Matiyò 21:25 - Mokpwe: Bakwery (New Testament)

²⁵ One è wònjà ya lì lùhwìrzɛ̀ la ama Yòwanìrzɛ̀ e Mòlùhwìrzèlì, lì ma uhwɛlɛlɛ e? È ma uhwɛlɛlɛ ndi ò ma Lohwɛ̀, ŋga ò hwatò hwa hwènàmà e?” Hwà mà àwòhwànɛ̀lɛ̀ eŋge mbɔrzi wɔ̀ na wɔ̀, rzi hwa òhwa ema, i òhwi tɛ nanù ema “È wònja ya eni e uwɛ̀lɛ̀lɛ̀yi ndi ò ma Lohwɛ̀, a jò ijòwa nanù ema, ‘O mamɛ ndeŋgatɛ e rzi lòkɛ̀ Yòwanìrzɛ̀ e Mòlùhwìrzèlì e?’

Matiyò 21:25 ပူးပေါင်းရင်းမြစ်များ

Matiyò 16:7

Hwà-òkòwèlì hwa eni rzìi hwa òhwirzɛnɛ mɔ̀kɔ nà ɔ̀nɛyi nanù ema, “À òhwa ndi nanù èhwanja i rza jànì tɔ̀ èhvòòtò.”

Matiyò 21:24

Yerzù rzi a hwa alàhwɛ̀ nanù ema, “Imba hvɛ na e ijòwa miijòwelì mèyɔ̀kɔ. È nò alàhwɛ̀ tɛ, na e òhweyà ima lìkànèyà ema na òhvi ò lì gbeyàna hwenè hweyà.

Matiyò 21:26

Ndi i òhwi tɛ nanù ema, ‘È wònja ya eni e uwɛ̀lɛ̀lɛ̀yi ndi ò hwatò hwa hwènàmà,’ nanù òma ene ŋgindi ya hwatò e jò gbeyàna wòhwe, èhwanja wɔ̀ hwa arzɛ hwa hwi ema Yòwanìrzɛ̀ à mà hwɛ ndi Mòòhwèlì wà èlìŋgɛ̀.”

Lukàrzɛ̀ 14:4

Tɔ̀ mòtò à rzi mò alàhwɛ̀. Yerzù rzìi a lɛ̀mbɛ òŋgò mòtò ema a mò ònda e nyò hwehvimba lìya la eni, a mò wɔ̀wìrzɛ̀, a mò òma ò ndawò.

Lukàrzɛ̀ 20:5

Hwàŋga hwatò rzìi hwa wòteya lì àwòhwànɛ̀lɛ̀ mɔ̀kɔ nà ɔ̀nɛ̀yi nanù ema, “Jò òhwì tɛ nanù ema, ‘O ma Lohwɛ̀,’ nanù òma mɔ̀ hvɛ à mà jò ijòwa nanù ema, ‘Mamɛ ndeŋgàtɛ è rzi lòkɛ̀ Yòwanìrzɛ̀ e?’

Yòwanìrzɛ̀ 1:15

Yòwanìrzɛ̀ à mà òhwa lì mò hvòmɛ̀nɛ̀ nà òmà mɔ̀ à mà akɛ̀lɛ̀ è njàmbɛ̀ nanù ema, “È mòtò ònò ema nà mà hwɛ lì è òhweyà nanù ema, ‘Mòtò mɔ̀kɔ à ò jà ò mburzà yà ami ema à kàrzàmi lì nò àka èhwanja nà è hwiya lì ŋyàahwà mɔ̀ à mà lòma lì hwɛ.’”

Yòwanìrzɛ̀ 1:6

Lohwɛ̀ à ma òma mèrzènja meyɔ̀kɔ. Lìina la eni lì ma hwɛ ndi Yòwanìrzɛ̀.

Yòwanìrzɛ̀ 3:18

Tɔ̀ ima mɔ̀ ema à mò lòkɛ̀ à rza tùwa ŋmàŋgò ndi tɔ̀ ima mɔ̀ ema à rza mò lòkɛ̀, mɔ̀ à mà màà lì tùwa ŋmàŋgò èhwanja à rza lòkɛ̀ ehvòwà yà Ŋmanà yà ama Lohwɛ̀.

1 Yòwanìrzɛ̀ 3:20

Tɔ̀ ima lìrzako ema mèèmà me arzu me jo òhweyà o lì gbeyà wòhwe, irzɔ i hwi nanù ema, Lohwɛ̀ a hwi hweyà hwe arzɛ lì aka na oma irzɔ i hwi.