Matiyò 21:31 - Mokpwe: Bakwery (New Testament)

³¹ Yerzù rzìi a ijòwa ipilìrzi ndɛnɛ nanù ema, “Ima mɔ̀ wa hwanù hwàna hwahwàkɛ à mà gbeyà mamɛ ema e rzaŋgò ya awu e ma arze e?” Hwà mà alàhwɛ̀ Yerzù nanù ema, “È ŋmanà wa wòrzò.” Yerzù rzìi a hwa òhweyà nanù ema, “Nà e òhweyà na e jɔ̀kɛ̀ ema, hwàrzàŋgèlì hwa e njàŋge yà lìkànèyà, na hwaŋga hwalanà hwa àkpàlà, hwa lòma lì kpèeyà ò lìkànèyà la ama Lohwɛ̀ ndèŋgànà inyɔ.

Matiyò 21:31 ပူးပေါင်းရင်းမြစ်များ

Matiyò 12:50

Tɔ̀ ima mɔ̀ ema à gbèyi lì emeyà la ama Tatɛ̀ wa ami ema a hwèlì ò ŋmanyu yà lohwà, mɔ̀ ndi à hwèlì nyàŋgò wa ami, nà wònyanyàŋgò hwa amì.”

Matiyò 18:3

rzìi à òhwa nanù ema, “Nà è jɔ̀kɛ̀ nà è òhweyà nanù ema, è rza tikòhwi tɛ mòŋgɛ mà anyu rzìi è hwɛ nàa ini njuma ŋmanà, è rza ò tànɛ̀ lì kpeya ò lìkànèyà là ŋmanyu.

Matiyò 20:16

Yerzù rzìi a umbana mòŋgò ŋmàna ò lì òhwa nanù ema, ‘O èŋgànɛ̀lɛ̀ rzɔ, e mɔ̀ ema a hwèlì ò mburza, mɔ̀ ndi à ò hwɛ ò wòrzò, e mɔ̀ hvɛ ema a hwèlì ò wòrzò mɔ̀ ndi à ò hwɛ ò mburza.’”

Matiyò 21:30

È rzaŋgò rzi a ɛ̀ndɛ hvɛ òma ònɛyi ŋmanà wa eni wa mùnyanà, a mò òhweyà mòlemilemi mò eyà. Oŋgò ŋmanà à mà alàhwɛ̀ rzaŋgɛ nanù ema, ‘Tatà na ɛ̀ndɛ.’ Ndi a rzi ɛ̀ndɛ e ya eni tɔ̀ èki.”

Matiyò 5:18

Nà è òhwèyà ndi è jɔ̀kɛ̀, natɛ̀ɛ è ŋmanyu yà lohwà nà e rze hwe è ò uka ò lìrzùkù, tɔ̀ ŋmanà mbumbu wà lìtɔ̀ti là mòtìla ema lì tìlahwì ò mbenda yà Lohwà è rza tànɛyi lì wuŋguhwèyà ò èki ya eni natɛ̀ɛ hwèyà hwe arzɛ hwe òndìrzɛ̀hwɛ.

Matiyò 5:46

O lìŋgàni tɛ ndi hwaŋga hwatò mɛnɛ ema hwa ò lìŋgàni, eŋge eyà è rza ò jànèyà tɔ̀ mɔ̀rzɛ̀ŋgì. Tɔ hwàrzàŋgèlì hwa è njàŋge yà lìkànèyà wɔ̀ hvɛ hwa gbèya ndi nanù mɛnɛ

Matiyò 6:5

“È kanɛ̀ tɛ, è rzìi hwɛ ndi nàa hwatò hwa mèhvìlì, èma wɔ̀ hwa kanɛ̀ tɛ, hwa lìŋgàna lì tɛ̀mɛ̀ ò ndawò ja màkanɛ̀ nà ò tòŋgòŋgò ja hwewòka hwe màlòkò, nanù ema hwatò hwa à hwà ɛnɛ. Nà è òhwèyà ndi è jɔ̀kɛ̀ nanù ema, wɔ̀ hwa mà màa lì lùwa mòrzawèlì mò awu mò arzɛ.

Matiyò 7:21

“Rzekɛtɛ tɔ̀ ima mɔ̀ ema à ò nò hwɛlɛ nanù ema, ‘Ìi Rzàŋgò, Rzàŋgò’ ndi à kpèeyà ò lìkànèyà là ŋmanyu. Ndi è mòtò mɛnɛ ema à gbèyi lì emeyà là ama Tatɛ̀ wà ami ema à hwèlì ò ŋmanyu yà lohwà, mɔ̀ ndi à ò kpèeyà ò Likànèyà là ama Lohwɛ̀.

