Matiyò 21:34 - Mokpwe: Bakwery (New Testament)

³⁴ Nà òma e hvònda ya lì hvata hwehvùma e ma ùke, òŋgò mòhwɛnɛ wa hvaya rzi a òma hwakutu hwa eni ò hwaŋga hwàgbèelì hwa eŋge hvaya ò lì ɛ̀ndɛ lì mò wòhweya e la eni lòŋgò la hwehvùma.

Matiyò 21:34 ပူးပေါင်းရင်းမြစ်များ

Matiyò 21:35

Hwàŋga hwàgbèèlì hwa eŋge hvaya rzi hwa hvùma hwaŋga hwakutu. Hwa anana mɔ̀kɔ, hwa òŋwa òhvɛhvɛ, e mɔ̀ ema à mà ùkirzɛ̀ hwàyàwò à mà aŋgbahwa màŋyàyi natɛ̀ɛ a ŋwa.

Matiyò 21:38

Ndi na òma hwaŋga hwàgbèèlì hwa eŋge hvaya, hwà mà ɛnɛ eŋge mberza ya ama òŋgò mò hwɛnɛ wa hvaya ndi à jà, hwa òhwanɛ̀lɛ mɔ̀kɔ nà ɔ̀nɛyi nanù ema, ‘Onò ndi à rzaŋgòwa rzaŋgɛ. È je anù i mò òŋwe aŋga nanù ò ma i ma kùwàna ene erzaŋgò ya arzɛ.’

Matiyò 21:40

Yerzù rzìi a ijòwa iŋgi pìlìrzì ndɛnɛ na hwàmbaki hwa mbòwa nanù ema, “È ɔ̀ŋgɔ tɛ! Nàŋgɛ rzɔ e mòhwɛnɛ wa hvaya a jelì tɛ, mamɛ a gbeyàna hwaŋga hwatò ema hwà mà ɔŋgeya eŋge hvaya e?”

Matiyò 21:41

Hwà mà alàhwɛ̀ Yerzù nanù ema, “À ò òŋwa hwaŋga hwatò hwa wòhwe. Rzi a ika hwahvɛhvɛ hwatò ò lì ɔŋgeya eŋge hvaya, ema hwa ò mò ŋgbɛ e la eni lòŋgò la mbòtà ò lìrzakò la lì hvata la hwehvùma.”

Matiyò 22:3

Eŋge kiŋgɛ e ma òma hwàgbèèlì hwa eni ò lì ɛ̀ndɛ lì hwɛlɛ hwaŋga hwatò ema, hwà mà yòhwɛhwɛ ò eŋge ndèma ya lìŋgi lìhwa, ema hwa ùkeya. Ndi wɔ̀ hwa rzi imanɛlɛ ò lì ùkeya ò eŋge ndèma.

Makòrzì 12:1

Yerzù rzìi à wòteya lì hwa òhwìrzɛ̀nɛ̀ nà meyànà, a òhwa nanù ema, “Mòtò mɔ̀kɔ à mà òna è hvaya yà enì yà hwèhvùma ema hwa gbeyàna hwènyɔ̀ɔ̀nì. Oŋgò mòtò rzìi a kɔ e ŋgawò ò èŋge hvaya. À ma òŋga hvɛ lìyami ò lì mita hwèŋgè hwèhvùma, ò lì wurzirzɛ hwènyɔ̀ɔ̀nì. À mà òŋga hvɛ lìwòndò la ndɛkì ema hwatò hwà mà lìya ò lì hvayà hwenɔ̀ni. À mà aka hwatò ema hwà mà hwɛnɛ lì kahwa èŋge mbòtà nà mɔ̀, ndèŋgàna a ɛ̀ndɛ ò yɔ̀ndɔ̀.

Makòrzì 12:7

Ndi hwaŋga hwàgbèèlì hwa èŋge hvaya, nà òmà hwà mà ɛnɛ òŋgò ŋmanà, à ja, rzìi hwa awòhwànɛ̀lɛ wɔ̀ hwìti nanù ema, ‘Onò ndi à làa erzàŋgò. È jè ì mò òŋwe ò ma ì ma kùwàna ene erzàŋgò ya arzɛ.’

Makòrzì 12:9

Yerzù rzìi a ijòwa nanù ema, “Mamɛ hvɛ rzɔ e ma e mòhwɛnɛ wà èŋge hvaya a hwɛnì lì gbeyàna hwaŋga hwàgbèèlì hwa èŋge hvaya e? À hwɛnì lì ɛ̀ndɛ ò èŋge hvaya rzìi a òŋwa hwaŋga hwàgbèèlì, rzìi a ŋgbà hwahvɛhvɛ hwàgbèèlì ò lì ɔŋgeya èŋge hvaya.

Lukàrzɛ̀ 20:9

Yerzù rzìi a kpɛ̀ɛya hwatò mònò ŋmàna nanù ema, “Munyanà mɔ̀kɔ à ma òhva hvàya yà hwehvùma hwe lì nyukana hwènyɔ̀ɔ̀nì, à mà ŋgba hwatò èŋge hvàya lì è gbeyà aŋga nanù hwa kahwa e mbòtà. À mà ɛ̀ndɛ yɔ̀ndɔ̀ ema e ma mò kùwàna hvòkà hvònda.