Matiyò 24:21 - Mokpwe: Bakwery (New Testament)

²¹ O eŋge hvònda rzɔ, o ò hwɛ mòhvùŋgu mò ndɛnɛ ema mò rzi gbèyɛ̀nɛ lì wòteya ewèkelì ya ene rze na tɛ na wònò wùnyà. Ndèŋgànà lìŋgi lìtumba la eyà lì rza ò gbèyɛ̀nɛ hvɛ.

Matiyò 24:21 ပူးပေါင်းရင်းမြစ်များ

Matiyò 24:20

È kànɛ Lohwà nanù ema lìŋgi lìrzakò la lìŋgi lìhwaŋgi lì rza ò hwɛ ndi ò e hvònda ya ehvùhva tɔ̀ ò wùnyà wò lì Arzìyòlɛ̀!

Matiyò 24:29

“Hweŋge hwèyu hwe mawɔ̀ŋgɔ̀ hwe aka tɛ, i gbèyi jò ò ayèŋgòwɛ̀ jìtìtì, ŋmɛ̀ɛlì hvɛ mò rza ò uŋmɛ̀lɛ ŋmàye mò eni, i rzòmbe ja arzɛ jò ò unda lì anjiya ò ŋmanyu yà lohwà ndèŋgànà i ŋginyà ja arzɛ ja ŋmanyu jò ò kùwa lì nyiŋga.

Makòrzì 13:9

Hwenè hweyà hwe wòtelì tɛ lì gbèyɛ̀nɛ, è hwɛnì lì aŋgòwa. Èhwanja hwa hwɛnì lì è ŋgbàŋgɛ rzìi hwa è àkɛ̀lɛ̀lɛ ò màà mà hwàkàyìrzèlì hwa meyàŋgò. Hwa è gbiyɛ hvònjì ò ndawò ja màkanɛ̀ ja wònyà Yudà. O nyòla ya ami è tɛ̀mɛ̀ ò màrzò ma hwàkànèlì na ìkiŋgɛ̀ ò hwèkàyìrzèlì. Hwenè hweyà hwe ò gbèèyɛnɛ aŋga nanù òma e ma hwa òhweyà Ŋmɛ̀ndì mò Gbamù mò òma Lohwɛ̀.

Lukàrzɛ̀ 21:24

Hwàŋga hwatò hwa ŋwa ò njùma. Hwa lɛ̀mbɛ lòŋgò là hwaŋga hwatò nàa hwàkutu, rzìi hwa hwà ɛ̀ndɛ̀nɛ̀ ò hwehvɛhvɛ hwèkòmè. Hwàŋga hwatò ema hwa rza enje wònyà Yudà hwa ò nyɔ̀kɔ̀ Jèrurzalɛ̀mù nà matàŋgà mà awu, natɛ̀ɛ è hvònda ema Lohwɛ̀ à mà ika, è uka ò lìrzùkù.”

1 Tɛ̀rzàlonìyà 2:16

Hwà mà keka hvɛ lì jo tɛmirzɛ o lì ohwa ŋmɛ̀ndì mo ama Lohwɛ̀ o hwatò ema hwa rza enje wònyà Yudà, aŋga nanù hwaŋga hwatò ema hwa rza enje wonyà Yuda hwa rza o rzùŋgàhwà. O ihvonda ja àrzɛ, wɔ̀ hwa hwàtɛ ndi wòhwe o wòhwe, natɛ̀ɛ o lìrzùkù, Lohwɛ̀ a àŋgàmɛ̀nɛ̀yi lì hwa kɔ̀kìrzɛ̀.

Hwèwulùwèlì 16:18

Ò mà hwɛ lìŋmɛti, lìwòhwɛ̀ là ŋmanyu lì mà hwɛnɛ ndùndùmèlì, mɔ̀tɔ̀wù mò è ŋgala lohwà. Ò mà hwɛ mònyìŋgìrzɛ̀nɛ̀ mò ndɛnɛ nyayi ema è rzi gbèyɛ̀nɛ̀ hvɛ lì wòteyà hwewotelì hwe è mòtò wà hwènàmà anu rze yà mɔ̀nyɛ̀. Mono mònyìŋgìrzɛ̀nɛ̀ mò mà nyìŋgìrzɛ̀nɛ̀ è rze nyayi yà màwɔ̀ŋgɔ̀.

Hwèwulùwèlì 7:14

Nà ma mo timbirzɛlɛlɛ nanù ema, “Ìi rzàŋgo kòkò, o wa ndi o hwi.” Rzìi à no òhweyà nanù ema, “Hwatò hwanù ema hwa karzo ò tenì ya metàkirzɛnɛ mendɛnɛ. Wɔ̀ hwà mà rzorza meŋgombe me awu na màyija ma ama e Ŋguma ya Mɔ̀lɛ̀ŋgù o lì me timbirzɛ mbɔ̀mi.