Matiyò 23:13 - Mokpwe: Bakwery (New Testament)

¹³ Yerzù rzìi a òhwa nanù ema “Mòjema na inyɔ̀ Hwà-òkòlèlì hwa mbenda na inyɔ Ihvàlìrzàyì, e hwèlì ndi hwatò hwa mòlàŋgà! Inyɔ e umbana hwatò lìyòhva là lìkànèyà là ŋmanyu yà Lohwà aŋga nanù hwatò hwa rza kpeya. Tɔ̀ inyɔ hwiti e rza ò kpèeyà. È rza tànɛyi hvɛ lì hwɛmɛ tɔ̀ hwaŋga hwatò ema hwa hwèlì hwa keka lì kpèeyà ò lì kpèeyà.

Matiyò 23:13 ပူးပေါင်းရင်းမြစ်များ

Matiyò 23:16

“Mòjèmà na inyɔ hwatò hwa ndima, ndi inyɔ e timba hwahvɛhvɛ hwatò. Inyɔ e òkòlɛ nanù ema, ‘Mòtò a atɛyi tɛ ò lìna la e Ndawò yà Lohwà, nanù òma la àtɛ̀yì la eni lì rza òhvi wòlìtò, ndi à àtɛ̀yì tɛ ò lìna la hwema hwe gòòlù ema hwe hwèlì ò tenì ya e Ndawò yà Lohwà nanù òma a hwɛni lì gbeyà eyà ema mɔ̀ àtɛ̀lɛ̀lɛ̀yì.’

Matiyò 23:23

“Mòjèmà na inyɔ, Hwà-òkòlèlì hwa mbenda, na inyɔ Hvàlìrzàyì. Inyɔ hwatò hwa mèhvìlì! Inyɔ e ŋgbà Lohwɛ̀ lìyòmɛ̀ lɔ̀kɔ la hwema hwe lìyambò hwe hvɛ̀ɛ̀hvɛ̀ nàa mìinitì, dilì, na kòmini. Ndi e rza òhvi nyìrzɛ̀ ya lì gbeyà hweyà ema e mbenda e òhwa nanù ema e gbèèye. È rza enje jɔ̀kɛ̀ na Lohwà, e rza òhvi mèèmà me ììlì ndèŋgànɛ̀lɛ̀ e rza lòkɛ̀ Lohwɛ̀. È kanɛ̀ ò lì gbeyà hwene hweyà hwe arzɛ e rzi hwɛ lì lìya hwenɛyi.

Matiyò 23:25

“Mòjèmà na inyɔ Hwà-òkòlèlì hwa mbenda, nà Ihvàlìrzàyì, inyɔ hwatò hwa mèhvìlì! È rzàŋgirzɛ i mburzà ja mawònde na hwewòki, ndi i tenì ja awu jò òndi ndi na hwèèmà ema inyɔ e ma hvùmàne hwatò nà njɔ̀ŋgu.

Matiyò 23:27

“Mòjèmà na inyɔ, Hwà-òkòlèlì hwa è mbenda nà Ihvàlìrzàyì, inyɔ hwatò hwa mèhvìlì! È hwèlì ndi nàa melìma me rzɔ̀ŋgɔ̀ ema me nyàlirzɛ̀hwɛ̀yi lìyɔ̀kì ema lì tana. Meŋge melìma me rzɔ̀ŋgɔ̀ me ɛneya melòŋga ò èwòka, ndi meŋge melìma, me òndi ndi na hwèerze na hwèembè ema hwà mà rzɔ̀mbɛ ò tenì.

Matiyò 23:29

“Mòjèmà na inyɔ, Hwà-òkòlèlì hwa mbenda nà Ihvàlìrzàyì, inyɔ hwatò hwa mèhvìlì! È òŋgeya hwà-òhwèlì hwa hwèlìŋgɛ̀ melìma ndèŋgànɛ̀lɛ̀ hvɛ e rzeeya i rzɔ̀ŋgɔ̀ ja hwatò ema hwa tɛmi ehve-ehve.

Matiyò 3:7

Nà òma Yòwanìrzɛ̀ à mà ɛnɛ rzayì-rzayì ja Hvàlìrzàyì nà Rzàdùrzì hwa jà ema à hwa lùhwìrzɛ̀, rzìi à hwa òhwèyà nanù ema, “Inyɔ hvèyi! Njɛnɛ à è kòkòhwɛ̀lɛ̀yi nanù ema è hwaŋgè è kɔ̀kìrzɛ̀ yà ama Lohwɛ̀ ema è jà e?

Lukàrzɛ̀ 11:52

“Èwòma nà inyɔ hwà-òkòlèlì hwa mbenda! Inyɔ è ùti hwèlìhvòwànì hwe lìyòhva la è ndawò yà lìhwiyè. È rza àrza lì kpèeyà, è rza emeyà hwahvɛhvɛ hwatò hwa kpèeyà.”

