Matiyò 24:15 - Mokpwe: Bakwery (New Testament)

¹⁵ “O èŋgànɛ̀lɛ̀ rzɔ inyɔ è ò ɛnɛ ò èki ya wòtani yòma ya ŋgandi ema e ma jànɛ ìrzɔnì ò wòrzò wò ama Lohwɛ̀, ema e ma gbèyɛ̀nɛ ò e ndawò yà Lohwà na òma e Mòòhwèlì wà èlìŋgɛ̀ Dànìyɛ̀lì à mà òhwe ama e ò gbèyɛ̀nɛ.” (Inyò ema e hwèlì e laŋga hwene hweyà, e hwe rzɔ̀ŋgìtɛ̀nɛ̀ kɔ̀yi-kɔ̀yi).

Matiyò 24:15 ပူးပေါင်းရင်းမြစ်များ

Matiyò 24:16

“O eŋge hvònda, hwaŋga rzɔ ema hwa hwèlì ò Jùdeyà hwa ò hwàŋga ò lì utàmà ò hvàko.

Makòrzì 13:14

“È ò ɛnɛ nà òma eyà ya mà-ɔ̀ŋgɔ̀ ema e ò jànà erzàmbò ò wòrzò wò ama Lohwɛ̀ e ò hwɛ ò èki ema e rza aŋgàmɛnɛ lì hwɛ.” (Inyɔ ema e laŋga hwenè hweyà e hwe rzɔ̀ŋgìtɛ̀nɛ̀ kɔ̀yi-kɔ̀yi). “È ɛni tɛ nanù, hwatò ema hwa hwèlì ò Jùdeyà hwa hwaŋga lì ɛ̀ndɛ̀ lì utàmà ò ŋmanyu ja meeyòlì.

Lukàrzɛ̀ 19:43

Mènyà mè ò jà ema hwàkɔ̀yèlì hwa aŋgɔ̀ hwa ò tòŋgà nà lì ò kekà nàa ŋgàwò.

Lukàrzɛ̀ 21:20

Yerzù rzìi a òhweyà Hwà-òkòwèlì hwa eni nanù ema, “È hvònda ema e ò ɛnɛ ìrzònja ì tòŋgi è mbòwà yà Jèrurzalɛ̀mù, aŋga ndi e hwiya nanù ema mòkònà mò ma kòmbɛ̀nɛ̀.

Yòwanìrzɛ̀ 11:48

I mò hwɛmì tɛ ò lì gbeyà hwenè hweyà nanù hwatò hwa arzɛ hwa mò lòkɛ̀ hwatò hwa Ròmànì hwa jà lì wòwà e Ndawò yarzu yà Lohwà nà èkòmè yarzu.”

Hwègbèèlì 21:28

Hwa a tɛɛ nanù ema, “Ìi wònyàmòwè hwa Irzàyɛ̀lì, e jò òŋgòwane! È mòtò ònò ema a òkòlɛ hwatò hwa arzɛ ò hweki hwe arzɛ nanù ema hwatò hwa Irzàyɛ̀lì, e mbenda ya ama Mòrzè na e ndawò yà Lohwà hwe rza enje tɔ̀ eyà. Tɔ̀ nàŋgɛ nanù, mɔ̀ à mà jànà lòŋgò la hwatò ema hwa rza enje wònyà Yudà ò tenì ya e ndawò yà Lohwà ndèŋgànà eŋge eyà e ma gbeyà e ndawò yà Lohwà e rza rzàŋgi hvɛ.”

Hwègbèèlì 6:13

Hwà mà jànà lòŋgò la hwatò ò lì mò tɛmeya mbòŋgi ya mòlàŋgà. Hwanu hwatò hwà mà òhwa nanù ema, “Onò mòtò a òhwa hweyà hwe wòhwe ò i hvònda ja arzɛ lì teŋgɛ̀nɛ̀ e Ndawò yà Lohwà ema e hwèlì wòtani na lì teŋgɛ̀nɛ̀ imbenda ema Lohwɛ̀ à mà jò ŋgbɛ.

Hibrù 2:1

O eŋgànɛ̀lɛ̀ rzɔ, na oma irzɔ i hwi hwene hweyà, ja àŋgàmɛ̀nɛ̀yi ndi lì ika mèèmà me arzu o tɔ̀ ima eyà ema i hweyi aŋga nanù i rza eŋgama.

Hwèwulùwèlì 1:3

Mònàmɛ̀ na tɔ̀ njɛnɛ ema a làŋgi ene kààti, aŋga nanù hwahvɛhvɛ hwatò hwa o hweyà mono ŋmɛ̀ndì o lì hvomɛ̀nɛ̀ hweyà ema hwe o gbèyɛ̀nɛ. Ndeŋgànɛ̀lɛ̀ mònàmɛ̀ mo hwɛ na tɔ̀ njɛnɛ ema a hweye mono ŋmɛ̀ndì rzìi a ika hvɛ hweyà ema hwe tìlahwì o tenì ya ene kààti. È hvonda e ma kombɛ̀nɛ̀ ema hwene hweyà hwe arzɛ hwe o gbèyɛ̀nɛ.

Hwèwulùwèlì 3:22

Tɔ̀ njɛnɛ ema à ohvi màto inyɛ a okànèyà mamɛ Èlìŋgɛ̀ e ohweyà ŋmèmba.”