Matiyò 24:30 - Mokpwe: Bakwery (New Testament)

³⁰ O eŋge hvònda e ò ɛnɛ èmɛ̀nɛ̀nì ya è Ŋmanà wà è Mòtò wà Hwènàmà e uwɛ̀lɛ̀lɛ̀yi ò lìwòhwɛ̀ la ŋmanyu, rzìi matumbà mà arzɛ ma hwatò ma e rze ya arzɛ ma ò wòteyà lì ahvahvɛ. Hwatò hwa ò ɛnɛ è Ŋmanà wà è Mòtò wà Hwènàmà na òma a jà ò lìmbàkì la e ŋmanyu yà lohwà na ŋginyà na èluhwe ndɛnɛ.

Matiyò 24:30 ပူးပေါင်းရင်းမြစ်များ

Matiyò 24:3

Nà òma Yerzù à mà lìya ò mòòlì mò Njàhwɛ̀, hwà-òkòwèlì hwa eni hwa mò ùŋmànɛ̀lɛ̀ ò èki ema wɔ̀ na wɔ̀ ndi hwà mà hwɛ aŋga. Rzii hwa mò ijòwa nanù ema, “O jò òhweyà e hvònda ema hwene hweyà hwe arzɛ hwe ò gbèyɛ̀nɛ, ima hvònda enè eyà e ò gbèyɛ̀nɛ e. Ndèŋgànà mamɛ e ò hwɛ̀ èmɛ̀nɛ̀nì ò lì uŋmɛ̀lɛ̀ hwejèelì hwe aŋgɔ̀ na lìrzukù la ene rze e?”

Matiyò 24:37

Nà òmà e mà hwɛ ò e hvònda yà ama Nòwà nanù hvɛ mɛnɛ ndi e ò hwɛ nà hwejèelì hwe è Ŋmanà wà è Mòtò wà Hwènàmà.

Matiyò 24:39

Ndi tɔ̀ nanù, wɔ̀ hwa rzi ayèmbɛ mamɛ ema e ma hwɛ lì gbèyɛ̀nɛ natɛ̀ɛ malìhwà mà mbuwà ma ɛkɛ̀meyà ma hwa indirzɛ. Nànù mɛnɛ hvɛ ndi e hwɛni lì hwɛ̀ ò e hvònda ema è Ŋmanà wà è Mòtò wà Hwènàmà a ò jɛ̀ɛ̀.

Matiyò 26:64

Yerzù rzìi à mò tìmbìrzɛ̀lɛ̀lɛ̀ nanù ema, “Nà òma ò òhwi. Nà è jɔ̀kɛ̀ imba nà è òhweyà inyɔ hwa arzɛ ema, lì wòteyà naŋgɛ è ɛnɛ̀ è Ŋmanà wà è Mòtò wà Hwènàmà à lìya ò lìyà là mòmɛ̀ là ama Lohwɛ̀ lì karzami. È ɛnɛ̀ nɛ à ò lììya ò ŋmanyu yà mbàkì a rzìhwà ò rze yà mɔ̀nyɛ̀.”

Makòrzì 13:26

O èŋge hvònda hwatò hwa ò ɛ̀nɛ̀ è Ŋmanà wà è Mòtò wà Hwènàmà a jà ò lìmbàkì nà ŋginyà ndɛnɛ̀ nà èluhwe.

Makòrzì 13:4

“O jò òhweyà, ima hvònda hwenè hweyà hwe ò gbeyɛ̀nɛ̀ e? O jò òhweyà hwe embànèlì hwe uŋmɛ̀lɛ̀ ema e hvònda e ma uka ema hwenè hweyà hwe ò gbeyɛ̀nɛ.”

Lukàrzɛ̀ 21:27

Aŋgà ndi hwa ɛnɛ e Ŋmanà wà è mòtò wà Hwènàmà na òma a jà ò tenì yà lìmbàkì na ŋginyà nà èluhwe ndɛnɛ̀.

Lukàrzɛ̀ 22:69

Ndi è hvònda è mà ukà, ema è Ŋmanà wà è mòtò wà Hwènàma, à lìya ò lìya là mòmɛ̀ là ama Lohwɛ̀ là Ŋginyà.”

Hwègbèèlì 1:11

Hwàŋga wunyanà hwa ahwakɛ rzìi hwa ijòwa hwà-òkòwèlì nanù ema, “Ìi hwatò hwa Galìlì, mamɛ è tɛ̀mèlì anù è ɔŋgɔ̀ ò ŋmanyu e? Onò Yerzù ema Lohwɛ̀ à mà gbeyɛ nanù ema à è akakòwɛ, ndèŋgànà à mà ɛndɛ ò ŋmanyu yà Lohwà, à ò tìmba hvɛ nyayi hvɔ̀kɔ nà òma inyɔ è ɛni à agba ò ŋmanyu.”

2 Tɛ̀rzàlonìyà 1:7

Lohwɛ̀ à gbeyà nanù ema è rza lùwa mètàkà hvɛ, ndèŋgànɛlɛ à gbeyà hvɛ nanù ema irzɔ hvɛ ì rza lùwa mètàkà hvɛ. Ène eyà è ò gbèèyɛ̀nɛ̀ è hvonda ema Rzàŋgo Yerzù à uwɛ̀lɛ̀lɛ̀yi ò ŋmanyu yà lohwà lì jà nà i aŋgèlì ja eni jà ŋginyà, ndèŋgànɛ̀lɛ̀ hwa ò toŋgàhwa nà mùùnya ema mò òŋwa.

Hwèwulùwèlì 1:7

È ɔŋgɔ tɛ, à hwèlì à jà nà lìmbaki, ndèŋgànɛlɛ tɔ̀ ima mòtò à ò mò ɛnɛ, tɔ̀ hwaŋga hwatò ema hwa mà gbeyà ema à ŋwe nà oma hwa mà mò hvànɛ ò mbàrza. Màtumba mà arzɛ mà è rze yà mɔ̀nyɛ̀ hwa ò mò ɛhwɛ. Nànù mɛnɛ ndi è ò hwɛ, inyɛ è hwɛ nanù.

Hwèwulùwèlì 12:1

Èmbànelì ndɛnɛ ya mànyàkà e ma wurza o ŋmanyu yà lohwà. Nà ma ɛnɛ mòlana ema a wɔ̀tìrzɛhwɛyi ndi igbe. Ŋmɛ̀ɛlì mɔ̀hvɛ mo ma hwɛ ndi o rze ya màtaŋgà mà eni. O ma hwɛ ekooto ema e ma hwɛnɛ lìyome la rzombe na ihwakɛ o mohvo mo eni.