Matiyò 23:8 - Mokpwe: Bakwery (New Testament)

⁸ Ndi inyɔ e rzi keka lì emeyà nanù ema hwatò hwe hwɛlɛ ‘Mòòkòlèlì,’ èhwanja inyɔ hwa arzɛ e yahwì ndèŋgànɛ̀lɛ̀ hvɛ e òhvi ndi Mòòkòlèlì mɔ̀kɔ.

Matiyò 23:8 ပူးပေါင်းရင်းမြစ်များ

Matiyò 10:25

Ò èŋgànɛ̀lɛ̀ è mòòkòwèlì à rza aŋgàmɛ̀nɛ̀yi lì arza èluhwe ema è akàyi è yà ama è mòòkòlelì wà eni. È mògbèèlì mɔ̀ hvɛ à rza aŋgàmɛ̀nɛ̀yi lì arza èluhwe ema è akàyi è yà ama è rzàŋgò yà eni wà èwòlò. Hwa kpɛ tɛ mòòhvò mò lìtumba lìinà ema Bɛ̀lrzɛ̀bùlì, nanù òma hwaŋga hwatò ema hwa hwèlì ò ndawò ya eni hwa ò hwɛ̀lɛ̀hwɛ lìinà ema lì hwiyòhwi lì aka lìni.”

Matiyò 17:5

Nà òma à mà hwɛ lì òhwa, lìmbàkì ema lì ma ɛneya rzìlìhwà lì ma hwa hwànda, lìlò lì ma wurza ò lìŋgi lìmbàkì lì ma òhwa ema, “È Ŋmanà wà ami wà ndìŋgɛ ya màlìŋgò ònò, ema a nò òkirzɛ̀ mɔ̀nyɛ̀ŋgì, e mò hweyàne!”

Matiyò 23:10

È rza hwɛnì hvɛ lì imanɛlɛ ema hwa e hwɛlɛ ‘Mòtìmbèlì,’ èhwanja e hwɛnì Mòtimbelì mɔ̀kɔ, è Mɔ̀ ema à Ɔ̀kirzɛ̀hwɛ̀yi.

Matiyò 23:7

Hwa lìŋgàni hvɛ ema hwatò hwa hwà kɔ̀mɔ̀nè na èluhwe ò hwelùwa na ò lì hwa hwɛlɛ ema, ‘Mòòkòlèlì.’

Matiyò 26:25

Jùdàrzì è mɔ̀ ema à mà hwɛnɛ lì mò àhwirzɛ̀ mɔ̀ hvɛ rzìi à mò ijòwa nanù ema, “Ìi Mòòkòlèlì, imba e?” Yerzù rzìi à mò tìmbìrzɛ̀lɛ̀ nanù ema, “Nà òma ò òhwi.”

Matiyò 26:49

Liwòkimɛnɛ, Jùdàrzì rzì a ɛndɛ ò ma Yerzù rzìi a òhwa nanù ema, “Ɛ̀yɔ̀lɛ̀ e hwɛ na ò wa Mòòkòlèlì,” a mò arzàŋgànɛ̀lɛ̀.

Makòrzì 10:51

Yerzù rzìi a mò ijòwa nanù ema, “Mamɛ rzɔ ò arza nanù ema nà ò gbèeyà e?” Oŋgò mòtò rzìi a òhwa nanù ema, “Nà arza lì ɛnɛ.”

Makòrzì 11:21

Pètrò rzìi à ɔ̀ŋgɛlɛ eyà Yerzù à mà gbeye rzìi à mò òhweyà nanù ema, “Ìi Mòòkòlèlì, ɔ̀ŋgɔ tɛ gbèe ò mà jeme wò ma ŋwà!”

Makòrzì 14:45

Lìwòkìmɛnɛ à mà ɛ̀ndeya Yerzù rzìi a mò òhwàna nanù ema, “Ìi Mòòkòlèlì.” Rzìi à mò arzàŋgànɛ̀lɛ̀.

Makòrzì 9:5

Pètrò rzìi a òhweyà Yerzù nanù ema, “Ìi Mòòkòlèlì ò lɔ̀wu nà òmà ì hwèlì anù, inyɛ jò òŋge màwòndò màyàwò, lɔ̀kɔ lì hwɛ è là aŋgɔ̀, lìnɛ̀yi hvɛ lì hwɛ è là ama Mòrzè, lìnɛyi hvɛ lì hwɛ è là ama Èlàyijà.”

Lukàrzɛ̀ 22:32

Ndi nà ma ò Kanɛ̀lɛ̀lɛ̀ nanù ema lìlòkɛ̀ lì aŋgɔ̀ lì rzà kpa. È hvònda ema ò nò tìmbeyà hvɛ, ò ètirzɛ hvɛ wònyanyàŋgò hwa aŋgɔ̀.”

