Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Matiyò 22:16 - Mokpwe: Bakwery (New Testament)

16 Hwàŋga hwatò hwà mà òmeya Yerzù Hwà-òkòwèlì hwa awu, mòndeŋge na hwatò hwa èhvèhva yà ama Hɛ̀rɔ̀dì. Hwanu hwatò rzi hwa ijòwa Yerzù nanù ema, “Ìi Mòòkòlèlì, i hwi nanù ema ò òhwa e jɔ̀kɛ̀. Ndèŋgànà i hwi hvɛ nanù ema hwèyòkòlèlì hwe aŋgɔ̀ lì hvòmɛ̀nɛ̀ imbenda ja ama Lohwɛ̀ hwe hwèlì ndi jɔ̀kɛ̀. Màlùteyà ma hwatò na hwèhwɛ̀ɛlì hwe hwèhvòlò hwe awu hwe rza eŋgòwa hwèyòkòlèlì hwe aŋgɔ̀.

အခန်းကိုကြည့်ပါ။ ကော်ပီ




Matiyò 22:16
36 ပူးပေါင်းရင်းမြစ်များ  

Rzìi wɔ̀ hwa òhwa nanù ema, “Ìi Mòòkòlèlì, e mbenda ya ama Mòrzè e òhwà nanù ema, ‘Mòtò a hwàyi tɛ mòlanà rzìi òŋgò mòtò a ŋwa e rzi hwɛ nanù ema mɔ̀ na òŋgò mòlanà hwa ŋyàyɛnɛ̀ tɔ̀ ŋmanà, òŋgò mòtò ŋmanyàŋgò wa enì hwa lùuŋga lɔ̀kɔ a hwɛni lì hwaa mòŋgò mòkurze aŋga nanù lìinà la ama ŋmanyàŋgò wa eni lì rza wɔ̀ɔ̀.’


Oŋgò mɔ̀ hvɛ rzìi a ŋwa e rzi hwɛ ema a nyayi ŋmanà na òŋgò mòlanà. Mòlemilemi mò eyà mɛnɛ hvɛ ndi mò ma gbèyɛ̀nɛ e mɔ̀ ema à mà ùkirzɛ̀ hwàyàwò, natɛ̀ɛ na e mɔ̀ ema à mà òndìrzɛ̀ lìrzamba.


Yerzù rzìi a hwa omà ò mà mòtò mɔ̀kɔ ò mbòwà ema hwa mò òhweyà nanù ema e Mòòkòlelì a òhwi nanù ema, “È hvònda yà ami e ma uka. O ndawò ya aŋgɔ̀ ndi imba na hwà-òkòwèlì hwa ami jò ò leeya mòlelì mò e Ndemà yà lì Akà Ɔnɛyi.”


Liwòkimɛnɛ, Jùdàrzì rzì a ɛndɛ ò ma Yerzù rzìi a òhwa nanù ema, “Ɛ̀yɔ̀lɛ̀ e hwɛ na ò wa Mòòkòlèlì,” a mò arzàŋgànɛ̀lɛ̀.


Nà òmà Yerzù à mà wòteyà lì ɛ̀ndɛ, mòtò mɔ̀kɔ à mà hwaŋga, à mò ùŋmanɛlɛ rzìi à mò rzùmeya màwɔ̀ŋgɔ̀ŋgɔ̀ ò wòrzò wò eni, rzi à mò ijòwa nanù ema, “Ìi Mòòkòlèlì wà gbamù mamɛ nà tànɛyi lì gbeyà ò lì lùwa lòŋgɛ là gbìndèyà e?”


O èhvɛhvɛ hvònda hwahvɛhvɛ Hvàlìrzàyì nà e hwa èhvehva ya ama Hɛ̀rɔ̀dì, hwa mà òmahwa ò lì arzana Yerzù màtonà ò lì mò lɛ̀mbɛ.


Hwàŋga hwatò hwà mà mò jèeya rzìi hwa mò ijòwa nanù ema, “Ìi Mòòkòlelì, ì hwi nanù ema ò hwèlì ndi mòtò ema òhwa e jɔ̀kɛ̀, ndèŋgànɛ̀lɛ̀ hvɛ ò rza tìmbana tɔ̀ mòtò mburzà. O rza enje hvɛ tɔ̀ mòtò ema ò òka wɔ̀ŋgɔ̀ ò lì òhwa eyà. Ndi ò òkòlɛ̀ hwatò, eyà ya ama Lohwɛ̀ ò jɔ̀kɛ̀. È mbenda ya arzù e òhwi ndi ema ì rzaweyà Kayirzà è kiŋgɛ̀ yà Ròmànì e njaŋge ya lìkànèyà e?”


