Matiyò 21:17 - Mokpwe: Bakwery (New Testament)

¹⁷ Yerzù à mà hwa lìya ò Jèrurzalɛ̀mù rzi a ɛ̀ndɛ ò lì naŋga ò mbòwà ya Bɛ̀tanì.

Matiyò 21:17 ပူးပေါင်းရင်းမြစ်များ

Matiyò 16:4

Ene nyɔ̀ŋgɔ̀nì ya wòhwe ema e rza arza lì hweyàna Lohwɛ̀, e arza ndi embànèlì ya mànyakà! Ndi inyɔ e rza ò luwa tɔ̀ embànèlì lì aka e embànèlì ya mànyakà ya ama Jona e mòòhwèlì wà èlìŋgɛ̀.” Yerzù à mà hwa hwɛmɛ rzi a ɛ̀ndɛ e ye eni.

Matiyò 26:6

Yerzù à mà hwɛ ò ndawò yà ama Rzìmɔ̀nì mòtò ema à mà hwɛ à mà ɔ̀kìrzɛ̀ è nyàmbɛ yà mɔ̀lɔ̀ŋgɔ ò mbòwà yà Bɛ̀tanì.

Makòrzì 11:1

Nà òmà Yerzù nà hwà-òkòwèlì hwa eni hwa mà jèe lì kòmbɛ̀nɛ̀ Jèrurzalɛ̀mù, ò tòŋgòŋgò ya e mbòwà yà Bɛ̀thvegi nà Bɛ̀tanì ò Hvàko ya Njàhwɛ̀, Yerzù à mà òmà hwà-òkòwèlì hwa enì hwahwàkɛ.

Makòrzì 11:11

Yerzù à mà kpèeya ò Jèrurzalɛ̀mù rzìi à ɛ̀ndɛ ò Ndawò yà Lohwà. Rzìi à hvɛ̀ŋgɛ̀ mìirzɔ̀ èki yà arzɛ. Ndì kànatɛ̀ è hvònda è mà tɔ̀ɔ̀lɛ̀, rzìi à tìmba ò Bɛ̀tanì nà lìyòmɛ̀ là eni là Hwà-òkòwèlì nà hwahwàkɛ.

Makòrzì 11:19

È hvònda è ŋgòmbè yà lohwà e mà ùke rzìi hwà ànjiya ò èŋge mbòwà ndɛɛndɛ̀.

Makòrzì 14:3

Nà òmà Yerzù à mà hwɛ ò Bɛ̀tanì ò ndawò yà ama Rzìmɔ̀nì, ema à mà òka è nyàmbɛ yà mɔ̀lɔ̀ŋgɔ. Nà òmà Yerzù à mà hwɛ lì làa mòlanà mɔ̀kɔ rzìi à jànà kòhwà yà lìyɔ̀kì là hvɛ̀ɛ̀hvɛ̀, lìyɔ̀kì ema lì òhvi wòlì rzayì-rzayì. Liŋgi lìyɔ̀kì lì mà gbeyàhwɛnɛ ndì nà nàadì. À mà gba mòòhvò mò èŋge kòhwà rzìi à kòmeyà Yerzù lìŋgi lìyɔ̀kì ò mòhvò mò eni.

Makòrzì 3:7

Yerzù à mà ànjiya nà hwà-òkòwèlì hwa eni rzìi hwa ɛ̀ndɛ ò yùlu ya Galìlì. Ndi ŋgìndì ndɛnɛ̀ yà hwatò è mà hwa nɔ̀ŋgɔ aŋga. Hwaŋga hwatò hwa mà uwɛ̀lɛ̀lɛ̀yi ndi ò erzòòkà ya Galìlì, Jùdeyà,

Lukàrzɛ̀ 10:38

Yerzù nà hwà-òkòwèlì hwa eni hwa mà hwɛ ò yɔ̀ndɔ̀, rzìi hwa uka mbòwà hvɔ̀kɔ. Mòlanà mɔ̀kɔ ema à ma hwɛ̀lɛ̀hwɛ̀ Màta, à mà mò kpɛɛlɛ nàa ŋmɛ̀ni ò ndawò yà èni.

Lukàrzɛ̀ 19:29

È hvònda ema à mà kòmbɛ̀nɛ̀ è mbòwà yà Bɛ̀thvegi nà Bɛ̀tanì, ema ì hwèlì ò Mòòlì mò Njàhwɛ̀, à mà òma hwà-òkòwèlì wà eni hwàhwàkɛ̀ ò wòrzò, rzìi à hwa òhweyà nanù ema,

Lukàrzɛ̀ 24:50

Yerzù à mà hwa tìmba lì anjiya ò èŋge mbòwà, natɛ̀ɛ ò lì kòmbɛ̀nɛ̀ è mbòwà yà Bɛ̀tanì. À mà kàrzɛ maà ma eni ò ŋmanyu rzìi a hwa nàmìrzɛ̀.

Yòwanìrzɛ̀ 11:1

O ma hwɛ mòòkelì hwa mùnyanà mɔ̀kɔ à mà ɔ̀kirzɛ̀ à mà hwɛ̀lɛ̀hwɛ̀ Làrzàrɔ̀rzì. À ma lìya ò mbòwa ya Bɛ̀tanì nà indòmɛ ja ani Màlìyɛ̀ na Mata.

Yòwanìrzɛ̀ 11:18

Lì anjiya ò Bɛ̀tanì ò lì ɛndɛ lì uka ò mbòwà ya Jèrurzalɛ̀mù e ma hwɛ ndi màyilì ma hwàkɛ.