Matiyò 20:23 - Mokpwe: Bakwery (New Testament)

²³ Yerzù rzi à hwa òhweyà nanù ema, “Ò jɔ̀kɛ̀ e ò àjùlɛ̀, ndi imba na rza òhvi e wònja ò lì hvɔ̀rzɔ̀ e mòtò ema a ò lìyà ò lìya lì ami la mòmɛ̀ tɔ̀ ò e lɔ la ŋmalì. Hwenè hwèlìyelì hwe hwɛnɛhwi ndi na hwaŋga hwatò ema Tatɛ̀ wa ami à mà hwe rzèkeya.”

Matiyò 20:23 ပူးပေါင်းရင်းမြစ်များ

Matiyò 13:11

Yerzù rzìi a hwa alàhwɛ̀ nanù ema, “Lìhwiye la è wùndɛ̀ ya Lìkànèyà la ŋmanyu yà lohwà lì e ŋgbààhwi ndì inyɔ, ndi rzeketɛ ò hwahvɛhvɛ hwatò.

Matiyò 20:24

Nà òma lìnɛyi lìyòmɛ̀ la Hwà-òkòwèlì lì ma hweye nanù, rzi lì tàtànà hwaŋga hwàna hwahwàkɛ.

Matiyò 25:34

È Kiŋgɛ a òhweyà e hwaa lìya la mòme nanù ema, ‘È jèe inyɔ ema e nàmìrzɛ̀hwɛ̀yi na e Tatɛ̀ wa ami! È jèe e wòwe mònàmɛ̀ mò lìkànèyà la ama Lohwɛ̀ ema mò ma màa lì e rzekahwɛlɛ natɛ̀ɛ na e hvònda ema mɔ̀ à mà wèkè e rze.

Makòrzì 10:40

ndi nà rza òhvi è wònjà ò lì hvɔ̀rzɔ̀ njɛnɛ a hwɛnì lì lìyà ò lìya la ami la mòmɛ̀ tɔ̀ e lɔ la ŋmalì. Lohwɛ̀ ndi à ò ŋgbɛɛ hwèŋge hwèlìyelì, ò hwaŋga hwatò ema hwèŋge hwèki hwe rzèkahwɛlɛyi.”

Hwègbèèlì 12:2

A ma gbeyà ema hwà mà ŋgbaŋgɛ Jèmìrzì, Yòwanìrzɛ̀ ŋmanyàŋgò wa eni, rzìi hwà mà òŋwàna na e rzɔ̀lɔ̀.

Ròmànì 8:17

Kanatɛ irzɔ i hwèlì ndi hwàna hwa ama Lohwɛ̀, irzɔ i lùwà mònàmɛ̀ ema Lohwɛ̀ à mà uteya hwàanà hwa eni, ndeŋgànɛ̀lɛ̀ irzɔ i lùwà hwèèmà ema Lohwɛ̀ à mà uteya Yerzù, e hwèlì tɛ ò jɔ̀kɛ̀ nanù ema inyɔ e emelì ò lì taka na Krirztò aŋga nanù irzɔ hvɛ jò ò luwa èluhwe ema Lohwɛ̀ a mò ŋgba.

1 Kɔ̀rintìyà 2:9

Èya èŋge ema e tìlahwì o kààtì ya wòtani nanù ema, “Tɔ̀ mòtò a rza ɛni, tɔ̀ mòtò a rzi hweyi, tɔ̀ mòtò a rzi lutelì hwenè hweyà Lohwɛ̀ à rzɛ̀ŋgɛnɛ hwaŋga hwatò ema hwà mò lìŋgàni.”

2 Kɔ̀rintìyà 1:7

Ji ikayi mahvita mà arzu nà inyɔ rzayì-rzayì. I hwi ema è lu tɛ̀ mètàkà nà oma irzɔ hvɛ i taka, Lohwɛ̀ à yè ètìrzɛ̀ mèèmà, nà oma à jò etìrzɛ̀yi è me arzu.

Kòlòrzìyà 1:24

Ò naŋgɛ nanù nà oka mɔ̀nyɛ̀ŋgi ò nyòla mòtàkà ema nà lùwa ò lì è hvomɛ̀nɛ̀. Nà oma nà lùwa mono mòtàkà nanù, nà mà kulɛ̀ mòtàkà mò ama Yerzù ema mò àŋgàmɛ̀nɛ̀yi lì hwɛ, ò nyo yà eni, eŋge ŋgànà è hwèlì ndi nanù ema hwatò ema hwa mò lòkɛ̀yì Krirztò.

Hibrù 11:16

Ndi tɔ̀ nanù hwà mà lìya o lì ambɛlɛlɛ èki ya gbamù, o èkomè ya ŋmanyu yà lohwà. O èŋgànɛ̀lɛ̀ rzɔ Lohwɛ̀ a rza ohvi ìrzɔnì nanù ema hwa mo hwɛlɛ Lòohwà la awu, èhwanja a hwa rzekelì mbowà ndɛnɛ.

Hwèwulùwèlì 1:9

Imbà ndi nà hwèlì Yòwanìrzɛ̀ ŋmanyàŋgò wà anyu. Nà hwèlì ndi mɔ̀kɔ ema mɔ̀hvɛ à hwèlì ndi nàa inyɔ, ò lì kaka ŋmèma nà ò lì àjùlɛ̀nɛ̀ mètàke ema mè jèeyà hwatò ema hwa hwèlì ò lìkànèyà là ama Yerzù Krirztò. Hwa mà nò ika ò erzòòkà ema malìhwà ma mà toŋge ema è hwɛ̀lɛ̀hwɛ̀ Pàtìmòrzì ehwànja nà mà ohwa Eyà yà ama Lohwɛ̀ rzìi nà ohweyà hwatò lì hvomɛ̀nɛ̀ hweyà ema nà mà ɛnɛ lì e hvomɛ̀nɛ̀.