Yerzù à mà kpɛ ŋmàna nanù ema, “Likànèyà la ama Lohwɛ̀ lì hwèlì ndi nàa mòtò ema a òhvi e wàŋga ya eni, ema à mà akɛlɛ lì wurza ò ndawò ekpa ya arzɛ lì ɛ̀ndɛ lì arza hwatò a aka ò lì mò gbèeyà èwòlò ò hvaya ya eni.
Eyà ya ŋgɛŋgi ita ja eŋge ŋgòmbe, à mà tìmba lì ɛ̀ndɛ hvɛ ò tenì ya mbòwa, rzìi a ɛnɛ hwahvɛhvɛ wunyanà hwa tɛmi aŋga, ema hwa rzi hwɛ lì gbeyà tɔ̀ eyà, rzìi a hwa ijòwa ama, ‘Mamɛ ndeŋgatɛ e hvaŋga wùnyà wò arzɛ ò lì hwɛ anù e rzi hwɛ lì gbeyà tɔ̀ eyà e?’
“Ehvonda ya e ŋgòmbe ya Lohwà, e mòhwɛnɛ wa hvaya à mà òhweyà e mòkànèlì wa hwàgbèèlì hwa e hvaya ya eni nanù ema, ‘Rzaŋga hwàgbèèlì ò hwa rzaweya mòrzawelì me awu. O wòteyà ndi na hwatò ema hwa rzukanelì ò lì jà, rzi ò à agba natɛ̀ɛ nà e wɔ̀ ema hwa lòmeyayi lì jà.’
Nà òma ŋmerze mò wùùnya wò hwèlì nanù, irzɔ hwa arzɛ i hwɛnì lì gbeyà èwòlò e jò ŋgbàahwì na e mɔ̀ ema a nò òmi. Nàŋgɛ ema wùùnya wa a kɔ ema tɔ̀ mòtò a rza tanɛ lì gbeyà èwòlò.
Hwà mà àyijòwànɛ̀ wɔ̀ na wɔ̀ nanù ema, “Mamɛ i tànɛyi lì gbeyàna hwanù hwatò e? Hwatò hwa arzɛ ò Jèrurzalɛ̀mù hwa hwi nanù ema wɔ̀ ndi hwa hwèlì e wɔ̀ ema hwa gbèyi ene eyà ndɛnɛ ya mànyakà. Irzɔ i rza tànɛyi lì unà tɔ̀ hvenda nanù ema hwa rza e gbèyi.
Inyɛ̀ i ŋgbe Lohwɛ̀ èluhwe èhwanja a òhvi màyìmbì ma lì ètìrzɛ̀ lìlòkɛ̀ la anyu. Ndeŋgànɛ̀lɛ̀ nanù ndi nà mà e òhweyà e hvònda ema nà mà e òhweyà Ŋmɛ̀ndì mò Gbamù mò ama Yerzù Krirztò. Mòŋgò Ŋmɛ̀ndì mò hwèlì ndi e jɔ̀kɛ̀ ema Lohwɛ̀ à mà ute natɛ̀ɛ na e hvònda kòòhwa, ema a rzi uŋmɛ̀lɛ̀ hwatò.
Lohwɛ̀ à mà gbeyà hweŋge hwèma o ŋgana ema e hvomɛ̀nɛ̀. Mɔ̀ a rza hvoŋga tɔ̀ èwòlò yɔ̀kɔ ema mòtò a gbeye ndèŋgànɛ̀lɛ̀ mɔ̀ à rza hvoŋga e ndìŋgɛ ema mòtò a mo uŋmɛ̀lɛ̀ na oma inyɔ e hwèlì o lì gbèeyà hwahvɛhvɛ hwatò hwa ama Lohwɛ̀.