Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Matiyò 24:27 - Mokpwe: Bakwery (New Testament)

27 Ndi nà òmà lòòhwà lì ŋmɛtɛ ŋmɛti-ŋmɛti lɛlu na mbɛŋgɛ, nanù ndi e ò hwɛ̀ɛ e hvònda ya hwèjèelì hwe ama è Ŋmanà wà è Mòtò wà Hwènàmà.

အခန်းကိုကြည့်ပါ။ ကော်ပီ




Matiyò 24:27
18 ပူးပေါင်းရင်းမြစ်များ  

Nà è òhweyà hwene hweyà hwe arzɛ nanù èhwanja è Ŋmanà wà è Mòtò wà Hwènàmà à ò jà ò èluhwe yà ama è Tatɛ̀ wà eni nà ì aŋgèlì jà eni. À jelì tɛ, à kɔ̀kìrzɛ̀ nà lì nàmìrzɛ̀ tɔ̀ ima mòtò ò lì hvòmɛ̀nɛ̀ mamɛ ema tɔ̀ ima mòtò à mà gbèèyɛ̀.


Nà è òhweyà nà è jɔ̀kɛ̀ nanù ema, lòŋgò la anyu è hwèlì anù ema è rza ŋwa, natɛ̀ɛ e hvònda hwa ɛnɛ è Ŋmanà wà è Mòtò wà Hwènàmà a jà na lìkànèyà là eni ò rze.”


Tɔ̀ e hwèlì tɛ ema hwatò hwa e òhwèlì tɛ nanù ema, ‘È ɔŋgɔ̀ tɛ̀ mɔ̀ à hwèlì ɔ̀nɛyi mòrzanjɛ̀,’ e rzi ɛndɛ aŋga. Tɔ̀ hwa e òhwèlì tɛ nanù ema ‘È ɔŋgɔ̀ tɛ, mɔ̀ ònò anu ìlùkù,’ e rzi lòkɛ̀.


Nà òma Yerzù à mà lìya ò mòòlì mò Njàhwɛ̀, hwà-òkòwèlì hwa eni hwa mò ùŋmànɛ̀lɛ̀ ò èki ema wɔ̀ na wɔ̀ ndi hwà mà hwɛ aŋga. Rzii hwa mò ijòwa nanù ema, “O jò òhweyà e hvònda ema hwene hweyà hwe arzɛ hwe ò gbèyɛ̀nɛ, ima hvònda enè eyà e ò gbèyɛ̀nɛ e. Ndèŋgànà mamɛ e ò hwɛ̀ èmɛ̀nɛ̀nì ò lì uŋmɛ̀lɛ̀ hwejèelì hwe aŋgɔ̀ na lìrzukù la ene rze e?”


Nà òmà e mà hwɛ ò e hvònda yà ama Nòwà nanù hvɛ mɛnɛ ndi e ò hwɛ nà hwejèelì hwe è Ŋmanà wà è Mòtò wà Hwènàmà.


Ndi tɔ̀ nanù, wɔ̀ hwa rzi ayèmbɛ mamɛ ema e ma hwɛ lì gbèyɛ̀nɛ natɛ̀ɛ malìhwà mà mbuwà ma ɛkɛ̀meyà ma hwa indirzɛ. Nànù mɛnɛ hvɛ ndi e hwɛni lì hwɛ̀ ò e hvònda ema è Ŋmanà wà è Mòtò wà Hwènàmà a ò jɛ̀ɛ̀.


O èŋgànɛ̀lɛ̀ rzɔ, inyɔ hvɛ e hwɛnì lì wòŋgirzɛnɛ i hvònda ja arzɛ èhwanja è Ŋmanà wà è Mòtò wà Hwènàmà à jà ò è hvònda ema e rza hwìyahwɛ̀.


Yerzù rzìi à mò alàhwɛ̀ nanù ema, “I njùhwɛ̀ ja òhvi hvòkò ema i nàŋgeya. Hwenɔ̀ni hwe ŋmanyu hwèyɔ̀hvɛ hwe òhvi màwùmbù, ndi è Ŋmàna wà è Mòtò wà Hwènàmà mɔ̀ à rza òhvi tɔ̀ èki ema à nàŋgɛlɛ mòòhvò mò eni.”


Inyɔ hvɛ e àjùlɛ̀, e kake mèèmà, e ambɛlɛlɛ hwejèelì hwe ama e Rzàŋgo.


o lì ohwa nanù ema, “A ma ohwa nanù ema a jà hvɛ, one mɔ̀ à hwèlì nàŋgɛ e? Irzàŋgo ja arzu i ma màa lì ŋwa kohwaa, ndi tɔ̀ ima eyà e hwèlì ndi nanù mɛnɛ, na oma e ma hwɛ natɛ̀ɛ na o ewèkelì ya e rze.”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