Yòwanìrzɛ̀ 1:38

Yerzù rzìi à ayèŋgòwɛ̀ à hwa ɛnɛ rzìi à hwa ijòwa nanù ema, “Mamɛ è arza e?” Hwa mò alàhwɛ̀ nanù ema, “Ràbi” (ène ŋgàna e hwèlì ndi nanù ema mòòkòlèlì) “One ò lìya e?”

Yòwanìrzɛ̀ 1:49

Nàtànìyɛ̀lì rzìi à òhwa nanù ema, “Ìi Mòòkòlèlì, ò wà ndi ò hwèlì è Ŋmanà wà ama Lohwɛ̀. Ò wà ndi ò hwèlì è Kìŋgɛ yà Irzàyɛ̀lì.”

Yòwanìrzɛ̀ 11:8

Hwà-òkòwèlì hwa eni hwa mò alàhwɛ̀ nanù ema, “Ìi Mòòkòlèlì ò rzi ikolɛnɛyi mèenyà ema hwatò hwa Jùdeyà hwà mà arze lì ò agba màŋyàyi rzi òma ò timba ò tenì hvɛ e?”

Yòwanìrzɛ̀ 20:16

Yerzù rzìi a mò hwɛlɛ nanù ema, “Ìi Màlìyɛ̀!” Màlìyɛ̀ rzìi a mò ayeŋgòwɛ̀lɛ̀lɛ̀, rzìi a òhwa ò mbɔrzi ya Hibrù nanù ema, “Rabòni!” (Ène ŋgàna e hwèlì ndi nanù ema, “Mòòkòlèlì”)

Yòwanìrzɛ̀ 3:2

Wuu wɔ̀kɔ à mà ɛ̀ndɛ lì ùŋmanɛlɛ Yerzù rzìi a mò òhweyà nanù ema, “Ìi Mòòkòlèlì, irzɔ i hwi nanù ema ò hwèlì ndi Mòòkòlèlì ema a òmahwi na Lohwɛ̀. O rza enje tɔ̀ mòtò tɔ̀ mɔ̀kɔ ema a tànɛyi lì gbeyà manù mànyakà ma arzɛ ema ò gbeyà e hwèlì tɛ ema Lohwɛ̀ a rza enje na mɔ̀.”

Yòwanìrzɛ̀ 3:26

Hwà mà jèeyà Yòwanìrzɛ̀ rzìi hwa mò òhweyà nanù ema, “Ìi Mòòkòlèlì kòkò, ò ɔ̀ŋgɛ̀lɛ̀ e mòtò ema à mà hwɛ na ò wa ɔ̀nɛyi èhvarzù ya mòrzò mò Jɔdànì e? È mɔ̀ ema ò ma hwɛ lì òhwa hweyà lì mò hvòmɛ̀nɛ̀. Wa ɔ̀ŋgɔ tɛ! Mɔ̀ ndi à lùhwìrzɛ̀ hwatò nanù! Ndeŋgana rzayi-rzayi ja hwatò hwa mò ɛndeya.”

Yòwanìrzɛ̀ 4:31

Ò ene hvònda Hwà-òkòwèlì hwa eni hwa mà hwɛ lì mò rzòrzòmeyà nanù ema, “Ìi Mòòkòlèlì, làa yòma.”

Yòwanìrzɛ̀ 6:25

È hvònda ema hwaŋga hwatò hwa mà uke ò enɛyi èhvàrzù ya yùlu rzi hwa ɛnɛ Yerzù. Hwà mà mò ijòwa nanù ema, “Ìi Mòòkòlèlì, ima hvònda ò wa ò ùkelì anù e?”

Yòwanìrzɛ̀ 9:2

Hwà-òkòwèlì hwa eni rzìi hwa mò ijòwa nanù ema, “Ìi Mòòkòlèlì, wòhwe wò ama njɛnɛ wò gbèyi ndèŋgàtɛ̀ ònò mòtò à mà ŋyàahwànà e ndima e? È ma hwɛ ndi wòhwe wò eni, ŋga e wò ama e rzàŋgò ya eni na e nyàŋgò ya eni ndèŋgàtɛ̀ à mà ŋyàahwà nanù e?”

2 Kɔ̀rintìyà 1:24

I rza arza ema e hwɛ ndi nàa hwanɛyi ema, je imbɛ o lì lòkɛ̀ hweyà. Ndi irzɔ i gbèyɛ̀nɛ na inyɔ, aŋga nanù e oka mɔ̀nyɛ̀ŋgì èhwanja e tɛmi ehve-ehve o malòkɛ̀ ma anyu.

