Matiyò 22:29 - Mokpwe: Bakwery (New Testament)

²⁹ Yerzù rzi a hwa alàhwɛ̀ nanù ema, “È hwèlì ndi ò matòna, èhwanja e rza rzɔ̀ŋgìtɛ̀nɛ̀ mamɛ Èya ya Lohwà e òhwa ndèŋgànɛ̀lɛ̀ e rza rzɔ̀ŋgìtɛ̀nɛ̀ hvɛ nɛ e ŋginyà ya ama Lohwɛ̀ e hwèlì.

Matiyò 22:29 ပူးပေါင်းရင်းမြစ်များ

Matiyò 22:28

Nàŋgɛ rzɔ ò e hvònda ya hwèhvùmùwelì, òŋgò mòlanà a ò hwɛ ndi e jòjìyɛ̀ ya ama njɛnɛ e? Èhwanja lìrzamba la arzɛ lì ma mò hwaa.”

Makòrzì 12:24

Yerzù rzìi a òhwa nanù ema, “È tòni, èhwanja è rza rzɔ̀ŋgìtɛ̀nɛ̀ mamɛ eyà ya Lohwà e òhwa, tɔ̀ e ŋginyà ya ama Lohwɛ̀.

Lukàrzɛ̀ 1:37

È hwèlì ndi nanù, èhwanja tɔ̀ eyà e rzà àmbì nà Lohwɛ̀.”

Yòwanìrzɛ̀ 20:9

Tɔ̀ nɛ wɔ̀ hwa rzi rzɔ̀ŋgìtɛ̀nɛ̀ mamɛ ema e ma tìlahwa ò Kaàti ya Lohwà ema Yerzù a ò hvùmùwà.

Hwègbèèlì 26:8

Mamɛ ndèŋgàtɛ inyɔ hwatò hwa wònyà Yudà e rza tànɛyi lì lòkɛ̀ nanù ema Lohwɛ̀ a tànɛyi lì hvùmùlɛ hwatò ema hwà mà ŋwɛɛ ò lì hwɛ o lòŋgɛ e?

Ròmànì 15:4

Hweya hwe ya arzɛ ema hwe ma tìlahwa ò kààtì ya Lohwà ò e hvònda kòòhwa, hwe ma tìlahwa ndi ò lì jò òkòlɛ̀. Èŋge ŋgàna e ma hwɛ ndi nanù ema jò òhve lìhvìtà ema e uwɛ̀lɛ̀lɛ̀yi ò eyà ya ama Lohwɛ̀ ema lì jò gbeyà ò lì àjùlɛ̀ na lì jò kɔ̀mɛ̀lɛ̀.

1 Kɔ̀rintìyà 15:34

È timbe o mahwiye ma anyu ma jɔ̀kɛ̀, e rzìi gbeyà wòhwe hvɛ. Lòŋgò la anyu e rza hwi Lohwɛ̀. È hwɛnì ndi lì oka ìrzɔnì na oma na ohwa ene eyà.

Hvìlipìyà 3:21

Mɔ̀ a o gbeyàna màyìmbi ma eni ema mɔ̀ à gbeyàna o lì kànèyà hweyà hwe arzɛ, ndèŋgànɛ̀lɛ̀ mɔ̀ à o tikowa inyo ja arzu ja e rze, inyo ja arzu ema i rza hwɛnɛ màyìmbi aŋga nanù jo luwa inyo ndɛnɛ ja màyìmbi na oma mɔ̀ à mà luwe e hvonda ema Lohwɛ̀ à mà mo hvùmùlɛ o kpelì.