Ihvalìrzàyì i mà wurza ò èwòkà, rzìi hwa ùŋmanɛlɛ hwatò hwa ehvehva ya ama Hɛ̀rɔ̀dì, rzìi hwa wòteyà lì arza ŋmanò nɛ wɔ̀ hwa tànɛyì lì òŋwa Yerzù.


Yerzù rzìi a hwa kòkòwɛ̀lɛ̀ nanù ema, “È àŋgòhweyà ehwìndi yà Ihvalìrzàyì nà è yà ama Hɛ̀rɔ̀dì.”


Hwàŋga hwàrzɔ̀yèlì rzìi hwa òhweyà Yerzù nanù ema, “Ìi mòòkòlèlì ì hwi nanù ema màmɛ ya àrzɛ ema ò òhwa nà lì òkòlɛ̀ e hvòmɛ̀nɛ̀yi. Ndèŋgànɛ̀lɛ̀ ò wà ò rza uŋmɛ̀lɛ̀ ndandò. Ò wà ò òkòlɛ̀ hwatò hweyà hwe Lohwɛ̀ ema hwe hvòmɛ̀nɛ̀.


Yerzù rzìi a mò òhweyà nanù ema, “Rzìmɔ̀nì nà òhvì eyà ò lì ò òhweyà.” Rzìi èŋge Hvàlìrzàyì hvɛ a mò alàhwɛ̀ nanù ema, “Mòòkòlèlì, ò nò òhweyà.”


Yerzù rzìi a alàhwɛ̀ nanù ema, “Imba ndi na hwèlì e njiya ema e ɛndɛ òma Tatɛ̀ wa ami, e jɔ̀kɛ̀ e uwɛ̀lɛ̀lɛ̀yi ndi na imba, imba hvɛ ndi na ŋgbà lòŋgɛ. Tɔ̀ mòtò tɔ̀ mɔ̀kɔ a rza tànɛyi lì jà òma Tatɛ̀ wa ami ema a rza akelɛ na imba.”


Pìlatò rzi a mò ijòwà nanù ema, “O hwèlì ndi Kiŋgɛ rzɔ e?” Yerzù rzi a mò alàhwɛ̀ nanù ema, “O wa ndi òhwi nanù ema na hwèlì ndi Kiŋgɛ. Lìtiŋga ema na ŋyaahwɛlɛyi na lì jàa anu rze lì hwèlì ndi ò lì tɛ̀mɛ̀ e mbòŋgi ya jɔ̀kɛ̀. Tɔ̀ ima mòtò ema a hwèlì ndì wa jɔ̀kɛ̀ a nò òkànèyà.”


Tɔ̀ ima mòtò ema a òhwà na è wònjà ya eni a gbeyà ndi nanù ò lì arzɛlɛ èluhwe na mɔ̀ ŋmìti. Ndi e mɔ̀ ema a arza èluhwe ya e mɔ̀ ema a mò òmi, a hwèlì ehve-ehve a rza enje mòtò ema a kɔwu hweyà.


O èŋgànɛ̀lɛ̀ rzɔ, i rza enje ndi nàa rzayi-rzayi ja hwanɛyi hwatò ema hwa ohwa eyà ya Lohwɛ̀ o lì yalɛ wolì. O irzɔ i rza gbeyà nanù èhwanja Lohwɛ̀ à mà jo òma o lì ohwa ŋmɛ̀ndì mò gbamù ndèŋgànɛlɛ i ma ohwa na ŋmèma mɔ̀kɔ na oma irzɔ i hwèlì mɔ̀kɔ na Krirztò. Irzɔ i hwi hvɛ nanù ema Lohwɛ̀ ndi à jo òmi o lì gbeyà ene èwòlò.


