Matiyò 20:21 - Mokpwe: Bakwery (New Testament)

²¹ Yerzù rzi a mò ijòwa nanù ema, “Mamɛ ò arza e?” Oŋgò mòlanà rzi a mò alàhwɛ̀ ama, “O nò kàkɛ̀nɛ̀ nanù ema e hvònda ema o ò hwɛ ò lìkànèyà lì aŋgɔ̀, hwanù hwàna hwa ami hwa wunyanà hwahwàkɛ hwa ò lìya, mɔ̀kɔ ò lìya la aŋgɔ̀ la mòme, ɔ̀nɛyi hvɛ ò lìya lì aŋgɔ̀ la ŋmalì.”

Matiyò 20:21 ပူးပေါင်းရင်းမြစ်များ

Matiyò 18:1

O ŋmanà hvòka hvònda, Hwà-òkòwèlì hwa ama Yerzù rzìi hwa mò jèeyà hwa mò ijòwa nanù ema, “Njɛnɛ à hwèlì e mòndɛnɛ ò lìkànèyà là ŋmanyu e?”

Matiyò 19:28

Yerzù rzìi a tìmba hvɛ lì hwa òhweyà nanù ema, “Nà e òhweyà ndi e jɔ̀kɛ̀ e hvònda ema è Ŋmanà wà è Mòtò wà Hwènàmà a ò lìya ò mbòkò ya lìkànèyà la eni la èluhwe, ò e rze ema e ò jɛ̀ɛ̀ inyɔ lìyòme la hwatò na hwahwakɛ ema e nò nɔŋgi e ò lìya ò mbòkò ja lìkànèyà ò lì kàyìrzɛ̀ lìyòmɛ̀ la matumba na mahwakɛ ma Irzàyɛ̀lì.

Matiyò 20:22

Yerzù rzìi a hwa alàhwɛ̀ ama, “Inyɔ e rza hwi mamɛ ema e ijòwa. È tànɛyi lì àjùlɛ̀nɛ̀ mètàkà ema imba na ò hwɛnɛ e?” Wɔ̀ hwà mà mò alàhwɛ̀ nanù ema, “I tànɛyi.”

Matiyò 20:32

Yerzù rzìi a tɛ̀mɛ̀, a hwa hwɛlɛ. A ma hwa ijòwa nanù ema, “Mamɛ e arza ema na e gbèeyà e?”

Makòrzì 10:51

Yerzù rzìi a mò ijòwa nanù ema, “Mamɛ rzɔ ò arza nanù ema nà ò gbèeyà e?” Oŋgò mòtò rzìi a òhwa nanù ema, “Nà arza lì ɛnɛ.”

Makòrzì 16:19

Ò mburzà hvònda ema Rzàŋgò Yerzù à mà hwa òhweyà hwenè hweyà, rzìi Lohwɛ̀ à mò gbeyà à kòòhwà ò ŋmanyu yà Lohwà. À mà lìyà ò lìya là mòmɛ̀ là ama Lohwɛ̀.

Makòrzì 6:22

O wòŋgò wùnyà e ŋmanà wa mòlanà wa ama Hɛ̀ròdìyàrzì à mà ja rzi a rzàà ŋgɔ̀mɔ̀. A ma lìŋgìrzɛ Hɛ̀rɔ̀dì nà hwàyɛ̀nì hwa eni. Àŋga ndi Hɛ̀rɔ̀dì a ijòwa òŋgò ŋmanà ŋgɔ̀ndɔ̀ nanù ema, “Mamɛ ò wa ò lìŋgàni nanù ema na ò gbèeyà e? Nà ò ŋgba tɔ̀ ima lìtumba la yomà ema ò arza.”

Lukàrzɛ̀ 18:41

“Mamɛ ò àrza ema Nà ò gbèeyà e?” Rzìi à mò alàhwɛ̀ nanù ema, “Ìi Rzàŋgò nà àrzà lì ɛnɛ̀. O nò gbeye na ɛnɛ hvɛ.”

Lukàrzɛ̀ 19:11

Hwatò hwa mà hwɛ lì àneyà mamɛ Yerzù à mà hwɛ lì òhwà. Yerzù à mà hwɛ à mà kòmbɛ̀nɛ̀ è mbòwà yà Jèrurzalɛ̀mù. Hwa mà ɔ̀ŋgɛ̀lɛ̀ ema, Lìkànèyà là ama Lohwɛ̀ lì hwa rzìhweyà ò wòtɛmɛ̀tɛmɛ̀.

Lukàrzɛ̀ 22:24

Hwà-òkòwèlì rzii hwa wòteya èhvèyìŋgòwèlì wɔ̀ nà wɔ̀, ò lì àrza lì hwiya njɛnɛ wà àwu a ò hwɛ̀ɛ è mòtimbelì.

Yòwanìrzɛ̀ 15:7

È kakùmɛ̀nɛ̀ tɛ nanù mɛnɛ na imba rzìi hwèyòkòlèlì hwe ami hwèyɔ̀hvɛ hwe hwɛ ò tenì e anyu, e ijòwe tɔ̀ mamɛ ema e arza, ye e èlùwà.

Hwègbèèlì 1:6

Wùnyà wɔ̀kɔ Yerzù nà I àpɔ̀rzìtòlò hwa mà arzàŋgànɛ ekì yɔ̀kɔ. Rzìi hwa ijòwa Yerzù nanù ema, “Ìi Rzàŋgò è hvònda ene ema o ò gbèèyɛ̀ hwatò hwa Irzàyɛ̀lì ò lì òhva è ŋginyà ò lì atimbanɛ wɔ̀ hwiti hvɛ e?”

Ròmànì 12:10

Inyɛ̀ tɔ̀ ima mòtò a lìŋgàne ŋmanyàŋgò wa eni na ŋmèma mò eni mò arzɛ. Inyɛ̀ tɔ̀ ima mòtò a ŋgbe ŋmanyàŋgò wa eni èluhwe lì aka mamɛ ema a aŋgbɛ mɔ̀ ŋmìti.

Ròmànì 8:34

Njɛnɛ rzɔ à tànɛyi lì òhwa nanù ema ì tùu ŋmaŋgò e? Yerzù Krirztò à mà ŋwa, à hvùmùwà, rzi à lìya ò èhvàrzù yà lìya là mòmɛ̀ là ama Lohwɛ̀, ndèŋgàna aŋga ndi mɔ̀ à hwèlì à jò kanɛ̀lɛ̀lɛ̀.

Kòlòrzìyà 3:1

È hwèlì ndi nàŋgɛ nàa, Lohwɛ̀ à hvùmùlɛ̀ Krirztò, à mà è hvùmùlɛ̀ inyɔ hvɛ. Ò eŋgànɛlɛ rzɔ, è hwɛnɛ è nyɔ̀ŋgi yà hwèèmà hwe è ŋmanyu yà lohwà, èki ema Krirztò à hwèlì à kànèyà ò lìya là momɛ̀ yà ama Lohwɛ̀.