Matiyò 22:21 - Mokpwe: Bakwery (New Testament)

²¹ Hwà mà mò alàhwɛ̀ nanù ema, “È la ama Kayirzà.” Yerzù rzi a hwa òhweyà nanù ema, “È ŋgbe Kayirzà mamɛ e hwèlì e ya ama Kayirzà. È ŋgbe hvɛ Lohwɛ̀ mamɛ e hwèlì e ya ama Lohwɛ̀.”

Matiyò 22:21 ပူးပေါင်းရင်းမြစ်များ

Matiyò 22:20

Yerzù rzi a hwa ijòwa nanù ema, “Èlìŋgɛ̀ na lìinà la ama njɛnɛ lì lùutahwì anù nanù e?”

Matiyò 22:37

Yerzù rzìi a mò alàhwɛ̀ nanù ema, “‘Lìŋgàna Rzàŋgò, Lòohwà la aŋgɔ̀ na mèèmà mò aŋgɔ̀ mò arzɛ, na èlìŋgɛ̀ ya aŋgɔ̀ ya arzɛ, na màlùtèyà ma aŋgɔ̀ ma arzɛ.’

Matiyò 4:10

Yerzù à mà mò alàhwɛ̀ nanù ema, “Mòkarzɛ̀! Ò nò anjiiya anù. È tìlahwì ò Kààtì yà Lohwà nanù ema, ‘Kanɛ̀ ndi Rzàŋgò Lòohwà là aŋgɔ̀, nà lì mò gbèèyà mɔ̀ ŋmìti mɛnɛ. Ndèŋgànɛ̀lɛ̀ ò mò gbèèyà ndi mɔ̀ mɛnɛ.’”

Makòrzì 12:17

Yerzù rzìi a hwa òhweyà nanù ema, “È ŋgbè Kayirzà mamɛ e hwèlì è ya ama Kayirzà, e ŋgbè hvɛ Lohwɛ̀ mamɛ e hwèlì è ya ama Lohwɛ̀.” Nà òma hwà mà hweye nanù, hwà mà tàmà.

Lukàrzɛ̀ 20:25

Aŋgà ndi Yerzù à hwà òhweyà hvɛ nanù ema, “È ŋgbè Kàyìrzà mamɛ e hwèlì è ya eni. È ŋgbè hvɛ Lohwɛ̀ è yɔ ema e hwèlì e ya eni.”

Lukàrzɛ̀ 23:2

Aŋgà ndi hwa mà wòteya lì mò kùwa ewɛnyɛnyɛ, lì mò kìkòwa lì òhwà nanù ema, “Ò nò mòtò à hwèlì à hvùŋgùwà ekòmè ya arzu. À òhwà àma, ì rzì taŋga è njàŋge yà ama Kàyìrzà. À òhwà à mà Mɔ̀ ndì à Ɔ̀kirzɛ̀hwɛ̀yi, ama mɔ̀ ndì a hwèlì è kiŋgɛ̀.”

Hwègbèèlì 4:19

Pètrò nà Yòwanìrzɛ̀ hwà mà hwa a alàhwɛ̀ nanù ema, “Inyɔ hwiti e òhwe mamɛ e hvòmɛ̀nɛ̀ ò wòrzò wò ama Lohwɛ̀, ò lì e hwèyàna ŋga lì hwèyàna Lohwɛ̀ e?

Hwègbèèlì 5:29

Pètrò nà inɛyi àpɔ̀rzìtòlò rzìi hwa alàhwɛ̀ nanù ema, “I hwɛni lì hweyàna Lohwɛ̀ rzeketɛ hwatò hwa hwènàmà.

Ròmànì 13:7

Tɔ̀ ima mɔ̀ hwa anyu rzɔ a hwa rzaweya mamɛ aŋgàmɛ̀nɛ̀yi lì hwa rzaweya. Tɔ̀ ima wòlì ema hwa e ijò ò lì rzàawà, ò erzàŋgò ema e hwɛni. È òke hwatò ema e hwɛni lì òka wɔ̀ŋgɔ̀, ndèŋgànà e ŋgbe hvɛ èluhwe ò hwatò ema e hwɛni lì ŋgba èluhwe.