Matiyò 20:26 - Mokpwe: Bakwery (New Testament)

²⁶ Ndi e rza hwɛni lì hwɛ nanù na inyɔ. Tɔ̀ ima mɔ̀ wa anyu ema a arza lì hwɛ e mòndɛnɛ wa anyu, a hwɛnì ndi lì hwɛ nàa e mòkutu wa anyu.

Matiyò 20:26 ပူးပေါင်းရင်းမြစ်များ

Matiyò 20:27

Ndèŋgànɛ̀lɛ̀ hvɛ, tɔ̀ ima mɔ̀ wa anyu ema a arza lì hwɛ e wa wòrzò ò ìtììtènì ja anyu, a hwɛnì ndi lì hwɛ nàa e mòkòme wa anyu,

Matiyò 25:44

Ndi wɔ̀ hvɛ hwà mà mò timbirzɛlɛ nanù ema, ‘Ìi Rzàŋgò, ima hvònda ema i mò ɛnɛnɛ e njàwò, tɔ̀ nyìrzɛ̀ ya malìhwa, tɔ̀ nàa ŋmɛ̀nì, tɔ̀ ema ò rza òhvɛ lìhwatu, tɔ̀ na nyàmbɛ tɔ̀ ò hwèwòwà rzìi i rzi ò òŋgòwane e?’

Matiyò 27:55

Rzayi-rzayi ja hwalanà ema hwa mà wòteyà lì nɔ̀ŋgɔ nà ì òŋgòwànà Yerzù lì wòteyà ò Galìlì, hwa mà tɛ̀mɛ̀ hvòka, ò lì ɔ̀ŋgɔ mamɛ yà arzɛ ema è mà hwɛ lì gbèyɛ̀nɛ̀.

Makòrzì 10:43

Ndi è rzà hwɛnì lì hwɛ nanù nà inyɔ̀. Tɔ̀ ima mɔ̀ wà anyu ema a arza lì hwɛ è mòndɛnɛ wa anyu, a hwɛnì ndi lì hwɛ è mògbèèlì wà anyu.

Makòrzì 10:45

Èhwanja tɔ̀ è Ŋmanà wà è Mòtò wà Hwènàmà a rzi je ndi ema hwa mò gbèeyà. A jelì ndi ò lì hwɛ è mògbèèlì wa hwatò hwa arzɛ. Nà ò lì ŋgba lòŋgɛ la eni ò lì kɔ̀tɔ̀ rzayì-rzayì ja hwatò.”

Makòrzì 9:35

Yerzù rzìi a lìya ò rzè rzìi a hwɛlɛ lìyòmɛ̀ la eni la hwà-òkòwèlì na hwa hwàkɛ rzìi a hwa òhweyà nanù ema, “Tɔ̀ njɛnɛ ema à àrza lì hwɛ è mòndɛnɛ mɔ̀ ndi à àŋgàmɛ̀nɛ̀yi lì hwɛ è wà lìrzukù, rzìi a hwɛ hvɛ è mògbèèlì wà hwa arzɛ.”

Lukàrzɛ̀ 18:14

Yerzù rzìi a òhwa hvɛ nanù ema, “Nà è òhweyà ema, ònò mòtò à mà tìmba ò ndawò yà èni rzìi a tɛ̀mɛ̀ ehve-ehve nà Lohwɛ̀, lì aka òŋgò Hvàlìrzàyì. Tɔ̀ njɛnɛ ema a akàrzɛ mɔ̀ ŋmìti, à rzìhwìrzɛ̀hwɛ̀. È mɔ̀ hvɛ ema arzihwirzɛ, a kàrzɛ̀hwɛ̀.”

Lukàrzɛ̀ 22:26

Ndi e rzà hwɛnì lì hwɛ nanù nà inyɔ. O ìtììtènì ja anyu, è mɔ̀ ema a tìmbà a hwɛ ndi nàa e mɔ̀ ema a utu. È mòtimbèlì hvɛ à hwɛnì ndi lì hwɛ nàa mògbèèlì.