Matiyò 9:9

Ò mburza hwene hweyà Yerzù à mà anjììyà ò eŋge èki, nà òma à mà hwɛ lì ɛndɛ, à mà ɛnɛ munyanà mɔ̀kɔ ema à mà hwɛ̀lɛ̀hwɛ̀ Matìyò. Matìyò à mà lìya ò lìyɛ̀hvɛ̀ là ama è mɔ̀kɔ̀tèlì wà è njàŋge yà lìkànèyà. Yerzù rzìi à mò òhweyà nanù ema, “Ò nò òŋgame” Matìyò rzìi à tɛ̀mɛ̀ ò ŋmanyu, à òŋgama Yerzù.

Lukàrzɛ̀ 15:10

Nà è òhweyà ema, nà i aŋgèlì ja ama Lohwɛ̀ ò ŋmanyu, ja òka mɔ̀nyɛ̀ŋgì lì hvòmɛ̀nɛ̀ mòtò mɔ̀kɔ wà wòhwe ema a ayèŋgòwɛ̀ ò wòhwe wa eni ò lì tìmba ò ma Lohwɛ̀.”

Lukàrzɛ̀ 19:22

Èŋge kiŋgɛ̀ è mà mò alàhwɛ̀ nanù ema, ‘Ò hwèlì ndi mògbèèlì wà wòhwe. Nà hwɛnì ndi lì ò kàyìrzɛ̀ nà mamɛ ò wùrzìrzɛ ò wàna yà aŋgɔ̀. Ò hwi ema nà ambirzɛnɛ, nà wòwà wòkòndò ema nà rzà hwɛnɛyi, nà rzàŋgà hvɛ mòlelì ema nà rzà ònɛyi,

Lukàrzɛ̀ 7:29

(È ŋgìndì ya àrzɛ, nà hwàrzàŋgèlì hwa njàŋge yà lìkànèyà ema hwa mà hwèya nanù, hwa mà emeyà ema Lohwɛ̀ à hvòmɛ̀nɛ̀yi. Wɔ̀ hvɛ ndi hwà mà hwɛ hwaŋga ema hwà mà emeyà lì lùhwìrzɛ̀ lì ama Yòwanìrzɛ̀.

Yòwanìrzɛ̀ 3:3

Yerzù rzìi à mò alàhwɛ̀ nanù ema, “Imba nà ò òhweyà ndi è jɔ̀kɛ̀ ema ò rza enje tɔ̀ mòtò tɔ̀ mɔ̀kɔ ema à ò kpèeyà ò lìkànèyà là ama Lohwɛ̀ à rza ŋyààhwì tɛ mòhvènya.”

Yòwanìrzɛ̀ 3:5

Yerzù rzìi à mò alàhwɛ̀ nanù ema, “Nà ò òhweyà è jɔ̀kɛ̀ nanù ema, ò rza enje tɔ̀ mòtò ema à tànɛ̀yi lì kpèeyà ò lìkànèyà là ama Lohwɛ̀ natɛ̀ɛ à ŋyàahwà ò malìhwa nà ò Èlìŋgɛ̀.

Hwègbèèlì 17:30

È hvònda ema hwatò hwa rzi hwiyɛ Lohwɛ̀, Lohwɛ̀ a rzi wòwe wòhwe wò awu nàa eyà. Ndi ò naŋgɛ mɔ̀ à òhweyà tɔ̀ ima mòtò ò hweki hwe arzɛ ò lì rzɔnjɛ̀lɛ̀ wòhwe.

Ròmànì 3:19

O nàŋgɛ nanù irzɔ i hwi nanù ema tɔ̀ ima eyà ema e tìlahwì ò tenì ya e kààtì ya mbenda, e ɔ̀ŋgɔ ndi hwaŋga hwatò hwa arzɛ ema hwa ŋgbàahwì eŋge mbenda. O èŋgànɛ̀lɛ̀ rzɔ tɔ̀ mòtò a rza tànɛyi a òhwa nanù ema a rzu ŋmàŋgò. Tɔ a hwɛ ndi wònyà Yudà tɔ̀ hwaŋga ema hwa rza enje wònyà Yudà, tɔ̀ ima mòtò a ò tɛ̀mɛ̀ ò wòrzò wò ama Lohwɛ̀.

Ròmànì 5:20

Lohwɛ̀ à mà jànà ndi e mbenda aŋga nanù wòhwe wò ahwatɛ ndi ò lì ɛndɛ ò wòrzò. Ndi tɔ̀ ima èki ema wòhwe wò nyàla, e ndèli ya ama Lohwɛ̀ e nyàla lì aka nanù.

2 Pètrò 3:9

È Rzàŋgo e rza ɛndɛ ndi hviyayi, o lì gbeyà mamɛ ema mɔ̀ à kàkɛ̀nɛyi. Lòŋgo la hwatò hwa ɔ̀ŋgɛlɛ nanù ema mɔ̀ à hwèlì hviyàyi. Ndi à mà e àjùlɛ̀nɛ̀ ehwànja mɔ̀ à rza arza nanù ema tɔ̀ mòtò tɔ̀ mɔ̀kɔ a wɔ̀lɛnɛ lòŋgɛ la eni. A arza nanù ema hwatò hwa arzɛ hwa tikowe o wòhwe hwa awu.