Matiyò 19:16 - Mokpwe: Bakwery (New Testament)

¹⁶ Mòtò mɔ̀kɔ à mà jèeyà Yerzù rzi à mò ijòwa nanù ema, “Ìi Mòòkòlèlì, i ma lìtumba la eyà ya gbamù ema na hwɛni lì gbeyà ò lì lùwa lòŋgɛ la gbìndèyà e?”

Matiyò 19:16 ပူးပေါင်းရင်းမြစ်များ

Matiyò 19:15

Nà òma à mà kulɛ lì hwa hwàkɛ màa rzìi a anjiya aŋga a ɛ̀ndɛ e ya eni.

Matiyò 19:26

Yerzù rzìi a hwa ɔ̀ŋgɔ kòò, rzìi a hwa alàhwɛ̀ nanù ema, “Ene eyà ya ambani mòtò wa hwènàmà ndi e hwèlì tɛ na Lohwɛ̀, hwe arzɛ hwe gbèyɛ̀nɛ.”

Matiyò 19:29

Tɔ̀ ima mòtò hvɛ ema à mà hwɛmɛ mandawò me enì, wònyànyàŋgò tɔ̀ indòmɛ ja eni, e rzaŋgò tɔ̀ e nyàŋgò, hwàànà na erzaŋgò ya eni ya arzɛ ò nyòla ami a hwe lùwa egbe ya ŋgelì, a lùwa hvɛ lòŋgɛ la gbìndèyà.

Matiyò 25:46

Hwanù hwa arzɛ hwa ò òmahwa ndi ò e kɔ̀kìrzɛ̀ ya gbìndèyà, ndi e wɔ̀ hwa ehve-ehve hvɛ hwa ò ɛndɛ ndi ò lòŋgɛ la gbìndèyà.”

Yòwanìrzɛ̀ 10:28

Nà ŋgbà mɛ̀ɛlɛ̀ŋgù me ami lòŋgɛ là gbìndèyà, ò èŋgànɛ̀lɛ̀ me rza ŋwa tɔ̀ wùnyà. Tɔ̀ mòtò arza tànɛyi lì nò hvùmana e meyɔ ò lìya la ami.

Yòwanìrzɛ̀ 12:25

Hwàŋga hwatò ema hwa lìŋgàni lòŋgɛ là awu wɔ̀ hwa lì wɔ̀lɛ̀nɛ̀. È wɔ̀ ema hwa kɔ̀wu lòŋgɛ là awu anù rze hwa lì uta ò lòŋgɛ là gbìndèyà.

Yòwanìrzɛ̀ 3:15

Ène e gbèyɛ̀nɛ nanù, aŋga nanù tɔ̀ ima mɔ̀ ema a mò lòkɛ̀ a luwa lòŋgɛ la gbìndèyà.

Yòwanìrzɛ̀ 4:14

Ndi tɔ̀ njɛnɛ ema a nyɔ̀lì malìhwa ema imba na mò ŋgba, a rza ò hwɛnɛ ahwɛ̀nɛ̀ nyìrzɛ hvɛ. Maŋga malìhwa ema imba na mò ŋgba, ma hwɛ ndi ò tenì ya eni nàa itùŋgu ema i rza hwànja. Maŋga malìhwà mà mò ŋgba lòŋgɛ la gbìndèyà.”

Yòwanìrzɛ̀ 5:39

È òkòwe Èya ya Lohwà, èhwanja e lutelì nanù ema e òkò tɛ ye e lùwàna lòŋgɛ là gbìndèyà. Ndi ene Èya yɔ mɛnɛ ndi e òhwa lì nò hvòmɛ̀nɛ̀.

Yòwanìrzɛ̀ 6:47

Nà e òhweyà ndi e jɔ̀kɛ̀, tɔ̀ njɛ ema a nò lòkɛ̀yì a ò luwa lòŋgɛ la gbìndèyà.

Yòwanìrzɛ̀ 6:68

Rzimɔ̀ni Pètrò rzi a timbirzɛlɛlɛ ama, “Rzàŋgò e, òma njɛnɛ irzɔ jɛ̀ɛ ɛ̀ndɛ e? O wa ndi òhvi e mbɔrzi ema e ŋgbà lòŋgɛ la gbìndèyà.

Hwègbèèlì 16:30

À ma hwa wurzirzɛ ò ewòka rzìi a hwa ijòwa nanù ema, “Ìi hwa rzàŋgò, mamɛ na hwɛni lì gbeyà ò lì rzùŋgàhwà na Lohwɛ̀ e?”

Ròmànì 2:7

Hwàŋga hwatò ema hwa rza ɔ̀tɔ̀ ò lì gbeyà hweyà hwe gbamù, na lì arze èluhwe na lì kàrzɛhwɛ, hwa ò hwɛ ò lòŋgɛ ò gbìndèyà. Lohwɛ̀ a ò ŋgbà inì nyayi ja hwatò lòŋgɛ la gbìndèyà.

Ròmànì 5:21

O eŋgànɛ̀lɛ̀ rzɔ, na òma wòhwe wò hwɛni e ŋginyà ò lì jànà e kpelì, nanù mɛnɛ ndi e ndèli ya ama Lohwɛ̀ yɔ hvɛ e hwɛni ŋginyà aŋga nanù hwatò hwa ò emeyàlɛhwɛ ò wòrzò wò ama Lohwɛ̀, na lì luwa lòŋgɛ la gbìndèyà, lì akeyà na Yerzù Krirztò, Rzàŋgò wà arzu.