Yòwanìrzɛ̀ 18:36

Yerzù rzi à òhwa nanù ema, “Likànèyà là ami, lì rza enje ò ene rze. Lì mà hwɛ tɛ nanù, òma hwakutu hwa ami, hwa mà ana aŋga nanù o ma hwatò hwa ene rze hwa rzì nò akɛlɛlɛ ò màa mà wònyà Yudà. Ndi ò nàŋgɛ, Likànèyà là ami, lì rza enje là ene rze.”

Hwègbèèlì 13:5

Nà òma hwà mà ùke ò mbòwa ya Rzàlàmìrzì, hwà mà òhwa eyà ya Lohwà ò mandawò ma màkanɛ̀ ma wònyà Yudà. Hwà mà lɛmbɛ Yòwanìrzɛ̀ Màkòrzì ò lì hwa òŋgòwànà.

2 Kɔ̀rintìyà 1:24

I rza arza ema e hwɛ ndi nàa hwanɛyi ema, je imbɛ o lì lòkɛ̀ hweyà. Ndi irzɔ i gbèyɛ̀nɛ na inyɔ, aŋga nanù e oka mɔ̀nyɛ̀ŋgì èhwanja e tɛmi ehve-ehve o malòkɛ̀ ma anyu.

2 Tìmotì 1:18

Nà kanɛ̀ nanù ema Lohwɛ̀ à mò ùŋmɛ̀lɛ̀ ììlì jà eni ò Wùnyà wò hwèkàyìrzèlì. Ndèŋgàna ò wà ò hwi kɔ̀yi-kɔ̀yi lì oŋgowànɛ ema à mà nò ŋgbè ò mbowà yà Ɛ̀hvɛ̀rzɔ̀rzì.

Hvìlɛ̀mɔ̀nì 1:13

Nà mà lìŋgàna nanù ema à hwɛ ndi nà imba, aŋga nanù à nò òŋgòwànà ò lì hwɛ ò èki yà aŋgɔ nàŋgɛ ema imba nà hwèlì anu hwèwòwà ò lìnà là ŋmɛ̀ndì mò gbamù.

Hibrù 1:14

Hwa njɛnɛ rzɔ hwa hwèlì i aŋgèlì e? Rzeke hwa hwèlì ndi hwèlìŋgɛ̀ ema hwe gbèeyà Lohwɛ̀ e? Ndeŋgànɛ̀lɛ̀ Lohwɛ̀ à mà hwa oma o lì oŋgowàna hwatò ema hwa o luwɛ lìrzùŋgàhwa.

1 Pètrò 4:11

Tɔ̀ ima mòtò ema à hwi lì ohwa gbamù inyɛ à ohwe ndi nàa à ohwa ndi è mbɔrzi ema è uwɛ̀lɛ̀lɛ̀yì ò mà Lohwɛ̀ mɔ̀ ŋmìti. Tɔ̀ njɛnɛ ema à oŋgowàna hwatò, inyɛ à gbeyàne ndi è ŋginyà ema Lohwɛ̀ à mò ŋgbelì. Jèka jò ò ŋgbààhwà Lohwɛ̀ lì hvomɛ̀nɛ̀ hweyà hwe arzɛ lì akeyà nà Yerzù Krirztò. Èluhwe yà arzɛ nà è ŋginyà yà arzɛ è hwɛ nà mɔ̀ ò gbìndèyà nà ò gbìndèyà. Inyɛ̀ wò lìya nanù!

1 Pètrò 5:3

È rzi gbeyàna ŋginyà o lì kànèyà hwaŋga hwatò ema hwa hwèlì o rze ya anyu, ndi e hwɛ embànelì o hwatò ema hwa hwèlì o rze ya anyu.

Hwèwulùwèlì 17:6

Nà ma ɛnɛ nanù ema oŋgo molanà à mà woma na màyija ma hwatò hwa wòtani hwa ama Lohwɛ̀, màyija ma hwaŋga hwatò ema hwà mà oŋwahwa ehwànja hwa oŋgàma Yerzù. Nà ma tàmà rzayi-rzayi e hvonda ema nà mà mo ɛnɛ.