Matiyò 23:26 - Mokpwe: Bakwery (New Testament)

²⁶ Inyɔ Ihvàlìrzàyì ja ndima! È lòme lì rzàŋgirzɛ e tenì ya mawònde na hwewòki ndèŋgànà i mburzà i rzàŋgirzɛhwɛ.

Matiyò 23:26 ပူးပေါင်းရင်းမြစ်များ

Matiyò 12:33

“Ehvùma e lɔ̀wu tɛ nanù òma gbèe ema wò ŋyàayi eŋge ehvùma wɔ̀ hvɛ wò lɔ̀wu. Ehvùma e rza lɔ̀wu tɛ nanù òma gbèe ema wò ŋyaayi eŋge ehvùma wɔ̀ hvɛ wò rza lɔ̀wu. Ehwanja ò hwehvùma ndi gbèe wò hwiyàhwà.

Matiyò 14:8

È nyàŋgò ya ama òŋgò ŋmanà wa ŋgɔ̀ndɔ̀ rzi e mò kòna ò lì òhwa nanù ema, “O nò ŋgbe anu ò naŋgɛ mòòhvò mò ama Yòwanìrzɛ̀ è Mòlùhwìrzèlì, ò tandami!”

Makòrzì 7:4

Mòtò ema à uhwɛlɛlɛ ò èlùwà, a rza tanɛ̀yi lì làa mòlèlì, e rzi hwɛ ema mɔ̀ à ɔki màlìhwa. Wɔ̀ hwa mà ika hvɛ hwɛ̀ɛ̀mɛ̀ hwe awu hwe rzayì-rzayì, nàa ò lì rzòrza la màwònde, hwèyɔ̀ŋgɔ̀, ìkòmbò ja hwɛ̀ɛkɛ na ì kètèlì.

Lukàrzɛ̀ 11:39

Aŋga ndi e Rzàŋgò è mà mò òhweyà nanù ema, “Inyɔ Ihvalìrzàyì, è rzaŋgìrzɛ̀ e mburzà ya lìwònde na mɔ̀njɔ̀ mò anyù ndi ò tenì ya anyu, lì lùmba la hwèèmà na wòhwe wò è òndì ò mèèmà me anyu.

Lukàrzɛ̀ 6:45

È mòtò wà gbamù a gbeyà ndi hweyà hwe gbamù, èhwanja hwe uwɛ̀lɛ̀lɛ̀yi ndi ò tenì yà ŋmèma mò eni, ema gbàamù wò utahwi. Ndèŋgànɛ̀lɛ̀ hvɛ è mòtò wà wòhwe à gbeyà ndi hweyà hwe wòhwe, èhwanja hwe uhwɛlɛlɛ̀ ndi ò tenì ya ŋmèma mò eni ema wòhwe wò utahwi. È hwèlì ndi nanù èhwanja, hweyà ema hwe òndi mòtò ò ŋmèma mò eni, hwe ɔ̀ndi à wurzìrzɛ ò wàna yà èni.

2 Kɔ̀rintìyà 7:1

Ìi Wònyamòwè kòkò, nà oma Lohwɛ̀ a ohwi ama mɔ̀ ndi à hwèlì e Tatɛ̀ ya arzu, irzɔhvɛ i hwɛ hwàanà hwa eni. Inyɛ̀ i rzɔnjɛ̀lɛ̀ hweyà ema hwe rzɔkɔ i nyo na hwèlìŋgɛ̀ hwe arzu. Inyɛ̀ i luwɛ Lohwɛ̀ na lì hwɛnɛ lòŋgɛ ema lì tani. Ène ŋgàna ndi e jo gbeyà o lì kanɛ̀ Lohwɛ̀ na oma ya àrzàhweyà.

Hibrù 10:22

Inyɛ̀ i keke o lì ɛndɛ lì kombɛnɛ Lohwɛ̀ nà mèèmà mɔ̀kɔ na o lì mo ŋgbà mèèmà me arzu me arzɛ. Ène eyà e hwèlì ndi nanù èhwanja màyija ema Yerzù à mà kome o mbarza, mà rzaŋgirzɛ mèèmà me arzu. Mɔ̀ a timbi hvɛ o lì jo rzaŋgirzɛ na malìhwa ema mà rzaŋgi kɛɛŋgɛŋgɛ.

Jèmìrzì 4:8

È jèe e kombɛ̀nɛ̀ Lohwɛ̀ aŋga nanù mɔ̀ hvɛ a e kombɛ̀nɛ̀. Inyɔ̀ hwatò hwa wòhwe e hwɛmɛ o lì gbeyà wòhwe. Inyɔ̀ hwatò hwa mèhvìlì e ika màlùtèyà ma anyu o lì gbeyà hweyà ema hwe rzàŋgi.