ ò lòŋgɛ là awu, Lohwɛ̀ à mà hwa ulɛ̀ mììrzɔ̀ mà eni nanù ema hwa ɛ̀ndɛ̀nɛ̀ màlùtèyà mà awu mà wòhwe ò wòrzò ema mà hwèlì ò lì gbeyà hweyà ema hwa rza àŋgàmɛ̀nɛ̀yi lì gbeyà.

2 Pètrò 3:5

Wɔ̀ hwa o hvàka e jɔ̀kɛ̀ ema e ohwa nanù ema Lohwɛ̀ à mà gbeyàna e mbɔrzi ya eni o lì wèkana e ŋmanyu yà lohwà na e rze. A ma gbeyà e rze e ma wurza o tenì ya màlìhwà ndeŋgànɛlɛ à mà gbeyàna màlìhwa o lì wèka e rze.