2 Kɔ̀rintìyà 4:5

Ɔ̀ndeŋgàtɛ̀ i rza ohwa ndi o lì ayèkirzɛ̀ irzɔ hwiti. Ndi irzɔ je e ohweyà nanù ema Yerzù ndi à hwèlì e Rzàŋgo. O nyòla ama Yerzù irzɔ i hwèlì ndi hwàgbèèlì hwa anyu.

Ɛ̀hvìrzìyà 3:15

Mɔ̀ ndi à hwèlì è Tatɛ̀ yà màtùmbà mà arzɛ, ò mɔ̀ ndi mìinà mà arzɛ mà màtùmbà mà è ŋmanyu yà lohwà, nà è rze yà mɔ̀nyɛ̀ hwa mà uwɛ̀lɛ̀lɛ̀yi.

Hvìlɛ̀mɔ̀nì 1:16

Ò nàŋgɛ à rza enje ndi mòkòmè, ndi à hwèlì ndi ŋmanyàŋgò wà arzu wà ama Krirztò. Nà mò lìŋgàni rzàyi-rzàyi, ndèŋgànɛlɛ ò wà hvɛ ò àŋgàmɛ̀nɛ̀yi lì mò lìŋgàna lì aka mamɛ ema imba nà mò lìŋgàni. Ò àŋgàmɛ̀nɛ̀yi lì mò lìŋgàna nàa è mògbèèlì wà aŋgɔ̀ ndèŋgànɛlɛ nàa ŋmànyɔ̀ŋgɔ̀ wà aŋgɔ̀ wà ama Krirztò.

Jèmìrzì 3:1

Wònyànyàŋgo wa ami kòkò! Rzayi-rzayi ja anyu e rza hwɛni ndi lì hwɛ hwà-òkòlèlì hwa eyà ya ama Lohwɛ̀, e hwɛni lì hwiya nanù ema, irzɔ hwà-òkòlèlì i hwɛni lì kàyìrzɛ̀hwɛ kɔ̀yi-kɔ̀yi lì aka hwanɛyi hwatò.

1 Pètrò 5:3

È rzi gbeyàna ŋginyà o lì kànèyà hwaŋga hwatò ema hwa hwèlì o rze ya anyu, ndi e hwɛ embànelì o hwatò ema hwa hwèlì o rze ya anyu.

Hwèwulùwèlì 1:9

Imbà ndi nà hwèlì Yòwanìrzɛ̀ ŋmanyàŋgò wà anyu. Nà hwèlì ndi mɔ̀kɔ ema mɔ̀hvɛ à hwèlì ndi nàa inyɔ, ò lì kaka ŋmèma nà ò lì àjùlɛ̀nɛ̀ mètàke ema mè jèeyà hwatò ema hwa hwèlì ò lìkànèyà là ama Yerzù Krirztò. Hwa mà nò ika ò erzòòkà ema malìhwà ma mà toŋge ema è hwɛ̀lɛ̀hwɛ̀ Pàtìmòrzì ehwànja nà mà ohwa Eyà yà ama Lohwɛ̀ rzìi nà ohweyà hwatò lì hvomɛ̀nɛ̀ hweyà ema nà mà ɛnɛ lì e hvomɛ̀nɛ̀.

Hwèwulùwèlì 19:10

Rzìi na kpa o worzo wo eni o lì mo kanɛ̀. Ndi e aŋgèlì e ma no ohweyà nanù ema, “Jàyɛ̀ o rza gbeyà nanù, na hwèlì ndi mògbèèlì wa ama Lohwɛ̀ nàa o wa, na hwèlì ndi nàa hwahvɛhvɛ hwatò ema hwa lòkɛ̀yì Krirztò. Nà hwèlì ndi nàa mɔ̀kɔ ema a tɛmi o e jɔ̀kɛ̀ ema Yerzù à mà okolɛ. Lohwɛ̀ ndi inyɔ e àŋgàmɛ̀nɛ̀yi o lì kanɛ̀.” È jɔ̀kɛ̀ ema Yerzù a wulu yɔ̀ ndi e ŋgbelì hwatò màyìmbi o lì ohwa ŋmɛ̀ndì mo ama Lohwɛ̀.

Hwèwulùwèlì 22:9

Ndi eŋge aŋgèlì e ma no òhweyà nanù ema, “O rza gbeyà nanù! Imba hvɛ na hwèlì ndi mògbèèlì wa ama Lohwɛ̀ nàa o wa, ndèŋgànɛ̀lɛ̀ na hwanɛ wònyànyàŋgo hwa aŋgɔ hwa ama Krirztò ema hwa hwèlì hwà-òhwèlì hwa hwèlìŋgɛ̀ na hwatò ema hwa gbeyà hweyà ema hwe tìlahwì o tenì ya ene kààti. Lohwɛ̀ ndi inyɔ e àŋgàmɛ̀nɛ̀yi lì kànɛ.”