Matiyò 19:19 - Mokpwe: Bakwery (New Testament)

¹⁹ luwɛ rzɔ̀ŋgɛ na nyɔ̀ŋgɛ rzìi ò lìŋgàne hvɛ ŋmànyàŋgò wa aŋgɔ̀ na òma wa àlìŋgànɛ ò wà witi.”

Matiyò 19:19 ပူးပေါင်းရင်းမြစ်များ

Matiyò 19:20

Eŋge erzɔ̀mbɛ̀ ya mòtò rzìi e a alàhwɛ̀ nanù ema, “Nà ma ika ini mbenda ja arzɛ. Mamɛ hvɛ na hwɛni lì gbeyà e?”

Matiyò 22:39

È mbenda ema e ùkirzɛ̀ ihwàkɛ ema yɔ̀hvɛ e òhvi wòlìtò nà è mbenda ya wòrzò, nanù ema, ‘Lìŋgàna e mòtò ema à ò kòmbɛ̀nɛ̀ na òma ò alìŋgànɛ̀yi ò wà witi.’

Matiyò 5:43

“È ma hwèya ema è mà òhwahwa nanù ema, ‘Lìŋgàna ŋmànyàŋgò wà aŋgɔ̀, kɔ̀ɔ̀ hvɛ è mòtò ema à ò kɔ̀ɔ̀.’

Lukàrzɛ̀ 10:27

Òŋgò mòòkòlèlì wà mbenda rzìi a mò alàhwɛ̀ nanù ema, “Ò àŋgàmɛ̀nɛ̀yi lì lìŋgàna e Rzàŋgò Lòohwà la aŋgɔ̀ nà ŋmèma mò aŋgɔ̀ mò àrzɛ, nà èlìŋgɛ̀ ya aŋgɔ̀ ya àrzɛ̀, nà è ŋginyà yà aŋgɔ̀ ya àrzɛ, nà lìlòkɛ̀ la aŋgɔ̀ la àrzɛ. Rzìi ò lìŋgàne hvɛ̀ ŋmànyàŋgò wa aŋgɔ̀ nà òmà ò alìŋgànɛ ò wa hwìti.”

Ròmànì 13:9

Imbenda i hwèlì ndi nanù ema, “Ò rzi gbeyà mòrzònje ò ndawò ya lìhwa. Ò rzi òŋwa mòtò. Ò rzi ihwa, ò rzi òkeyà mamɛ ema è hwèlì è yà ama òhvɛhvɛ mòtò.” Ini mbenda nà inɛyi mbenda ja arzɛ ndi i làti ò lì hwɛ mbenda hvɔ̀kɔ. Èŋge mbenda è hwèlì ndi nanù ema, “O lìŋgàne ŋmanyàŋgò wà aŋgɔ̀ nà òma ò alìŋgànɛ̀yi ò wà hwìti.”

Gàletìyà 5:14

Inyɔ e gbeyà ndi nanù èhwanja hwa lati tɛ imbenda ja arzɛ eyà ema jo òhwa e hwèlì ndi nanù ema, “O lìŋgàne ohvɛhvɛ mòtò na oma wa alìŋgànɛ o wà witi.”

Jèmìrzì 2:8

Inyɔ yo ò gbeyà ndi eyà ya gbamù e hwèlì tɛ nanù ema e ikayi e mbenda ya lìkànèyà ema e hwèlì o tenì ya e kààti ya Lohwà ema e ohwa nanù ema, “O lìŋgàne ŋmànyɔ̀ŋgɔ̀ wa aŋgɔ̀ na oma o alìŋgànɛ̀yi o wà witi.”