Yòwanìrzɛ̀ 9:22

Rzàŋgò na nyàŋgò wa eni hwà mà òhwa ndi nanù èhwanja hwà mà òka hwatò hwa lìkànèyà là wònyà Yudà wɔ̀ŋgɔ̀. Hwatò hwa wònyà Yudà hwà mà òhwa nanù ema tɔ̀ ima mɔ̀ ema a òhwi nanù ema Yerzù ndi à hwèlì è Mɔ̀ ema à Ɔ̀kirzɛ̀hwɛ̀yi, hwa mò hvaya ò ndawò ya màkanɛ̀.

Yòwanìrzɛ̀ 9:24

È ŋgèlì e ùkirzɛ̀ ihwàkɛ rzìi hwaŋga hwatò hwa wònyà Yudà hwa hwɛlɛ hvɛ òŋgò mòtò ema à mà ŋyàahwàna e ndima, rzìi hwa mò òhweyà nanù ema, “O lìna la ama Lohwɛ̀ òhwa e jɔ̀kɛ̀ ya aŋgɔ̀. I hwi nanù ema ònò mòtò ema a ò wɔ̀wìrzɛ̀ a hwèlì ndi mòtò wa wòhwe.”

Yòwanìrzɛ̀ 9:34

Iŋgi Ihvàlìrzàyì rzìi ì mò alàhwɛ̀ nanù ema, “O ma ŋyàahwà ndì ò wòhwe rzì ò òŋgeya hvɛ ò tenì ya wòhwe, rzìi nàŋgɛ wa arza lì jò òkòlɛ̀ e?” Rzìi hwa mò hvaya ò ndawò ya màkanɛ̀.

Hwègbèèlì 13:8

Ndi e mòtò ema lìinà la eni ò mbɔrzi ya Grìki lì ma hwɛ ndi Èlìmàrzì, a rzì hwa ŋgbe eŋge hvòlò. Mɔ̀ à mà arza nanù ema e mòtìmbèlì wa eŋge mbòwa, a rzi lòkɛ̀ ŋmɛ̀ndì mò gbamù.

Hwègbèèlì 5:28

“I ma e kòkòwɛ̀lɛ̀ nanù ema, e rzi keka lì òkòlɛ̀ eyà ò lìna lì ama ònò mòtò, ndi inyɔ e ma òndìrzɛ̀ e mbòwà ya Jèrurzalɛ̀mù na hwèyòkòlèlì hwe anyu. Ndeŋgànɛ̀lɛ̀ inyɔ ya arza lì òhwa nanù ema irzɔ ndi jò òŋwi ònò mòtò.”

Hwègbèèlì 5:40

Hwà mà hwɛlɛ I àpɔ̀rzìtòlò ò lì kpèeyà ò tenì ya e ndawò. Rzìi hwa hwà gbìiyɛ̀ hvònji, rzìi hwa hwà kànèyà nanù ema hwa rza arza lì hweyà nanù ema hwa gbeyànì lìinà la ama Yerzù hvɛ. Rzìi hwà hwa hwɛmɛ nanù ema hwa ɛndɛ.

Hwègbèèlì 8:1

Rzàwòlò à mà ukeya ndèŋgànɛ̀lɛ̀ mɔ̀ à mà emeyà nanù ema hwa òŋwe Rzìtehvànɛ. O wòŋgò wùnyà mɛnɛ ŋmèmba mò Jèrurzalɛ̀mù me ma tàkìrzɛ̀hwɛ ŋginyà ò màà mà wònyà Yudà. Hwàlòkèlì hwa arzɛ hwà mà kuwa lì wuhweyà ò hwèrzòòkà hwe arzɛ hwe Jùdeyà na Rzàmàrìyà. Ndi I àpɔ̀rzìtòlò mɛnɛ ndi i ma lìiya.

2 Tìmotì 3:8

Nà oma Jànɛ̀rzi na Jàmbrɛ̀rzi hwà mà teŋgɛ̀nɛ Morzè o hvonda ema e ma aka, nanù hvɛ mɛnɛ ndi hwà-òkòlèlì hwa mòlàŋgà hwa teŋgɛ̀nɛyi hwèyòkòlèlì hwe jɔ̀kɛ̀. Hwa hwɛni ndi màlùtèyà ma wòhwe, Lohwɛ̀ à mà hwa kìnyɛ̀lɛ̀ èhwanja hwa rza ohvi tɔ̀ lìlòkɛ̀ tɔ̀ lɔ̀kɔ.

2 Tìmotì 4:15

Ò wà witi o mo aŋgoweya èhwanja, à mà hwɛ lì jo teŋgɛ̀nɛ o nyòla ŋmɛ̀ndì mò gbamù ema i hwèlì jo òhwa.