Matiyò 21:19 - Mokpwe: Bakwery (New Testament)

¹⁹ Nà òma à mà hwɛ lì ɛndɛ, rzìi a ɛnɛ gbèe ema wò ma hwɛ̀lɛ̀hwɛ̀ hvigi ò tòŋgòŋgò ya njiya, à mà ɛ̀ndɛ aŋga. Ndi a rzi ùŋmanɛlɛ tɔ̀ ehvùma yɔ̀kɔ aŋga, lì aka tɛ hwèyalì mɛnɛ. Yerzù rzìi a òhwirzɛnɛ wòŋgò gbèe nanù ema, “O rza ò ŋya hvɛ tɔ̀ ehvùma” ò lìwòkimɛnɛ wòŋgò gbèe rzìi wò rzɔnjɔ.

Matiyò 21:19 ပူးပေါင်းရင်းမြစ်များ

Matiyò 21:20

Nà òma Hwà-òkòwèlì hwa eni hwà mà ɛnɛ ene eyà, hwà mà jeja. Rzi hwa ijòwa ŋgelì hvɔ̀kɔ nanù ema, “Nɛ wònò gbèe wò akɛlɛ lì rzɔ̀njɔ nanù e?”

Makòrzì 11:14

Rzìi à òhweyà wòŋgò gbèe nanù emà, “Tɔ̀ mòtò à rzà ò hvata hvɛ hwèhvumà” Hwà-òkòwèlì hwà mà hweyà nà òmà à mà òhwè hwenè hweyà.

Makòrzì 11:20

È hvònda yà elele ema hwà mà hwɛ lì tìmba, rzìi hwa ɛnɛ wòŋgò gbèe wò èhvùma ya nyɔ̀hvinyà wò mà ŋwa natɛ̀ɛ nà ò meyàŋga.

Lukàrzɛ̀ 3:9

Nàŋgɛ yòòndò e ma màà lì naŋga ò meyaŋga me màyi. O èŋgànɛ̀lɛ̀ tɔ̀ ima gbèe ema wò rza ŋyàayi hwehvùma hwe gbamù, wò hwɛnì lì kɛ̀ɛ̀hwɛ̀ lì hvimbahwa ò mùnya.”

Yòwanìrzɛ̀ 15:2

A kɛ tɔ̀ ima ɛkɔkɔ e nò hwèlì ema e rza ŋya hwehvùma a e rzenjòwe hvɛ tɔ̀ ima ɛkɔkɔ ema e ŋyàa hwehvùma, ò lì gbeyà nanù ema e hwɛ gbamù ò lì ŋya hwehvùma.

Yòwanìrzɛ̀ 15:6

Mòtò a rza enje tɛ na imba, a rzenjòwahwa ndi nàa hwa rzenjòwa ɛkɔkɔ. Èŋge ɛkɔkɔ e hwɛ ndi ɛ̀kɔ̀kɔ̀ ema e rzɔ̀nji. Iŋgi tumba ja hwɛkɔkɔ irzaŋgahwa rzi i aŋgbahwa ò mùnya rzìi i rzèeyà.

2 Tìmotì 3:5

O ò hwɛ hwatò ema hwa awuŋmɛ̀lɛ̀ ò à ɛnɛ oma hwa gbeyà ndi mamɛ Lohwɛ̀ a arza, ndi hwa rza o arza nanù ema e ŋginyà ya ama Lohwɛ̀ e tikowe mòŋgɛ ma awu. O rzi ɛndɛ o toŋgoŋgo ya lìŋgi lìtumba la hwatò.

Tàyìtùrzì 1:16

Hwàto ema hwa okolɛ hweŋge hwèyòkòlèlì hwe mòlàŋgà wɔ̀ hwa ohwa nanù ema hwa hwi Lohwɛ̀, ndi hwègbèèlì hwe awu hwe uŋmɛ̀lɛ̀ nanù ema hwa rza hwi Lohwɛ̀. Hwa gbeyà hweyà ema hwatò hwa rza lìŋgànɛ, wɔ̀ hwa rza gbeyà hweyà na oma Lohwɛ̀ a hwe àrzeyà ndeŋgànɛlɛ hwa rza tànɛ lì gbeyà tɔ̀ eyà yɔ̀kɔ ya gbamù.

Judɛ 1:12

Hwàŋga hwatò hwa rza ohvi irzɔ̀ni, ò eŋgànɛlɛ rzɔ̀, inyɔ nà wɔ̀ è arzàŋgànɛ tɛ ò lì laa mòlelì, ò lì uŋmɛ̀lɛ̀ è ndìŋgɛ yà ama è Rzàŋgo, wɔ̀ hwa hwɛ ndi nàa mbindo ò ìtììtènì jà anyu. Hwa àlùtàneyà ndi wɔ̀ hwiti. Hwa gbeì ndi nàa lìmbàki ema è mbɛ̀hvɛni è uŋgɛ̀lɛ ò lì uŋmɛ̀lɛ̀ nanù ema o ò yɔ̀ɔ̀ mbuwà ema è rza ò yɔ̀ɔ̀. Hwa gbèyi ndi nàa mayi ema mà rza ŋya hwehvùma tɔ̀ ò è hvonda ema màyi mà ŋya hwehvùma. Hwà mà màa ndi lì ŋwa nàa mayi ema mà wuŋguwahwi nà meyàŋga.

Hwèwulùwèlì 22:11

Hwàto ema hwa gbeyà wòhwe inyɛ hwa eleyà ndi o lì gbeyà wòhwe. Inyɛ̀ hwaŋga ema hwa gbeyà hweyà hwe mbìndo inyɛ hwa eleyà ndi o lì gbeyà hweyà hwe mbìndo. Hwàŋga ema hwa gbeyà hweyà ema hwe hvomɛ̀nɛ̀, inyɛ hwa eleyà ndi o lì gbeyà hweyà ema hwe hvomɛ̀nɛ̀, ndèŋgànɛ̀lɛ̀ hwaŋga ema hwa hwèlì wòtani inyɛ hwa eleyà ndi o lì hwɛ wòtani.”