Matiyò 24:29 - Mokpwe: Bakwery (New Testament)

²⁹ “Hweŋge hwèyu hwe mawɔ̀ŋgɔ̀ hwe aka tɛ, i gbèyi jò ò ayèŋgòwɛ̀ jìtìtì, ŋmɛ̀ɛlì hvɛ mò rza ò uŋmɛ̀lɛ ŋmàye mò eni, i rzòmbe ja arzɛ jò ò unda lì anjiya ò ŋmanyu yà lohwà ndèŋgànà i ŋginyà ja arzɛ ja ŋmanyu jò ò kùwa lì nyiŋga.

Matiyò 24:29 ပူးပေါင်းရင်းမြစ်များ

Matiyò 24:21

O eŋge hvònda rzɔ, o ò hwɛ mòhvùŋgu mò ndɛnɛ ema mò rzi gbèyɛ̀nɛ lì wòteya ewèkelì ya ene rze na tɛ na wònò wùnyà. Ndèŋgànà lìŋgi lìtumba la eyà lì rza ò gbèyɛ̀nɛ hvɛ.

Matiyò 24:8

Hwenè hwe àrzɛ ndi hwe ò hwɛ nàa hwe wòtelì hwe mòrziyò mò lìyalì.

2 Pètrò 3:10

Ndi wùùnya ema è Rzàŋgo è ò jɛ̀ɛ̀, à ò jà ndi hvàkàlà nà oma è ŋmìhwɛ à jà. Ò woŋgo wùnyà, lìwòhwɛ̀ là ŋmanyu lì o nyɔ̀ŋgɔ nà mɔ̀tɔ̀wù mondɛnɛ. Hwèèmà hwe arzɛ ema hwe hwèlì ò lìwòhwɛ̀ là ŋmanyu hwe o rzèeyà, ndeŋgàna hwe nyɔ̀ŋgɔ. Rzìi è rze nà tɔ̀ mamɛ ema è hwèlì ò tenì hwe ɔhvɛ hwe rzèeyà nà lì nyɔ̀ŋgɔ.

Hwèwulùwèlì 8:12

È aŋgèlì ema e ma ùkirzɛ̀ inɛyi yɔ hvɛ rzìi e tòŋga e la eni lìyɔ̀mi. Aŋga ndi yoma ya àyɛ̀rzɛ̀ɛ lòŋgò lɔ̀kɔ o tenì ya moŋgo mayàwo la igbèyi, ya àyɛ̀rzɛ̀ lòŋgo lɔ̀kɔ o tenì ya moŋgo mayàwo la ŋmɛ̀ɛlì, ndèŋgànɛ̀lɛ̀ ya àyɛ̀rzɛ̀ lòŋgo lɔ̀kɔ o tenì ya moŋgo mayàwo la irzombe. Ène eyà e ma gbeyà lòŋgo lɔ̀kɔ o tenì ya moŋgo mayàwo lì ma ayèŋgowɛ̀ jìtìtì, o rzi hwɛ tɔ̀ ŋmàye o tenì ya lòŋgò lɔ̀kɔ o tenì ya moŋgo màyàwo ma wùnyà, ndèŋgànɛ̀lɛ̀ o rzi hwɛ tɔ ŋmàye o tenì ya lòŋgo lɔ̀kɔ o tenì ya moŋgo mayàwo la wuu.