Matiyò 20:18 - Mokpwe: Bakwery (New Testament)

¹⁸ “È hwiye ema ja ɛndɛ ò Jèrurzalɛ̀mù, ò tenì ɔ̀ndi è Ŋmanà wà è Mòtò wà Hwènàmà a hwɛnì lì akɛlɛhwɛ ò màà mà ama ipìlìrzì ndɛnɛ nà Hwà-òkòlèlì hwa mbenda. Wɔ̀ ndi hwa ò hwɛ e wɔ̀ ema hwa ò mò jemɛ ò kpelì.

Matiyò 20:18 ပူးပေါင်းရင်းမြစ်များ

Matiyò 10:4

Rzìmɔ̀nì mòtò ema lì emeyà la eni lì rza àyèŋgòwɛ̀, na Jùdàrzì Ìrzìkarìyɔ̀tɛ̀, ema à mà àhwirzɛ̀ Yerzù.

Matiyò 16:21

Lìwòteyà eŋge hvònda Yerzù à mà wòteyà lì nɔŋgeya Hwà-òkòwèlì hwa eni, lì hwa telɛlɛ ema a hwɛnì lì ɛ̀ndɛ ò Jèrurzalɛ̀mù. Aŋga a hwɛnì lì akeyà mètàkà jɔɔ-jɔɔ ò màà mà hwàmbaki hwa mbòwà, na Ipìlìrzì ndɛnɛ na Hwà-òkòlèlì hwa mbenda. A ma hwa òhweyà hvɛ ama a hwɛnì lì òŋwahwa rzìi ò menya meyàwò, à ò hvùmùlɛ̀hwɛ.

Matiyò 26:2

“È hwi nanù ema ò mèenyà mehwakɛ ema me hwèlì ò wòrzò, òma è ndèma yà lì Akà Ɔnɛyi e ma uka. O wòŋgò wùnyà ndi è Ŋmanà wà è Mòtò wà Hwènàmà a ò akɛlɛhwɛ ò màà mà hwatò ema hwa mò wòmeya ò mbarza.”

Matiyò 26:66

Rzìi à hwa ijòwa nanù ema, “Mamɛ inyɔ hvɛ e ɔ̀ŋgɛ̀lɛ̀ e?” Wɔ̀ hvɛ hwa tìmbìrzɛ̀lɛ̀lɛ̀ nanù ema, “A tùu ŋmaŋgò ò èŋgànɛ̀lɛ̀ rzɔ, a kànɛ̀ lì ŋwa.”

Matiyò 27:1

O ekpa arzɛ ya wùnyà, Ipìlìrzì ndɛ̀nɛ̀ ja arzɛ nà hwàmbaki hwà mbòwà hwà mà gbeyà hwètɛ̀yìrzèlì lì teŋgɛ̀nɛ̀ nɛ hwa hwɛni lì òŋwa Yerzù.

Lukàrzɛ̀ 22:71

Rzìi hwà mà òhwa hvɛ nanù ema, “Ima lìtìŋgà hvɛ ja àrza e? Irzɔ hwa àrzɛ ì hweyi nà òmà mɔ̀ ŋmìti a òhwì nà è wàna yà èni.”

Hwègbèèlì 2:23

Lohwɛ̀ à mà lòma lì hwiya nanù ndèŋgànɛ̀lɛ̀ mɔ̀ à mà tɛ̀yirzɛ nanù ema, e hwɛni lì òŋwa Yerzù ò lì mò akɛlɛ ò màà mà hwàkɔ̀yèlì ema hwa mò wòmeyà ò mbarza.