Matiyò 20:24 - Mokpwe: Bakwery (New Testament)

²⁴ Nà òma lìnɛyi lìyòmɛ̀ la Hwà-òkòwèlì lì ma hweye nanù, rzi lì tàtànà hwaŋga hwàna hwahwàkɛ.

Matiyò 20:24 ပူးပေါင်းရင်းမြစ်များ

Matiyò 20:23

Yerzù rzi à hwa òhweyà nanù ema, “Ò jɔ̀kɛ̀ e ò àjùlɛ̀, ndi imba na rza òhvi e wònja ò lì hvɔ̀rzɔ̀ e mòtò ema a ò lìyà ò lìya lì ami la mòmɛ̀ tɔ̀ ò e lɔ la ŋmalì. Hwenè hwèlìyelì hwe hwɛnɛhwi ndi na hwaŋga hwatò ema Tatɛ̀ wa ami à mà hwe rzèkeya.”

Matiyò 20:25

Yerzù rzi a hwa hwɛlɛ wɔ̀ hwa arzɛ èki yɔ̀kɔ, rzìi a hwa òhweyà ama, “È hwɛni lì hwiya nanù ema hwàkànèlì na hwa ndɛnɛ hwa ene rze hwa gbeyàna ŋginyà ò lì kànèyà hwatò ema hwa hwèlì ò rze ya awu.

Makòrzì 10:14

Ndi nà òmà Yerzù a mà ɛnɛ èŋge eyà nanù, e mà mò tàtirzɛ rzìi a òhweyà hwà-òkòwèlì hwa eni nanù ema, “È hwɛ̀mɛ̀ hwàànà hwarzàlì hwa jè nà imba, è rzi hwa kekà, èhwanja ini nyayi ja hwatò ndi hwa hwɛnì Lìkànèyà la ama Lohwɛ̀.

Makòrzì 10:41

Lirzàkò ema lìnɛyi lìyòmɛ̀ la hwà-òkòwèlì hwa ama Yerzù hwà mà hweye nanù rzìi hwa tatana Jèmìrzì nà Yòwanìrzɛ̀ rzayì-rzayì.

Lukàrzɛ̀ 13:14

È mòkànèlì wà èŋge ndawò ya màkanɛ̀ yà wònyà Yudà à mà tàta èhwanja Yerzù à mà wɔ̀wìrzɛ̀ òŋgò mòlanà ò Wùnya wò lì Arzìyòlɛ̀. Rzìi à òhweyà hwatò nanù ema, “O hwèlì mèenyà mòtòhwa me èwòlò. È arza tɛ lì wɔ̀wìrzɛ̀hwɛ e je ndi mèŋge menya, rzeketɛ ò Wùnya wò lì Arzìyòlɛ̀.”

1 Kɔ̀rintìyà 13:4

È mòtò ema a uŋmɛ̀lɛ̀ hwatò e ndìŋgɛ, a ohvi lì àjùlɛ̀, a enji, a rza ohvi inona, a rza ayèkirzɛ.

Hvìlipìyà 2:3

È rzi gbeyà hweyà ema hwe uŋmɛ̀lɛ̀ nanù ema e hwe gbeyà ndi o lì hwɛ gbamù. È rzi gbeyà hvɛ hweyà ema hwe uŋmɛ̀lɛ̀ nanù ema e awòwɛ̀. Ndi na lì arzihwirzɛ la anyu la arzɛ inyɛ e ɛnɛ hwahvɛhvɛ hwatò wòlìto lì aka inyɔ hwìtì.

Jèmìrzì 3:14

Ndi e ohvi tɛ inona ja wòhwe o tenì ya mèèmà me anyu, ndèŋgànɛlɛ e lùteyà ndi o inyɔ hwiti, e rzi gbeyàna lìhwiyè ema e hwɛni o lì gbeyà wòhwe o lì teŋgɛ̀nɛ̀ hwèyòkòlèlì hwe jɔ̀kɛ̀ o lì àyekìrzɛ.

1 Pètrò 5:5

Ŋgànà hvɔ̀kɔ hvɛ mɛnɛ, inyɔ hwatò ema e rzi rzɔ̀ mòkèka, e arzihwirzɛ o hwàmbaki hwa anyu. Inyɔ hwa arzɛ e arzìhwìrzɛ̀lɛ̀lɛ̀ mɔ̀kɔ na ɔ̀nɛyi, ehwànja e tìlahwì o e kààtì ya Lohwà nanù ema, “Lohwɛ̀ a teŋgɛ̀nɛ̀ hwatò ema hwa ohvi kumba ndi à uŋmɛ̀lɛ̀ ŋmèma mo gbamù o hwaŋga hwatò ema hwa arzihwirzɛ.”