1 Tìmotì 1:16

Ndi Lohwɛ̀ à mà nò òkeya ììlì ò lì arza nanù ema, Yerzù Krirztò à ò nò uŋmɛ̀lɛ̀ lì àjùùlɛ̀ là eni là arzɛ ò lì nò làkìrzɛ̀ imba ema nà ohvi wòhwe ema wò koki lì aka wòhwe wò hwànɛ̀yì hwatò. Ène eyà, è mà hwɛ ndi nanù ò lì ŋgba ɛ̀mɛ̀nɛ̀nì ò hwatò ema hwa ò mò lòkɛ̀ nà lì lùwa lòŋgɛ là gbìndèyà.

1 Tìmotì 6:12

O àjùlɛ̀ o lì atàkìrzɛ̀ lì ika ŋmèma mo aŋgɔ̀ na Lohwɛ̀ na o lì mo gbèeyà. Lòŋgɛ la gbìndèyà ema Lohwɛ̀ à mà o ŋgbɛ o lì lɛmbɛ gbamù. Lohwɛ̀ à mà o ŋgba lìŋgi lòŋgɛ lìrzako ema o ma ohwe o marzo ma hwatò rzayi-rzayi nanù ema o lòkɛ̀ Krirztò.

1 Tìmotì 6:19

Hwatò hwa gbèyi tɛ nanù, e gbeyà ndi o a ɛnɛ oma hwa uti ndi mònàmɛ̀ mo awu o ŋmanyu yà lohwà. Ène e hwɛ ndi nàa mɔ̀nɔ̀ŋgɔ̀ ema mo eti, o lì ètìrzɛ̀ kɔ̀yi-kɔ̀yi hweyà ema hwe o jɛ̀ɛ̀ o worzo. Àŋga nanù wɔ̀ hwa o luwa lòŋgɛ la jɔ̀kɛ̀ la kɔ̀yi-kɔ̀yi.

Tàyìtùrzì 1:2

Aŋga nanù, hwatò hwa ama Krirztò hwa ò luwa lìhvìta là lì luwa lòŋgɛ la gbìndèyà. Ndèŋgana Lohwɛ̀ à è wèka è rze, a mà kàkɛ̀nɛ̀ nanù ema, hwatò hwa eni hwa o hwɛ na mɔ̀ natɛ̀ɛ nà ò gbìndèyà. Mɔ̀ a rza kɔ̀ hweyà.

Tàyìtùrzì 3:7

Lohwɛ̀ à mà gbeyà nanù, aŋga nanù e ndèli ya eni e gbeyà jo o emeyàhwa o worzo wo eni, rzìi irzɔ hvɛ jo o hwɛnɛ lìhvìtà nanù ema jo ò luwa lòŋgɛ la gbìndèyà.

1 Yòwanìrzɛ̀ 1:2

È mɔ̀ ema a jànà lòŋgɛ à mà àyèŋgòwɛ̀ moto hwa hwènàmà, ema hwà mà ɛnɛ na mirzɔ̀ ma awu, ndeŋgànɛ̀lɛ̀ irzɔhvɛ i ma mo ɛnɛ. I mo tɛmelì mboŋgi ndèŋgànɛ̀lɛ̀ jo e ohweyà hweyà lì mo hvomɛ̀nɛ̀ mɔ̀ ema a ŋgba lòŋgɛ la gbìndèyà, mo ema à mà hwɛ na Tatɛ̀, ndèŋgànɛ̀lɛ̀ à mà jo àwùlùhweyà.

1 Yòwanìrzɛ̀ 2:25

Èya ene ema Krirztò ŋmìti à jò kàkɛ̀nɛ̀yi, ene eyà è hwèlì ndi lòŋgɛ là gbìndèyà.

1 Yòwanìrzɛ̀ 5:20

Ì hwi nanù ema è Ŋmanà wà ama Lohwɛ̀ à mà jà ò rze yà mɔ̀nyɛ̀, ndèŋgànɛ̀lɛ̀ à mà jò gbeyà ò lì hwiya Lòohwà là jɔ̀kɛ̀. Ndeŋgana irzɔ ì hwèlì ndi ò lì ahvìyànɛ̀ nà mɔ̀, nà oma jà ahvìyànɛ̀ nà è Ŋmanà wà eni Yerzù Krirztò. Mɔ̀ ndi à hwèlì Lohwà là jɔ̀kɛ̀ ndèŋgànɛlɛ mɔ̀ ndi à hwèlì è mɔ̀ ema à ŋgba lòŋgɛ là gbìndèyà.

Judɛ 1:21

È ɛ̀ndɛ̀nɛ̀ ndi lòŋgɛ là anyu ò worzo nyayi ema inyɔ e ayèmbɛ nanù ema Lohwɛ̀ a e lìŋgàni. È hwɛ ndi o lì ambɛ̀lɛ̀, ndeŋgànɛlɛ e àhvìtɛ̀ nanù ema e Rzàŋgo ya arzu Yerzù Krirztò e o jà, ndèŋgànɛlɛ mɔ̀ à o gbeyàna ŋmèma mo eni mo ììlì, inyɔ e o luwa lòŋgɛ la gbìndèyà. Mɔ̀ a o gbeyà ndi nanù ehwànja a e lìŋgàni.