Matiyò 20:22 - Mokpwe: Bakwery (New Testament)

²² Yerzù rzìi a hwa alàhwɛ̀ ama, “Inyɔ e rza hwi mamɛ ema e ijòwa. È tànɛyi lì àjùlɛ̀nɛ̀ mètàkà ema imba na ò hwɛnɛ e?” Wɔ̀ hwà mà mò alàhwɛ̀ nanù ema, “I tànɛyi.”

Matiyò 20:22 ပူးပေါင်းရင်းမြစ်များ

Matiyò 26:35

Pètrò rzìi à alàhwɛ̀ nanù ema, “Tɔ̀ è hwɛ ndi nanù ema nà hwɛni lì ŋwa nà ò wà nà rza tanɛ lì ò rzɔ̀rzɔ̀.” Hwanɛ̀yi Hwà-òkòwèlì hwa arzɛ wɔ̀ hvɛ hwa mà òhwa ndi nanù mɛnɛ.

Matiyò 26:39

Yerzù à mà tòmba ŋmanà hvòkà teŋyi, rzìi à ahvimbɛ nà lùùŋgà ò rze, rzìi à kanɛ̀ nanù ema, “Ìi Tatà wà ami, è hwèlì tɛ ema è tànɛyi tɛ lì gbèyɛ̀nɛ, ò nò ulɛ̀ ò tenì yà mònò mòtàkà. Ndi tɔ̀ nanù gbeyà ndi mamɛ è ò lɔ̀ɔ̀nì ndi rzeketɛ nà òma imba nà àrzeyà.”

Matiyò 26:42

Yerzù a tìmba hvɛ ò lì kanɛ̀ rzìi a òhwa nanù ema, “Ìi Tatà wa ami, e hwèlì tɛ ema ò rza tanɛ lì nò wòwàna mònò muna mò mòtàkà ema na rzi mò hwanɛ inyɛ lì emeyà lì aŋgɔ̀ lì gbèyɛ̀nɛ.”

Matiyò 26:56

Ndi hwenè hwe arzɛ hwe ma gbèyɛ̀nɛ ò lì òndìrzɛ̀ mamɛ ema hwà-òhwèlì hwa hwèlìŋgɛ hwà mà tile ò e kààtì ya Lohwà.” Rzìi Hwà-òkòwèlì hwa arzɛ hwà mà mò rzɔnjɛ̀lɛ̀ rzìi hwa hwàŋga.

Makòrzì 14:36

Yerzù rzìi à òhwa nanù ema, “Ìi Tàà, Tatà ò tànɛyi lì gbeyà tɔ̀ mamɛ ema ò arza lì gbeyà. Ò nò wòwanè menè mètàkà. Ndi rzeketɛ nà òmà nà àrza ndi nà òma ò arza.”

Lukàrzɛ̀ 12:50

Nà hwɛnì lì lùwa lì lùhwìrzɛ̀ la mòrziyò. Nà ma lì lùwa tɛ, òma nà mà lùwa lì wɔ̀wìrzɛ̀ la nyò.

Lukàrzɛ̀ 22:42

“Ìi Tatɛ̀, ò lìŋgànì tɛ, ò nò ulɛ̀lɛ̀ mònò mòtàkà mò ŋginyà. Ndi rzèkɛtɛ ò hwèlìŋgànèlì hwe amì, ndi ò hwèlìŋgànèlì hwe aŋgɔ̀.”

Yòwanìrzɛ̀ 18:11

Yerzù rzìi à òhweyà Pètrò nànù ema, “Timbirzɛ è rzɔ̀lɔ̀ yà aŋgɔ̀ ò ekpa yà rzɔ̀lɔ̀. Nà rza hwɛnì lì taka ò mètàkà ema Tatɛ̀ à mà tɛ̀yirzɛ nanù ema nà mè luwe e?”

Ròmànì 8:26

Nànù mɛnɛ hvɛ ndi Èlìŋgɛ̀ ya ama Lohwɛ̀ e jò òŋgòwànà e hwèlì tɛ ema i rza imbami tɛ. I rza hwi nɛ ja àŋgàmɛ̀nɛ̀yi lì kanɛ̀, ndi Èlìŋgɛ̀ yɔ yiti mɛnɛ ndi e jò kanɛ̀lɛ̀lɛ̀ na lì ɔnyɔ ema lì akayi tɔ̀ mamɛ ema e wàna e wurzirzɛ.

Jèmìrzì 4:3

Ndèŋgànà inyɔ e akòwànì tɛ Lohwɛ̀ yoma, e rza e luwa ehwànja e ijòwa na màlùtèyà mà wòhwe. Inyɔ̀ ya akowana ndi hweemà o lì alìŋgìrzɛ inyɔ mɛnɛ.