Matiyò 20:30 - Mokpwe: Bakwery (New Testament)

³⁰ Hwatò hwahwakɛ ema hwà mà hwɛ ndima hwà mà lìya ò tòŋgòŋgò ya njiya. Nà òma hwà mà hweye ema Yerzù mɔ̀ ndi à hwèlì a aka, rzìi hwa wòteyà lì tɛ nanù ema, “Ìi Rzàŋgò e Ŋmanà wà munyanà wà ama e nyɔ̀ŋgɔ̀nì ya ama Dàhwitì ò jò òkeya ììlì!”

Matiyò 20:30 ပူးပေါင်းရင်းမြစ်များ

Matiyò 13:4

Nà òmà à mà hwɛ lì mùŋgùlɛ̀ ìhvɔ̀ŋgɔ̀ ja eni, lòŋgò ì mà unda ò njìya, hwènɔ̀nì hwe mà ji rzòmà.

Matiyò 15:22

Mòlanà mɔ̀kɔ ema à mà hwɛ lì lìya ò erzòòkà ya Kenà à mà jèeyà Yerzù rzìi a mò eyeya nanù ema, “Ìi è Ŋmanà wà e nyɔ̀ŋgɔ̀nì ya ama Dàhwitì, ò nò òkeya ììlì! È ŋmanà wa ami wa mòlanà a òhvi èlìŋgɛ̀ ya wòhwe ò nyò ya eni a hwèlì ò hwehwɛ̀ɛlì hwe wòhwe.”

Matiyò 20:31

È ŋgìndì e ma hwa lòmeya nanù ema, “È lìya ŋmɛ̀ɛ.” Ndi wɔ̀ hwà mà tɛɛ hvɛ ndi ò ŋmanyu nanù ema, “È Ŋmanà wà mùnyanà wa e nyɔ̀ŋgɔ̀ni ya ama Dàhwitì, Rzàŋgò, ò jò òkeya ììlì!”

Matiyò 21:14

Hwàŋga hwatò ema hwà mà ɔ̀kirzɛ̀ e nyàmbɛ ya ndima na mbòkò hwà mà mò jèeyà ò tenì ya e Ndawò yà Lohwà ya màkanɛ̀, ndèŋgànɛ̀lɛ̀ à mà hwa wɔ̀wìrzɛ̀.

Matiyò 21:9

È ŋgìndì ema è mà hwɛ lì ɛ̀ndɛ ò wòrzò wà ama Yerzù, nà è yɔ̀ ema è mà hwɛ lì mò nɔ̀ŋgɔ ò mburzà, hwa mà hwɛ lì tɛ̀ɛ̀ nanù ema, “Hòrzana, nà jèka hvɛ ì hwɛ nà è Ŋmanà wà è nyɔ̀ŋgɔ̀nì yà ama Dàhwitì. Mònàmɛ̀ mò hwèlì nà òŋgò ema à jelì ò lìnà là ama è Rzàŋgò. Hòrzana, jèka ì hwɛ nà Lohwà ema mɔ̀ ndi à kàrzamì lì aka hwa arzɛ!”

Matiyò 22:42

“Mamɛ inyɔ e ɔ̀ŋgɛ̀lɛ̀ lì hvòmɛ̀nɛ̀ è Mɔ̀ ema à Ɔ̀kirzɛ̀hwɛ̀yi e? Ima nyɔ̀ŋgɔ̀nì ema mɔ̀ à uhwɛlɛlɛyi e?” Hwà mà mò alàhwɛ̀ nanù ema, “A uwɛ̀lɛ̀lɛ̀yi ndi ò e nyɔ̀ŋgɔ̀nì ya ama kiŋgɛ Dàhwitì.”

Makòrzì 10:46

Yerzù nà hwà-òkòwèlì hwa eni hwa mà uke ò mbòwà yà Jèrìkò. Ŋgindi ya hwatò è mà hwɛ lì hwa nɔ̀ŋgɔ. Nà òmà hwa mà kòmbɛ̀nɛ̀ lìrzukù la èŋge mbòwà, hwa mà ùŋma mòtò mɔ̀kɔ ema à mà hwɛ̀lɛ̀hwɛ̀ Bàtìmàyùrzì. Bàtìmàyùrzì à mà hwɛ ndi è ŋmanà wa mùnyanà wa ama Tìmàyèyùrzì, à mà hwɛ ndi ndima. À mà lìya ò tòŋgòŋgò ya njiya rzìi a ɔ̀mbɔ̀.

Lukàrzɛ̀ 4:18

“Èlìŋgɛ̀ yà ama è Rzàŋgò è hwèlì nà ìmba, èhwanja Lohwɛ̀ à nò hvɔ̀rzì, ò lì òhweyà mèlìrza me hwatò, Ŋmɛ̀ndì mò Gbamù. À nò òmì nà ŋmɛ̀ndì, ema hwatò ema hwa kakahwi ì ŋgɔ̀kɔ̀hwi hwa ò ulɛhwɛ ò iŋgi ŋgɔ̀kɔ̀hwi, ndèŋgàna hwaŋga hwatò ema hwa hwèlì ndima hwa ò ɛnɛ hwaŋga hwatò hvɛ ema hwa tàkàà ò màa mà hwahvɛhvɛ hwatò, imba nà hwa ulɛ̀ ò mèŋge mètàkà.

Lukàrzɛ̀ 7:21

Lirzàkò ema hwà mà ùke aŋga, à mà hwɛ lì wɔ̀wìrzɛ̀ rzayì-rzayì jà hwatò ema hwà mà ɔ̀kirzɛ merziyò na ì nyàmbɛ, na è wɔ̀ hwà mà òhva hwèlìŋgɛ̀ hwe wòhwe rzìi a wɔ̀wìrzɛ̀ hvɛ è wɔ̀ hwa ndima.

Hwègbèèlì 2:30

Dàhwitì à mà hwɛ ndi mòòhwèlì wà èlìŋgɛ̀ ndèŋgànà mɔ̀ à mà hwiya yòòma ema Lohwɛ̀ à mà òhwe nanù ema a mò ŋgba. Lohwɛ̀ à mà aàtɛ yòmbò nanù ema, a ò wòwa ŋmanà ò mòtende mò ama Dàhwitì a ò mò lìirzɛ kiŋgɛ nyayi hvɔ̀kɔ na òma Dàhwitì hvɛ à mà hwɛ kiŋgɛ.