Matiyò 22:43 - Mokpwe: Bakwery (New Testament)

⁴³ Yerzù rzìi a hwa òhweyà nanù ema, “Mamɛ ndeŋgatɛ èlìŋgɛ̀ è mà kànèyà Dàhwitì ò lì mò hwɛlɛ ‘Rzàŋgò,’ e hvònda ema à mà òhwe nanù ema,

Matiyò 22:43 ပူးပေါင်းရင်းမြစ်များ

Makòrzì 12:36

Dàhwitì mɔ̀ ŋmìti, Èlìŋgɛ̀ yà Wòtani e mà mò kpèeyà rzìi a òhwa nanù ema, ‘È Rzàŋgò Lohwɛ̀ à mà òhweyà e Rzàŋgò wa ami ama, Lìyà ò lìya la ami la mòme, natɛ̀ɛ na e hvònda ema na gbeyà ò laala hwakɔ̀èlì hwa aŋgɔ̀ na mataŋgà mà aŋgɔ̀.’

Hwègbèèlì 1:16

“Ìi wònyamòwè kòkò, hweyà ema hwe mà tìlahwa ò kààtì yà Lohwà hwe mà hwɛnɛ lì òndìrzɛ̀hwɛ. Èlìŋgɛ̀ yà wòtani è mà lòma lì òhwa ò wàna yà ama Dàhwitì lì hvòmɛ̀nɛ̀ Jùdàrzì ema à mà tìmba hwatò ò lì ɛndɛ lì ŋgbaŋgɛ Yerzù.

1 Kɔ̀rintìyà 12:3

O èŋgànɛ̀lɛ̀ rzɔ na arza ema e rzɔ̀ŋgìtɛ̀nɛ̀ nanù ema, tɔ̀ mòtò tɔ̀ mɔ̀kɔ ema a ondi na Èlìŋgɛ̀ ya ama Lohwɛ̀, a rza tanɛ lì ohwa nanù ema, “Yerzù a jemahwi” Rzi tɔ̀ mɔ̀kɔ a rza tanɛ a ohwa nanù ema “Yerzù a hwèlì ndi Rzàŋgo” ema rzeketɛ Èlìŋgɛ̀ yà Wòtani ndi è mò òŋgòwani.

Hibrù 3:7

Ò eŋgànɛlɛ, è okànèyà mamɛ ema Èlìŋgɛ̀ yà Wòtani è ohwa. Yɔ̀ è ohwa nanù ema, “Yàwonò, è hweyi tɛ lìlo là ama Lohwɛ̀,

2 Pètrò 1:21

È mbɔrzi ema hwà-òhwèlì hwa hwèlìŋgɛ hwà mà ohwe, e rzi uwɛ̀lɛ̀lɛ̀yi ndi na hwatò hwa hwènàmà, ndi Èlìŋgɛ̀ yà Wòtani ndi e ma hwɛ lì lìyɛlɛ hwatò ema hwà mà ohwa eŋge mbɔrzi. Èŋge mbɔrzi e ma uwɛ̀lɛ̀lɛ̀yi ndi o ma Lohwɛ̀.

Hwèwulùwèlì 1:10

Èlìŋgɛ̀ yà Wòtani è mà nò rziweya o Wùnyà wo ama e Rzàŋgo. Nà ma hweyà lìlo lì ndɛnɛ ema lì ma lì uwɛlɛlɛyi o mburza ya ami lì ma gbeyà ndi nàa mɔ̀tɔ̀wu mo lìyɔ̀mi.

Hwèwulùwèlì 4:2

Lìwokìmɛnɛ, ɔndi Èlìŋgɛ̀ ya ama Lohwɛ̀ e a no rzihweyà. Rzìi na ɛnɛ e konda ya lìkànèyà, ndèŋgànɛ̀lɛ̀ nà mà ɛnɛ mòtò ema à mà lìya o eŋge konda.