I rzɔnjɛ̀lɛ̀ hwègbèèlì hwe arzu hwe wùndɛ̀ ja wòhwe, na hweyà ema hwe jànà ìrzɔnì. I rza e lùkɛ̀lɛ̀ na jòòhwì ja arzu ja wàna tɔ̀ lì tìkòwà e mbɔrzi ya Lohwà o lì e ɔnjɔ. Ndi jo òkolɛ hwatò Eyà ya Lohwɛ̀ nyayi ema hwa e rzɔŋgìtɛ̀nɛ̀. Nà oma jo òkolɛ Èya yà Lohwà na ŋmèma mɔ̀kɔ, tɔ̀ mòtò a rza tànɛyi lì ohwa o ŋmèma mo eni nanù ema i mo lukɛlɛ ndi lì lukɛlɛ. Irzɔ i hwi nanù ema Lohwɛ̀ a hwi tɔ̀ mamɛ ema i gbeyà.


Li wòteya nàŋgɛ, inyɛ i rza wowa hwatò na oma hwa ɛneya. Tɔ̀ nɛ o ma hwɛ lìrzako ema i ma hwɛ lì ɛnɛ Yerzù na mìirzɔ ma hwatò hwa hwènàmà i rza mo ɛnɛ nanù hvɛ.


Nà oma na ohwa nanù, e rza ɔ̀ŋgɛ̀lɛ̀ ndi nanù ema hwatò hwa hwènàmà hwa no tuuwe lìna la gbamù. Imba na rza arza nanù. Lohwɛ̀ ndi imba na arza nanù ema a no tuuwe lìna la gbamù. È ma hwɛ tɛ nanù ema na arza ndi ema hwatò hwa hwènàmà hwa no tuuwe lìna la gbamù, o ma na rza enje ndi e mògbèèlì hwa ama Krirztò.


Ndeŋga hvɛ hwatò ema hwa mà hwɛ aŋga nàa hwatimbelì hwa ŋmèmba hwa rzi ohve hvɛ tɔ̀ eyà ò lì lata ò ŋmanyu yà mamɛ ema imba nà okolɛ. Tɔ̀ nɛ wɔ̀ hwa mà hwɛ ndi hwàtìmbèlì è rzi hwɛnɛ tɔ̀ eyà yà lì nò gbeyàna èhwanja hwatò hwa arzɛ hwa hwèlì ndi nyayi hvɔ̀kɔ ò worzo wò ama Lohwɛ̀.


Ndi i ma hwɛ lì e ohweyà e hweyɔ nàa hwatò ema Lohwɛ̀ à mà hvɔ̀rzɛ̀ ema hwà tànɛyi o lì ohwa Ŋmɛ̀ndì mò Gbamù mo eni. O eŋgànɛ̀lɛ̀ rzɔ jo ohwa moŋgo ŋmɛ̀ndì mò gbamù rzeketɛ o lì lìŋgìrzɛ hwatò hwa hwènàmà, ndi o lì lìŋgìrzɛ Lohwɛ̀ ema a hwi mèèmà me arzu o tenì.


Ndi lìhwiyè ema lì uwɛ̀lɛ̀lɛ̀yi o ŋmanyu yà Lohwà lì hwèlì e ya eni nyàyi. Tɔ̀ ima mòtò ema a hwɛni lìŋgi lìhwiyè a rza ohvi tɔ̀ lìtɔ̀tì tɔ̀ lɔ̀kɔ o nyo ya eni. Èŋge tumba mòtò e lìŋgàni ɛ̀yɔ̀lɛ̀, a hwèlì hviyàyi, a hwèlì mbunda na hwahvɛhvɛ hwatò ndèŋgànɛ̀lɛ̀ a ohvi ŋmèma mo ììlì rzàyi-rzàyi. A gbeyà hwatò hweyà hwe gbamù e rzi hwɛ lì timbana mòtò mburza, ndèŋgànɛ̀lɛ̀ mɔ̀ à gbeyà ndi nanù na ŋmèma mɔ̀kɔ.


Ì hwi nanù ema è Ŋmanà wà ama Lohwɛ̀ à mà jà ò rze yà mɔ̀nyɛ̀, ndèŋgànɛ̀lɛ̀ à mà jò gbeyà ò lì hwiya Lòohwà là jɔ̀kɛ̀. Ndeŋgana irzɔ ì hwèlì ndi ò lì ahvìyànɛ̀ nà mɔ̀, nà oma jà ahvìyànɛ̀ nà è Ŋmanà wà eni Yerzù Krirztò. Mɔ̀ ndi à hwèlì Lohwà là jɔ̀kɛ̀ ndèŋgànɛlɛ mɔ̀ ndi à hwèlì è mɔ̀ ema à ŋgba lòŋgɛ là gbìndèyà.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