Matiyò 20:19 - Mokpwe: Bakwery (New Testament)

¹⁹ Rzi hwa mò akɛlɛlɛ ò hwaŋga hwatò ema hwa rza enje wònyà Yudà ema hwa mò yɔ̀yeya, hwa mò gbiyɛ hvònji na lì mò wòmeya ò mbarza. O wùnyà ema wò ò ùkirzɛ̀ mèenyà meyawò, Lohwɛ̀ a ò mò hvùmùlɛ.”

Matiyò 20:19 ပူးပေါင်းရင်းမြစ်များ

Matiyò 12:40

Jona à mà hwɛ ò lùuŋga la nyàmà màlìhwa ndɛnɛ menya meyawò. Ŋgàna hvɔ̀kɔ, mɛnɛ ndi è Ŋmanà wà è Mòtò wà Hwènàmà mɔ̀ hvɛ a ò hwɛ ò rze ya mɔ̀nyɛ̀ menya meyawò.

Matiyò 16:21

Lìwòteyà eŋge hvònda Yerzù à mà wòteyà lì nɔŋgeya Hwà-òkòwèlì hwa eni, lì hwa telɛlɛ ema a hwɛnì lì ɛ̀ndɛ ò Jèrurzalɛ̀mù. Aŋga a hwɛnì lì akeyà mètàkà jɔɔ-jɔɔ ò màà mà hwàmbaki hwa mbòwà, na Ipìlìrzì ndɛnɛ na Hwà-òkòlèlì hwa mbenda. A ma hwa òhweyà hvɛ ama a hwɛnì lì òŋwahwa rzìi ò menya meyàwò, à ò hvùmùlɛ̀hwɛ.

Matiyò 17:23

hwa mò òŋwa ndi ò mèenyà me ùkirzɛ̀ meyawò a ò hvùmùlɛ̀hwɛ na Lohwɛ̀.” Ndi Hwà-òkòwèlì hwa eni hwà mà hweye ene eyà, hwà mà lɛmbeya ndùtù rzayì-rzayì.

Matiyò 27:26

Aŋga ndì Pìlatò à a hwà rzòlòhweyà Bàrabàrzì. O mburza hvònda ema à mà akɛlɛ lìlò nanù ema hwa gbiyɛ Yerzù, rzìi a mò akɛlɛ nanù ema hwà mò wòmeya ò mbarza.

Matiyò 27:63

Rzìi hwa mò òhweyà nanù ema, “Rzàŋgò, jò ɔ̀ŋgɛ̀lɛ̀ nanù ema, e hvònda òŋgò mòtò ema à mà hwɛ lì kɔ hweyà à mà hwɛ lòŋgɛ à mà hwɛ lì òhwà nanù ema, ‘Lohwɛ̀ a nò hvùmùlɛ̀ ò mburzà mèenyà meyawò.’

Makòrzì 14:65

Hwa arzɛ hwà mà mò akɛ̀lɛ̀lɛ̀ e mbàkò ema a hwɛnì ndi lì ŋwa. Rzìi lòŋgò hwa mà wòteyà lì mò rzɔ̀yeyà hwèyɔ̀lì, hwa mò lìŋga mìirzɔ̀, rzìi hwa wòteyà lì mò tiyà, rzìi hwa mò òhweyà nanù ema, “O jò òhweyà è mòtò ema à ò ti.” Hwà-òŋgèlì hwa e Ndawò yà Lohwà rzìi, hwa mò wòwà, rzìi hwa wòteyà ò lì mò anana.

Makòrzì 15:1

O ekpaarzɛ ya wùnyà, Ipìlìrzì ndɛ̀nɛ, hwàmbaki hwa Irzàyɛ̀lì, hwà-òkòlèlì hwa mbenda nà hwatò hwa ndawò yà hwèkàyìrzèlì hwe kàrzàmì hwa mà hwɛnɛ hwèlìyelì. Hwà mà kaka Yerzù, hwa mò ɛ̀ndɛnɛ, rzìi hwa mò akɛlɛlɛ Pìlatò.

Makòrzì 15:15

Nà òmà Pìlatò, a mà àrze lì ujìrzɛ̀ hwaŋga hwatò à hwa rzòlòhweyà Bàrabàrzì. À mà ŋgba hwaànèlì hwa njùma è wònjà ema hwa gbiyɛ̀ Yerzù rzìi hwa mò wòmeya ò mbarza.

Lukàrzɛ̀ 18:32

Hwa mò ŋgba ò màa, ma hwatò ema hwa rza enje wònyà Yudà. Hwa mò kìkòwà, hwa mò hwɛnyɛ̀ nà lì mò rzɔ̀yeyà hvɛ hweyɔlì.

Lukàrzɛ̀ 23:11

Hɛ̀rɔ̀dì nà hwaànèlì hwa eni hwa njùma hwa mà kìkòwa Yerzù. Hwa mà mò umbɛlɛlɛ mènìtò, rzìi hwa mò wɔ̀tìrzɛ mòŋgòmbè mò gbamù, rzìi hwa mò tìmbìrzɛlɛlɛ Pìlatò.

Lukàrzɛ̀ 24:46

À mà hwa òhweyà nanù ema, “È tìlahwi ò e kààtì ya Lohwɛ̀ nanù ema, è Mɔ̀ ema à Ɔ̀kirzɛ̀hwɛ̀yi à hwɛnì lì tàka rzìi a ŋwa, rziyàyò à hvùmùwa.

Hwègbèèlì 2:23

Lohwɛ̀ à mà lòma lì hwiya nanù ndèŋgànɛ̀lɛ̀ mɔ̀ à mà tɛ̀yirzɛ nanù ema, e hwɛni lì òŋwa Yerzù ò lì mò akɛlɛ ò màà mà hwàkɔ̀yèlì ema hwa mò wòmeyà ò mbarza.

Hwègbèèlì 21:11

Nà òma à mà jèe lì jò uŋmànɛlɛ, a wòwa e ŋgòlì ya ama Pàwolò, rzi a e kakana màa na meende me eni, rzi a òhwa nanù ema, “Èlìŋgɛ̀ ya wòtani e òhwi nanù ema e mòhwɛnɛ wa ene ŋgòlì, a ò kakahwa na wònyà Yudà ò Jèrurzalɛ̀mù, rzi hwa mò akɛlɛlɛ hwaŋga hwatò ema hwa rza enje wònyà Yudà.”

Hwègbèèlì 4:27

È ma gbèyɛ̀nɛ nanù. Hɛ̀rɔ̀dì na Pòntìyùrzì Pìlatò hwà mà taneya ò ene mbòwà nàa hwatò ema hwa rza enje wònyà Yudà na hwàtimbelì hwa wònyà Irzàyɛ̀lì. Wɔ̀ hwà mà gbeyà ndi nanù, ò lì gbeyà hwètɛ̀yìrzèlèlì lì teŋgɛ̀nɛ̀ Yerzù, e mògbèèlì wa aŋgɔ̀ ema a hwèlì Wòtani, ndèŋgànà mɔ̀ ema ò wa ò ma Ɔ̀kirzɛ̀yi.