Matiyò 23:23 - Mokpwe: Bakwery (New Testament)

²³ “Mòjèmà na inyɔ, Hwà-òkòlèlì hwa mbenda, na inyɔ Hvàlìrzàyì. Inyɔ hwatò hwa mèhvìlì! Inyɔ e ŋgbà Lohwɛ̀ lìyòmɛ̀ lɔ̀kɔ la hwema hwe lìyambò hwe hvɛ̀ɛ̀hvɛ̀ nàa mìinitì, dilì, na kòmini. Ndi e rza òhvi nyìrzɛ̀ ya lì gbeyà hweyà ema e mbenda e òhwa nanù ema e gbèèye. È rza enje jɔ̀kɛ̀ na Lohwà, e rza òhvi mèèmà me ììlì ndèŋgànɛ̀lɛ̀ e rza lòkɛ̀ Lohwɛ̀. È kanɛ̀ ò lì gbeyà hwene hweyà hwe arzɛ e rzi hwɛ lì lìya hwenɛyi.

Matiyò 23:23 ပူးပေါင်းရင်းမြစ်များ

Matiyò 12:7

È tìlahwì na òma Lohwɛ̀ à òhwi nanù ema, ‘Mamɛ ema na arzana hwatò e hwèlì ndi mèèmà mè ììlì, rzeketɛ màahweyà.’ Ndi e ma rzɔ̀ŋgìtɛ̀nɛ̀ tɛ kɔ̀yi-kɔ̀yi mamɛ ene mbɔrzi e ò òhwa, òma e rza hwɛlɛ hwatò nanù ema hwa hwèlì ndi hwatò ema hwa gbeyà wòhwe ema wɔ̀ hwa rza enje wòhwe.

Matiyò 23:13

Yerzù rzìi a òhwa nanù ema “Mòjema na inyɔ̀ Hwà-òkòlèlì hwa mbenda na inyɔ Ihvàlìrzàyì, e hwèlì ndi hwatò hwa mòlàŋgà! Inyɔ e umbana hwatò lìyòhva là lìkànèyà là ŋmanyu yà Lohwà aŋga nanù hwatò hwa rza kpeya. Tɔ̀ inyɔ hwiti e rza ò kpèeyà. È rza tànɛyi hvɛ lì hwɛmɛ tɔ̀ hwaŋga hwatò ema hwa hwèlì hwa keka lì kpèeyà ò lì kpèeyà.

Matiyò 9:13

Ndi e ɛ̀ndɛ e òkòwe mamɛ ene mbɔrzi e òhwa na òma e tìlahwì ò e kààtì ya Lohwà nanù ema, ‘Mamɛ ema na arzana hwatò e hwèlì ndi ììlì, ndi rzeketɛ màhwèyà.’ Imba na rza jèlì ndi ò ene rze ya mɔ̀nyɛ̀ ò lì hwɛlɛ hwatò ema hwa gbeyà hweyà ema Lohwɛ̀ arza, na jɛ̀lɛ̀lɛ̀yi ndi hwatò hwa wòhwe.”

Lukàrzɛ̀ 11:42

“Èwòma na inyɔ Ihvàlìrzàyì! È ŋgbà Lohwɛ̀ lòŋgò lɔ̀kɔ la lìyòmɛ̀, màrzèhvu, e ndòwu nà hwenɛyi hwèwùlè hwe àrzɛ. Ndi è rza àrza lì uŋmɛ̀lɛ̀ mèèmà me gbamù nà è ndìŋgɛ yà ama Lohwɛ̀. È hwɛnì lì gbeyà hwenè hweyà hwe àrzɛ e rzì hwɛ lì lìyà hwenɛ̀yi.

Lukàrzɛ̀ 18:12

Nà lìya mòkìyà njàwò ŋgèlì ihwàkɛ ò menya lìrzàmba. Ndèŋgàna, nà ò ŋgbà lòŋgò lɔ̀kɔ la tɔ̀ ima lìyòmɛ̀ ema na lu.’